Kurdî  ■  كوردی  ■  عربي
THU, 25 APR 2024 01:37 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

"بە سەرمایەی زیاتر لە ٧٠ملیار دۆلار لە ھەرێم مۆڵەت بە پڕۆژەکان دراوە"
| KDP.info


ھەولێر _KDP.info_ گوتەبێژی دەستەی وەبەرھێنانی ھەرێمی کوردستان گوتی: لەم کابینەیە بە سەرمایەی زیاتر لە ٧٠ملیار دۆلار مۆڵەت بە پڕۆژە دراوە و ٩٠ھەزار ھەلی کاریش بۆ خەڵکی ناوخۆی ھەرێمی کوردستان ڕەخساوە.


گوتەبێژی دەستەی وەبەرھێنانی ھەرێمی کوردستان، بەرگەشت ئاکرەیی، بۆ ماڵپەڕی فەرمیی پارتی دیموکراتی کوردستان گوتی: لە ھەرێمی کوردستان ڕێنمایی دەرچووە ھەر پڕۆژەیەک ئەنجام بدرێت پێویستە ٧٥%ی کرێکارەکانی ناوخۆیی بن و تەنیا ٢٥%ی بیانی بن ئەوەش بەپێی پێویستی پڕۆژەکان، تاوەکو کرێکاری ناوخۆ ھەبێت پشت بە کرێکاری بیانی نابەسترێت، ئەمەش وای کردووە دەرفەتی کار بۆ کرێکاری ناوخۆ زیاتر بڕەخسێت، تەنیا لە کابینەی نۆیەمی حکوومەتی ھەرێمی کوردستان بەپێی ئاماری بەردەستی ئێمە  ٩٠ھەزار ھەلی کاری ڕاستەوخۆ و ناڕاستەوخۆی ڕەخساندووە، ئێستا مەرجە بۆ پڕۆژەکان ئەو ڕێنماییە جێبەجێ بکەن و بەردەوامیش چاودێری دەکەین بۆ ئەوەی کرێکاری ناوخۆ زیاتر سوودمەندبن.
بەرگەشت ئاکرەیی گوتیشی: ھەر لە کابینەی نۆیەمی حکوومەتی ھەرێمی کوردستان تا ئێستا ئەو پڕۆژانەی پێشکەش کراون ٢ھەزار و ٣٠٥ پڕۆژە بووە و ئەوانەی پەسەندکراون ھەزار و ٣٤٦ پڕۆژە بووە بە سەرمایەی ٧٠ملیار و ٧٠٦ملیۆن دۆلار و ٤٥٥ھەزار و ٧٨٢دۆلار، ئەوانەی پەسەند نەکراون ٢٠٢ پڕۆژە بوونە بەھۆی کەموکوڕی و پێویست نەبوون، ئەوانەی بڕیاریان لێ نەدراوە ٥٢٧ پڕۆژەن.
ئاکرەیی باسی لەوەش کرد: بەھۆی ئەو ڕێنماییانەی دەرکراون ڕێژەی کرێکاری بیانی لە ھەرێم کەمبووەتەوە و کرێکاری ناوخۆش زیاتر ھەلی کاریان بۆ رەخساوە، ھەر لەبەر ئەوەش مەرج بۆ پڕۆژەکان دانراوە  پێویستە ڕێژەی کرێکاری ناوخۆیی لە ٧٥%ی کەمتر نەبێت.

بڵند ئیبراھیم




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact