بیرەوەرییەکانی د. ڕۆژ نوری شاوەیس بڵاوکرایەوە

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

FRI, 26 JUL 2024 13:31 | KDP.info

ھەولێر-KDP.info- د. ڕۆژ نوری شاوەیس، ئەندامی مەکتەبی سیاسی پارتی دیموکراتی کوردستان بەر لە کۆچی دوایی کتێبێکی ٦٥٤ لاپەڕەیی بە نێونیشانی گەشتێک بە ژیانی پێشمەرگایەتییم نووسیووە، کە لە کتێبەکەیدا زۆرترین بیرەوەری لە خۆگرتووە و نووسەر یاداشتەکانی خۆی لەبارەی چەندین ڕووداوی گرنگ لە مێژووی بزاڤی ڕزگاریخوازیی کورد بە ڕاستگۆیانە و بەوپەڕی ڕاشکاوییەوە تۆمار کردووە

"گەشتێک بە ژیانی پێشمەرگایەتییم" نێونیشانی کتێبێکی ٦٥٤ لاپەڕەیی قەبارە مامناوەندییە، خوالێخۆشبوو د. ڕۆژ نوری شاوەیس ئەندامی مەکتەبی سیاسی پارتی دیموکراتی کوردستان، بەر لە کۆچی دوایی نووسیوویەتی و ئەمساڵ بە تیژاری ١٠٠٠ دانە چاپکراوە.

سەرۆک بارزانی لە لاپەڕە ٥ـی کتێبەکەدا پەیامێکی بەھاداری بۆ ئەم بیرەوەرییانەی پێشمەرگە و سیاسەتمەدار د. ڕۆژ نوری شاوەیس نووسیووە، ھاوکات "گەشتێک بە ژیانی پێشمەرگایەتییم" زۆرترین بیرەوەری لە خۆگرتووە و نووسەر یاداشتەکانی خۆی لەبارەی چەندین ڕووداوی گرنگ لە مێژووی بزاڤی ڕزگاریخوازیی کورد بە ڕاستگۆیانە و بەوپەڕی ڕاشکاوییەوە تۆمار کردووە، کە ھەموویان شایستەی ئەوەن خوێنەر و سیاسەتمەدارانی کورد پێی ئاشنابن و سوود لە ئەزموونی پڕ بایەخی ئەم سەرکردە و سیاسەتمەدارەی نیشتمان وەربگرن.

لە بەرگی دواوەی کتێبەکەیدا، د. ڕۆژ نوری شاوەیس نووسیوویەتی: "من پێموایە کاتێک ڕووداوەکان دەنووسرێتەوە، واباشترە بەر لە نووسینەوەیان ماوەیەکی باشی بەسەردا تێپەڕ بووبێت، ئەوکاتە ڕووداوەکە باشتر دەکەوێتە بەرچاو و ھەڵسەنگاندن".

د. ڕۆژ نوری شاوەیس لە ساڵی ١٩٤٧ لە شاری سلێمانی لە خانەوادەیەکی نیشتیمانپەروەر لەدایکبووە، ڕۆژی ١٥ـی شوباتی ساڵی ٢٠٢١ کۆچی دوایی کردووە. لە زانکۆی مووسڵ کۆلێژی ئەندازیاری تەواو کردووە و بڕوانامەی دکتۆرای ئەندازیاری لە وڵاتی ئەڵمانیا بەدەست ھێناوە، وێڕای ژیانی پێشمەرگایەتی و بەشداریکردنی لە شۆڕش و بەرخودانەکانی گەلی کوردستان.

له‌ دوای ڕاپەڕینی ١٩٩١ د. ڕۆژ نوری شاوەیس چەندین پلە و پێگەی ھەستیاری لە حزب و حکوومەت وەرگرتووە، لەوانەش:

-سەرۆکوەزیرانی حکوومەتی ھەرێمی کوردستان

-سەرۆکی پەرلەمانی کوردستان

-جێگری سەرۆکوەزیرانی حکوومەتی فیدڕاڵی عێراق

-ئەندامی مەکتەبی سیاسی پارتی دیموکراتی کوردستان.

دوایین هەواڵەکان

مەسروور بارزانی بەشداریی پرسەی پێشمەرگە و تێکۆشەر حاجی میرخان دۆڵەمەری کرد

SUNDAY, 23 MARCH 2025 22:03:09

پیرمام-KDP.info- مەسروور بارزانی، سەرۆکی حکوومەتی هەرێمی کوردستان ئامادەی پرسەی پێشمەرگەی هەردوو شۆڕشی ئەیلوول و گوڵان و هەڵگری میدالیای بارزانی نەمر، حاجی میرخان دۆلەمەری کرد و وەک پێزانینێک ئاماژەی بە ڕۆڵ و خەباتی خوالێخۆشبوو کرد.

نێچیرڤان بارزانی سەرەخۆشی لە خانەوادەی حاجی میرخان دۆڵەمەری دەکات

SUNDAY, 23 MARCH 2025 22:03:20

هەولێر-KDP.info- سەرۆکی هەرێمی کوردستان، سەرەخۆشی لە خانەوادەی حاجی میرخان دۆڵەمەری دەکات کە ئێوارەی ئەمڕۆ بە رووداوی هاتووچۆ گیانی لەدەستدا.

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

SUNDAY, 23 MARCH 2025 21:03:36

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."

سەرۆکی حکوومەت پێشوازی لە شاندێکی بانکی جیهانی كرد

SUNDAY, 23 MARCH 2025 13:03:22

هەولێر-KDP.info- ئەمڕۆ یەکشەممە 23ی ئاداری 2025 مەسروور بارزانی، سەرۆکی حکوومەتی هەرێمی کوردستان، پێشوازی لە شاندێکی بانکی جیهانی کرد، بە سەرۆکایەتیی جان کریستۆف کارێ، بەڕێوەبەری هەرێمیی ڕۆژهەڵاتی ناوەڕاست.

مەکتەبی سیاسیی پارتی سەرەخۆشی لە هەڤاڵ محەمەد حەسەن دەکات

SUNDAY, 23 MARCH 2025 13:03:19

هەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی باوکی، خوالێخۆشبوو (حەسەن محەمەد ڕەسووڵ) لە پەیامێکدا سەرەخۆشی لە هەڤاڵ (محەمەد حەسەن) دەکات، ئەمەی خوارەوە دەقەکەیەتی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

سەرۆك بارزانی پەیامێك بۆ كوردانی هەر چوارپارچەی كوردستان دەنێرێت

هه‌ولێر-KDP.info- سەرۆك بارزانی لە دیدارێكی تایبەتدا لەگەڵ تەلەڤزیۆنی "شەمس" تیشكی خستە سەر كۆمەڵێ بابەتی هەنووكەیی پێوەست بە هەرێمی كوردستان، پارچەكانی تری كوردستان، عێراق، ناوچەكە و هەموو جیهان بە گشتی و باسی گۆڕانكاریی مێژوویی ناوچەكە دەكات، بەتایبەتی پاش ڕووخانی ڕژێمی ئەسەد لە سووریا و كاریگەرییەكانی بۆ سەر تەواوی ڕۆژهەڵاتی ناوەڕاست.

ئیسماعیل بێشکچی تایبەت بۆ KDP باسی پرسی کورد و گۆڕانكاریه‌كانی ڕۆژهەڵاتی ناوەڕاست دەکات

ھەولێر-KDP.info- ئیسماعیل بێشکچی، کۆمه‌ڵناس و نووسه‌ر و دۆستی گه‌لی کورد، کە زیاتر لە نیو سەدەیە لە ناوچاکەدا ھاوسۆزیی بۆ پرسی کورد ھەیە، لە دیمانەیەکی تایبەتدا لەگەڵ ماڵپەڕی فەرمیی پارتی دیموکراتی کوردستان، رۆشنایی دەخاتە سەر پرسی کورد و داهاتووی رۆژهەڵاتی ناوین.