Kurdî  ■  كوردی  ■  عربي
SAT, 15 JUN 2024 13:02 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ڕۆڵی ئافره‌ت له‌ سه‌ركه‌وتنی شۆڕشه‌كاندا
| KDP.info


زیــــــبا تـەهـــــــــــا

قۆناغه‌كانی خه‌باتی سیاسی هه‌ر میلله‌تێك به‌نده‌ به‌چۆنیه‌تی ده‌ستپێك و به‌رده‌وامبوونی ئه‌و خه‌باته‌ی كه‌ له‌پێناو ئامانجێكی دیاریكراو بنیاد ده‌نرێت، بۆ گه‌لی كوردستانیش شۆڕشه‌كان له‌پێناو سه‌ربه‌خۆیی و دروستبوونی ده‌وڵه‌تێكی كوردی بووه‌، و له‌هه‌ر قۆناغێكدا سه‌ركردایه‌تی كورد خه‌بات و به‌رخۆدانی له‌پێناو به‌ره‌وپێشچوونی پرسی كورد ئه‌نجامداوه‌.

له‌دوای نسكۆی شۆرشی ئه‌یلوول، شۆڕشی گوڵان كه‌ له‌ژێر رۆشنایی رێنماییه‌كانی بارزانی نه‌مر هه‌ڵگیرسا، خه‌باتی سیاسی و چه‌كداری كوردی برده‌ قۆناغێكی نوێوه‌. هه‌روه‌ك سه‌رۆك بارزانی سه‌باره‌ت به‌ هه‌ڵگیرساندنی شۆڕشی گوڵان ده‌فه‌رموێت: “هەرچەندە دەستپێکردنەوەی شۆڕش دوای نسکۆی ساڵی 1975 کارێکی ئاسان نەبوو، تەنانەت لای زۆر کەس پتر لە خەیاڵ دەچوو، بەڵام بە دەستپێکردن و هەڵگیرسانی شۆڕشی گوڵان، ئەو راستییە بە تەواوی سەلمێندرا کە بیروباوەڕ و ئیرادە لە سەرووی هەموو شتێکە و هیچ بەربەستێک توانای رووبەڕووبوونەوەی ئیرادە و بیروباوەڕی نییە”.

شۆڕشی گوڵان كه‌ درێژه‌پێده‌ری شۆڕشی ئه‌یلووله‌ و له‌پێناو هه‌مان مه‌به‌ست هه‌ڵكیرسا، شۆڕشێكی ته‌واو ئومێدبه‌خش بوو بۆ خه‌ڵكی كوردستان چونكه‌ له‌دوای نسكۆ نه‌یارانی كورد پێیانوابوو جارێكی دیكه‌ كورد ناتوانێت ده‌ست به‌خه‌باتی چه‌كداری بكاته‌وه‌ و رووبه‌ڕووی دوژمن بوه‌ستێته‌وه‌، به‌ڵام به‌هۆی دووربینی و هزرفراوانی سه‌ركردایه‌تی كورد جارێكی دیكه‌ گه‌لی كوردستان توانی خۆی رێكبخاته‌وه،‌ و بۆ به‌رده‌وامیدان به‌خه‌باتی سیاسی بڕیاریدا شۆڕش ده‌ست پێ بكاته‌وه‌. یه‌كێك له‌هۆكاره‌كانی سه‌ركه‌وتنی ئه‌م شۆڕشه‌ش‌ به‌شداریكردنی سه‌رجه‌م خه‌ڵكی كوردستان بوو به‌شێوه‌یه‌كی فراوان به‌تایبه‌ت ئافره‌تان كه‌ رۆڵێكی گه‌وره‌یان بینی و توانیان ببنه‌ هۆكاری سه‌ركه‌وتنی شۆڕش.

ئافره‌تی كورد هه‌میشه‌ پێگه‌ و ڕۆڵی كاریگه‌ری له‌بزووتنه‌وه‌ی رزگاریخوازی كوردستاندا هه‌بووه‌، پشوو درێژ و پشت و په‌نابووه‌ بۆ برا پێشمه‌رگه‌كان، خۆڕاگر و به‌هێزبوون، نموونه‌ی باڵابوون له‌خه‌باتی سیاسیدا، كه‌ توانیویانه‌ له‌ ئاماده‌نه‌بوونی هاوسه‌ره‌كانیان ئه‌ركی به‌خێوكردن و په‌روه‌رده‌كردنی منداڵه‌كانیان بگرنه‌ ئه‌ستۆ، ئه‌م جۆره‌ نموونه‌یه‌ به‌ به‌راورد به‌ ئافره‌تانی ناوچه‌كه‌ و جیهان زۆركه‌مه‌ چونكه‌ خه‌سڵه‌تی خۆڕاگری و بوێری یه‌كێكن له‌ تایبه‌تمه‌ندییه‌كانی ئافره‌تی كورد و بۆته‌ خاڵی جیاكه‌ره‌وه‌ له‌گه‌ڵ ئافره‌تانی دیكه‌ی جیهان، ئه‌م خۆڕاگرییه‌ وایكرد كه‌ شۆڕشی گوڵان به‌كۆمه‌ڵێك ده‌ستكه‌وتی مه‌زن بۆ كورد سه‌ركه‌وتن به‌ده‌ست بهێنێت و جارێكی دیكه‌ ناسنامه‌ و شوناسی كوردبوون بپارێزێت.

ئافره‌تانی كوردستان، له‌پێناو دۆزی گه‌له‌كه‌یان قوربانیانداوه‌ و هه‌میشه‌ رووبه‌رووی دوژمن وه‌ستاونه‌ته‌وه‌، چاونه‌ترس و ئازابوون بۆ پێداگیری له‌سه‌ر هزری نیشتمانپه‌روه‌ری و خاك دۆستی. ئه‌گه‌رچی له‌ئێستادا شێوازی خه‌باتی سیاسی گۆڕانكاری به‌سه‌رداهاتووه‌، به‌ڵام ئافره‌تان له‌سه‌ر ئیراده‌ و پابه‌ندبوونی نیشتمانی مناڵه‌كانیان په‌روه‌رده‌ ده‌كه‌ن، به‌مه‌ش ده‌توانن پارێزگاری له‌مێژوو و ئێستا و ئاینده‌ی كورد بكه‌ن، و نه‌خشه‌رێگه‌ی ئاینده‌ی كورد بپارێزن.

له‌م قۆناغه‌ی ئێستاشدا، ئافره‌تان ڕۆڵ و بوونیان له‌پێشخستن و په‌ره‌پێدانی كایه‌كانی كۆمه‌ڵگه‌دا هه‌یه‌، كارده‌كه‌ن له‌سه‌رجه‌م بواره‌كاندا و هه‌نگاوی گه‌وره‌یان بۆ بره‌ودانی توانا هزری و مرۆییه‌كانی خۆیان ناوه‌ و بوونه‌ته‌ به‌شێكی سه‌ره‌كی له‌به‌رێوه‌چوونی كاره‌كانی دامه‌زراوه‌ گشتی و تایبه‌تیه‌كان، ئه‌مه‌ش ده‌گه‌ڕێته‌وه‌ بۆ ئه‌و بناغه‌ هزرییه‌ پته‌وه‌ی كه‌ ئافره‌تی كورد هه‌یه‌تی و نایه‌وێت كه‌سێكی بێ به‌رهه‌م بێت بۆ كۆمه‌ڵگه‌كه‌ی، به‌پێچه‌وانه‌وه‌ له‌گه‌ڵ هه‌موو ئاسته‌نگ و سه‌ختیه‌كان هێشتا ئافره‌تی كورد هه‌وڵی مانه‌وه‌ له‌لوتكه‌ی پێشكه‌وتن و گۆڕانكارییه‌كان ده‌دات و ده‌یه‌وێت به‌شێكی دانه‌بڕاوی ئه‌و خه‌باته‌ بێت كه‌ سه‌ده‌ها ساڵه‌ كورد خه‌باتی بۆ ده‌كات له‌پێناو ئازادیی و سه‌ربه‌خۆییدا.




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact