Kurdî  ■  كوردی  ■  عربي
SAT, 25 MAY 2024 18:19 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شاخەوان عەبدوڵڵا بۆ KDP: بڕیارە ١٨ی ئەم مانگە سەرۆکی تازەی پەرلەمان ھەڵبژێردرێت
| KDP.info


بەغدا-KDP.info- جێگری سەرۆکی پەرلەمانی عێراق رایگەیاند، بڕیارە ١٨ی ئەم مانگە پەرلەمانی عێراق بۆ ھەڵبژاردنی سەرۆکی نوێی پەرلەمان کۆببێتەوە، پەرلەمانتارێکیش دەڵێت، مەحموود مەشھەدانی بۆ ئەو پۆستە کاندیدێکی بەھێزە.

دکتۆر شاخەوان عەبدوڵڵا، جێگری سەرۆکی پەرلەمانی عێراق، بۆ ماڵپەڕی فەرمیی پارتی دیموکراتی کوردستان گوتی: "بڕیارە ١٨ی ئەم مانگە، کە دەکاتە رۆژی شەممەی سەرەتای ھەفتەی داھاتوو، پەرلەمانی عێراق کۆبوونەوەیەک ساز بکات، بۆ ئەوەی سەرۆکی تازەی پەرلەمانی عێراق ھەڵبژێردرێت".

لای خۆشیەوە، دکتۆر خالید رێکانی، ئەندامی پەرلەمانی عێراق لە فراکسیۆنی پارتی، بۆ ماڵپەڕی فەرمیی پارتی دیموکراتی کوردستان گوتی: "رۆژی شەممەی داهاتوو بۆ ھەڵبژاردنی سەرۆکی پەلەمانی عێراق دیاری کراوە، کە ماوەی شەش مانگە پەرلەمان بێ سەرۆکە و سوننەکانیش فشار دەکەن گەر ئەو پرسە یەکلا نەکرێتەوە لە پرۆسەی سیاسی دەکشێنەوە، بۆیە پێشبینی دەکرێت رۆژی شەممە سەرۆکی پەرلەمان دیاری بکرێت".

رێکانی دەشڵێ: "لە ئێستادا مەحموود مەشھەدانی کاندیدی بەھێزی سوننەکان و چوارچێوەی ھەماھەنگییە، بۆ ئەوەی ئەو پۆستە وەربگرێت و ئێمەش وەکو کورد لەگەڵ ئەوەداین سوننەکان خۆیان یەکلا بکەنەوە، ئەوکات ئێمەش پشتگیرییان دەکەین، چونکە ئێمە وەکو کورد دەمانەوێت ئەو پرسە یەکلا بکرێتەوە و سوننەکان لەنێو خۆیاندا بگەنە رێککەوتن، ئەگەرنا ئێمە گرفتمان لەگەڵ کەسدا نییە".

ناوبراو ڕوونیشی کردەوە: "کاتی ئەوە ھاتووە ئەو پرسە یەکلا بکرێتەوە و چیتر پەرلەمان بێ سەرۆک نەبێت و سەرۆکێکی تازە بۆ پەرلەمان ھەڵبژێرن، چونکە ماوەیەکی زۆرە پەرلەمان بێ سەرۆکە".

 

بڵند ئیبراھیم

 




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact