Kurdî  ■  كوردی  ■  عربي
THU, 25 APR 2024 00:15 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پیرۆزبایی ڕاگەیاندنی پارتی بەبۆنەی (٦٥)ەمین ساڵیادی دەرچوونی ڕۆژنامەی (خەبات)
| KDP.info


ھەولێر-KDP.info- بەبۆنەی (٦٥)ەمین ساڵیادی دەرچوونی یەکەمین ژمارەی ڕۆژنامەی خەبات، بەشی ڕۆشنبیری و ڕاگەیاندنی پارتی دیموکراتی کوردستان پیرۆزبایی لە سەرنووسەر و ستافی نووسین و ھونەرکاران و سەرجەم کارمەندانی ڕۆژنامەی خەبات دەکات.

دەقی پیرۆزبایی بەشی ڕۆشنبیری و ڕاگەیاندنی پارتی بەبۆنەی (٦٥)ەمین ساڵیادی دەرچوونی ڕۆژنامەی (خەبات)..

بەڕێزان/ سەرنووسەر و ستافی نووسین و ھونەرکاران و سەرجەم کارمەندانی ڕۆژنامەی(خەبات)

٤ی نیسان ڕۆژی دەرچوونی یەکەمین ژمارەی ڕۆژنامەی خەبات، بەرھەم و شانازییەکی دیکەی خەباتی بێوچانی گەلەکەمانە، ڕۆژنامەیەکی ڕەسەن و شایستە بە میدیای کوردیمان، دەسکەوتێکی دیکەی گرنگی میدیایی پارتیمانە بۆ خزمەتگەیاندن بە بواری ڕاگەیاندن بە گشتی، بەو بۆنەیەوە دەستخۆشیتان لێدەکەین و ڕۆڵی دیار و  کاریگەری ئێوە بەرز دەنرخێنین.

ڕۆژنامەی(خەبات) ئۆرگانی پارتی دیموکراتی کوردستان، ئەستێرەیەکی پڕشنگداری ئاسمانی ڕۆژنامەگەریی کوردییە و ھەمیشە دەنگ و ڕەنگی گەلەکەمان و ڕۆشنبیر و  نووسەران بووە و لە ھەموو ھەلومەرجێکدا بوێرانە شوناسی خۆی پاراستووە و بەردەوام بووە.

ڕۆژنامەی (خەبات) دەروازە و مینبەرێکی واڵایە بۆ سەرجەم چین و توێژەکانی کۆمەڵگە و  پێکھاتە جیاجیاکانی کوردستان و دەرەوەی کوردستانیش، ئاوێنە نمای خواستوویستی ھاووڵاتییانە، لەلایەکی دیکەوە قوتابخانەیەک بووە بۆ پێگەیاندنی کادیری میدیایی و ڕۆژنامەوانی، بۆیە (خەبات) لە ھەموو ڕوویەکەوە پێشەنگ و بێوێنەیە.

ڕۆژنامەی (خەبات) بەدرێژایی تەمەنی دەرچوونیدا توانیویەتی خزمەتێکی زۆری بواری مەعریفی و ڕۆشنبیری و ئەدەبی بکات، جگە لەوەی سەرچاوەیەکی مێژوویی و ئەرشیفی و ئەکادیمی گرنگیشە بۆ توێژەران و ڕۆشنبیران و نووسەران، لەو ڕووەوەش ڕۆڵی خۆی بینیەوە مایەی سوپاس و پێزانینە.

بەو بۆنەیەوە پشتیوانیی خۆمان بۆ بەرەوپێشچوونی ڕۆژنامەی (خەبات) دووپات دەکەینەوە و ھیوادارین وەک ھەمیشە لە ئاست ئەو مێژووە دەوڵەمەندە و شکۆدارەدابن و بەرەو پێش بچن.     

دروود بۆ گیانی ئەو کادیر و نووسەر و ڕۆژنامەنووسە تێکۆشەرانەی لە ڕێگای ڕۆژنامەی (خەبات)ەوە بێوچان خزمەتی ڕەوتی ڕۆژنامەوانی و دۆزی ڕەوای گەلەکانیان کردووە.

 

ھەر بەرزو شکۆدار بێت(٦٥)ەمین ساڵیادی دەرچوونی ڕۆژنامەی (خەبات)

 

بەشی ڕۆشنبیری و ڕاگەیاندنی پارتی دیموکراتی کوردستان

٤ی نیسانی ٢٠٢٤




دوایین هەواڵەکان

ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 
"پێویستە بەغدا پارە بۆ دامەزراندنی سێ یەکەمەکانی زانکۆ و پەیمانگاکانی ھەرێم تەرخان بکات"

WEDNESDAY, 24 APRIL 2024 16:04:24

ھەولێر -KDP.info-  بریکاری وەزارەتی خوێندنی باڵا و توێژینەوەی زانستی حکوومەتی ھەرێمی کوردستان ئاماژەی بۆ ئەوەکرد، پشتگیری مەسروور بارزانی سەرۆکی حکوومەتی ھەرێم دەکەین بۆ راسپاردنی لایەنە پەیوەندیدارەکان بە مەبەستی دامەزراندنی سێ یەکەمەکانی ھەرێم و دەشڵێ، شەش ھەزار  سێ یەکەمی زانکۆ پەیمانگاکان ھەیە دانەمەزراون.

 


 
© 2023 Kurdistan Democratic Party, KDP

Contact