Kurdî  ■  كوردی  ■  عربي
THU, 25 APR 2024 00:57 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

چاودێرانی سیاسی: ھەڵوێستی پارتی لەبارەی ھەڵبژاردن نیشتمانییە
| KDP.info


ھەولێر _KDP.info_ چاودێرانی سیاسی ھەڵوێستی پارتی دیموکراتی کوردستان لەبارەی بەشدای نەکردن لە ھەڵبژاردن بە ھەڵوێستێکی نیشتیمانی دەزانن و پێیان وایە، ئەو ھەڵوێستەی پارتی بۆ پارێزگاری کردنە لە قەوارەی ھەرێمی کوردستان و ڕەتکردنەوەی پێشێلکاری یاسایی و دەستورییە لە شێوازی ئەنجامدانی ھەڵبژاردنی پەرلەمانی کوردستان.


موئەید تەیب، کەسایەتی سیاسی و ئەندامی خولی پێشووی پەرلەمانی عێراق، بۆ ماڵپەڕی فەرمیی پارتی دیموکراتی کوردستان گوتی: ھەڵوێستی پارتی دیموکراتی کوردستان لەبارەی بەشدارینەکردن لە ھەڵبژاردنی پەرلەمانی کوردستان و پێشکەشنەکردنی لیستی کاندیدان، بەو جۆرە بەشدای ھەڵبژاردن ناکات کە یاسا و دەستور پێشێلکراوە، چونکە لە ساڵی ١٩٩٢ سەرۆک بارزانی داوای کرد ھەڵبژاردن بکرێت ئەوکات دەوروبەری ئێمە دژی ھەڵبژاردن بوون و ھەڵبژاردن کرا و شەرعیەتی شۆرەشگێڕی گۆرا بۆ شەرعیەتی دیموکراسی و ھەڵبژاردن و ھەموو ھەڵبژاردنەکان پارتی یەکەم بووە و ھۆکاری سەرکەوتنی ھەڵبژاردن بووە، ھەرکاتێکیش دواخرابێت لەگەڵ ئەوە بووە ھەڵبژاردن بکرێت، ئێستا دادگای فیدراڵی کۆمەڵێک بڕیاری داوە کە دەستوور و یاساکانی پێشێلکردووە و پەرلەمانی ھەڵوەشاندەوە و کۆمسیۆنی ھەڵوەشاندەوە کە ھەڵبژاردنەکانی بەڕێوەدەبرد، بۆیە سەرۆکی ھەرێم ھەندێک مەرجی بۆ ھەڵبژاردن دانابوو لەوانە سەنتەری جیاکردنەوەی دەنگەکانی دانابوو لە ھەولێر بێت، بەڵام بەغدا ئامادەنەبوو ھیچی جێبەجێ بکات و داوای ڕەوای خەڵکی ھەرێمی لەبەرچاو نەگرت.


موئەید تەیب گوتیشی: پارتی ھەست دەکات بەشداری لەو ھەڵبژاردنە بکات شەرعیەت دەداتە پێشێلکردنی پرەنسیپی فیدراڵیەت و دیموکراسەیەت لە ھەرێمی کوردستان، بۆیە ئەو ھەڵوێستە بەرگریکردنە لە سەرەوەری ھەرێمی و سەروەری سیستەمی فیدراڵی و دیموکراسی، بۆیە پارتی ئەو ھەڵوێستەی وەرگرت و سازش لە ھەڵوێستی خۆی ناکات، بەبێ پارتیش ھەڵبژاردن ئەستەمە.
لای خۆشیەوە دکتۆر سەعید خۆشناو، ماموستای زانکۆ و چاودێری سیاسی، بۆ ماڵپەڕی فەرمیی پارتی دیموکراتی کوردستان گوتی: ھەڵوێستی پارتی دیموکراتی کوردستان ھەڵوێستێکی نیشتمانییە نەک حزبی، بەرگریکردنە لە مافی دەستووری و یاسایی خەڵکی کوردستان، چونکە ئەوەی کراوە بەرامبەر ھەرێمی کوردستان پێشێلکردنی مافی یاسایی و دەستووریی ھەرێمی کوردستانە، چونکە دەیانەوێت بەزۆر ھەندێک بڕیار بەسەر ھەرێمی کوردستاندا بسەپێنن کە ھیچی یاسایی و دەستووری نییە، چونکە ئامانجی ئەوان لاوازکردنی قەوارەی ھەرێمی کوردستانە، ھەرێمی کوردستانیش ئەوە قبوڵ ناکات.


خۆشناو باسی لەوەش کرد: دەیانەوێت بە بڕیاری دەرەکی و بەھاوکاری ناوخۆ بڕیارەکانیان دژی ھەرێمی کوردستان جێبەجێ بکەن کە ھیچ بڕیارێکی یاسایی و دەستووری نین، چونکە بڕیارەکانی دادگای فیدراڵی وەکو بڕیارەکانی دادگای ئەنجوومەنی سەوڕیە، ئەوانەش لای پارتی بەھیچ شێوەیەک قبوڵکراو نین و دەیەوێت ھەڵبژاردنێک بکرێت پاک و بێگەرد بێت و دوور بێت لە دەستوەردانی ھەرێمیی و ناوخۆیی، پارتی ناچێتە ناو ھەڵبژاردنێک پێشتر نەخشەی بۆ کێشرابێت و بڕیاری لێ درابێت، بۆیە ئەو ھەڵوێستەی پارتی ھەڵقوڵاوی ناخی ھەموو کوردێکی نیشتمانپەروەرە و بەرگریکردنە لە ھەرێمی کوردستان و دەستکەوت و مافی خەڵکی کوردستان.

بڵند ئیبراھیم




دوایین هەواڵەکان

وەزارەتی ناوخۆ ئاگادارییەك ئاراستەی ئەو ئەفسەر و كارمەندانە دەكات

THURSDAY, 25 APRIL 2024 00:04:55

ھەولێر-KDP.info- وەزارەتی ناوخۆی حكوومەتی هەرێمی كوردستان ئاگادارییەك ئاراستەی ئەو ئەفسەر و كارمەندانە دەكات كە بی مۆڵەتی خوێندن بڕوانامەیان بەدەست هیناوە و تاوەكوو ئێستا بۆیان هەژمار نەكراوە.

 
ھەرێمی کوردستان بەشداری لە دیداری ئەبوزەبی بۆ وەبەرھێنان دەکات

WEDNESDAY, 24 APRIL 2024 19:04:39

ھەولێر -KDP.info- دەستەی گشتی وەبەرھێنان بەشداری لە سێزدەمین دیداری وەبەرھێنان لە ئەبوزەبی دەکات و سەرۆکی دەستەی گشتی وەبەرھێنانیش دەڵێ، ھەرێمی کوردستان بۆ جاری یەکەمە بەشداری لە دیدارەکە دەکات.

 
ئەنجومەنی وەزیران: بەپێی یاسا بەرکارە فیدڕاڵییەکان، بەشی بەغدا لە داهاتی نانەوتی هەرێم دەخرێتە سەر هەژماری وەزارەتی دارایی فیدراڵ

WEDNESDAY, 24 APRIL 2024 19:04:56

ھەولێر-KDP.info-  ئەمڕۆ چوارشەممە 24ی نیسانی 2024، بە سەرپەرشتی سەرۆک وەزیران مەسرور بارزانی، ئەنجومەنی وەزیرانی هەرێمی کوردستان کۆبووەوە.

 
مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

WEDNESDAY, 24 APRIL 2024 18:04:37

مەحموود محەممەد: وەک پارتی لەگەڵ سیستەمی هەڵبژاردن و ڕێگریی لە بەشداریی پێکهاتەکان، کۆک نەبووین

 
راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"

WEDNESDAY, 24 APRIL 2024 17:04:54

ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

 


 
© 2023 Kurdistan Democratic Party, KDP

Contact