Kurdî  ■  كوردی  ■  عربي
WED, 21 FEB 2024 14:30 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بەرپرسی لقی پارتی لە مووسڵ: ھەوڵ دەدەین پۆستێکی بەڕێوەبەری گشتیش بۆ پارتی بیت
| KDP.info


مووسڵ _KDP.info_ بەرپرسی لقی١٤ی پارتی دیموکراتی کوردستان لە مووسڵ گوتی: دوای یەکلایی کردنەوەی پۆستەکانی ئەنجوومەن و پارێزگار و جێگرەکانیان، ئێستا کار دەکرێت بۆ ئەوەی پۆستەکانی دیکەی ئیدارەی مووسڵ یەکلایی بکرێنەوە، پارتی دیموکراتی کوردستان دەیەوێت لە پۆستی بەڕێوەبەری گشتی و خزمەتگوزاری و ئەمنی و ناو پارێزگا و ئەو قایمقام و بەڕێوەبەری ناحیانەی بە وەکالەت بەڕێوە دەبردرێن پشکی خۆی ھەبێت، بڕیاریشە بەزووترین کات ئەو پۆستانەش یەکلایی بکرێنەوە بۆ خزمەتکردنی خەڵکی مووسڵ.

 

عەلی خەلیل، بەرپرسی لقی١٤ی پارتی دیموکراتی کوردستان لە مووسڵ، بۆ ماڵپەڕی فەرمیی پارتی دیموکراتی کوردستان گوتی: دوای یەکلایی کردنەوەی پۆستەکانی ئەنجومەن و پارێزگار و جێگرەکانیان و بەرکەوتنی پۆستی جێگری یەکەمی پارێزگار بۆ پارتی دیموکراتی کوردستان، پێویستە بەزووترین کات پۆستەکانی دیکەی ئیدارەکە یەکلایی بکرێنەوە، لەوانە پۆستەکانی بەڕێوەبەری گشتی و بەڕێوەبەرەکانی دیکە، لە مووسڵ سێ بەڕێوەبەری گشتی ھەن، ئەوانیش بەڕێوەبەری گشتی تەندروستی، بەڕێوەبەری گشتی پەروەردە و بەڕێوەبەری گشتی  وەبەرھێنانن، بۆیە ئێمە وەکو پارتی دیموکراتی کوردستان داوا دەکەین یەکێک  لە بەڕێوەبەرە گشتییەکان بۆ پارتی بیت، بۆ بەڕوەبەرایەتییەکانی دیکەش داوا دەکەین پشکی ئێمە بدرێت. 

عەلی خەلیل گوتیشی: لە پۆستە خزمەتگوزاری و ئەمنییەکان پێویستە پشکی پارتی دیموکراتی کوردستان بدرێت، لە پارێزگای مووسڵ ٢٤بەش ھەیە  داوا دەکەین بەپێی بەرکەوتەی ھەڵبژاردن پشکی پارتی دیموکراتی کوردستان بدرێت، بۆیە گفتوگۆی بەردەوام دەکرێت بۆ ئەوەی بەزووترین کات ئەو پۆستانەش یەکلایی بکرێنەوە و بکەونە خزمەت ھاووڵاتییان.

خەلیل باسی لەوەش کرد: بۆ پۆستی قایمقام و بەڕێوەبەری ناحیەکانیش چاوەڕێی ھەڵبژاردنی ئەنجوومەنی قەزاکان دەکرێت، ئەگەر ھەڵبژاردن کرا ئەو کات ھەوڵ دەدەین لە ڕێگەی ھەڵبژاردن پۆستەکان بەدەستبێنین ئەگەرنا ئێمە لەو پۆستانەش پشکی خۆمان دەبێت، بەڵام ھەندێک شوێن بۆشایی ھەیە، لە قایمقامی مووسڵ و تلکێف بۆشایی ھەیە و لە ھەندێک ناحیە بە ھەمان شێوە، پێویستە لەم  قۆناغە ئەوانە یەکلایی بکرێنەوە و چاوەڕێی ھەڵبژاردن نەکرێت، هەوڵ دەدەین لەو پۆستانەش پشکی پارتی بدرێت. 

 

بڵند ئیبراھیم




دوایین هەواڵەکان

سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 
سبه‌ی چەندین چالاکیی ئەکادیمی و کلتووری لەبارەی زمانی دایکەوە بەڕێوە دەچن

TUESDAY, 20 FEBRUARY 2024 21:02:45

ھەولێر-KDP.info- له‌ ڕۆژی جیهانیی زمانی دایكدا کە 21ی شوباتی هەر ساڵێکە، سبه‌ی چوارشه‌ممه‌ چەندین چالاکیی جۆراوجۆری ئەکادیمی و کلتووری لەبارەی زمانی دایکەوە لە هەرێمی کوردستان بەڕێوە دەچن.

 
سەفین دزەیی: پەیوەندییەكانمان لەگەڵ ژاپۆن توند و تۆڵ و بەهێزن

TUESDAY, 20 FEBRUARY 2024 20:02:44

ھەولێر-KDP.info- بەرپرسی فەرمانگەی پەیوەندییەکانی دەرەوەی هەرێمی کوردستان، ئاماژە بەوە دەکات، دەرفەتی وەبەرهێنان لە هەرێمی كوردستان لەبەردەم كۆمپانیا و وەبەرهێنەرە ژاپۆنییەكاندا هەیە و دەرگایان كراوەیە بۆ وەبەرهێنەرە ژاپۆنییەكان. دزەیی گوتیشی: پێكەوە لەگەڵ كۆمەڵگەی نێودەوڵەتی توانیمان داعش لەناوبەرین، بەڵام هێشتا کارەکە تەواو نەبووە و هەڕەشەی داعشیش ماوە.

 


 
© 2023 Kurdistan Democratic Party, KDP

Contact