Kurdî  ■  كوردی  ■  عربي
SAT, 15 JUN 2024 13:45 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د. خەلیل غازی: سەردانی شاندی ھەرێم کاریگەری سیاسی لەسەر لایەنە عێراقییەکان هەبوو
| KDP.info


شەوی ڕابردوو لە وێبناری لقی ٦ی پارتی دیموکراتی کوردستان د. خەلیل غازی ئەندامی لیژنەی دارایی پەرلەمانی عێراق تیشکی خستە سەر ڕەوشی نێوان ھەرێم و بەغدا، بەتایبەتی لە پرسی بودجە و مووچەدا ناوبراو ڕوونی کردەوە: ھاتنی شاندی باڵای ھەرێمی کوردستان لەڕووی سیاسییەوە کاریگەرییەکی زۆری ھەبوو لەسەر لایەنەکانی بەغدا.

د. خەلیل غازی، ئەندامی لیژنەی دارایی پەرلەمانی عێراق بە ماڵپەڕی فەرمیی پارتی دیموکراتی کوردستانی ڕاگەیاند: سەرەڕای ئەو ھەموو بودجەیەی بۆ عێراق دابینکراوە پڕۆژەی خزمەتگوزاری ئەنجام نەدراون، پڕۆژەکانی ئێستا ھی سەردەمی رژێمی پێشوون، بەپێچەوانەوە لەڕووی پڕۆژەی خزمەتگوزارییەوە ھەرێمی کوردستان بەراورد ناکرێت لەگەڵ ناوچەکانی دیکەی عێراق، پێویستە ئێمە شێوازی مامەڵەکردن لەگەڵ بەغدا بگۆڕین، خەڵکی شارەزا ڕەوانەی بەغدا بکرێن بۆ ئەوەی سوود لە تواناکانی وەربگرین، سەردانی شاندی حکوومەتی ھەرێمی کوردستان سەرکەوتوو بوو، ئەو پارەیەی دەدرێت بە ھەرێمی کوردستان قەرز نییە بەڵکو سولفەیە و پێشتر بەغدا پارەی نەداوە بەھەرێم لە مانگەکانی ڕابردوو، ھیچ زیادەیەک ناچێتە سەر ئەو ٧٠٠ ملیارەی ڕەوانەی ھەرێمی کوردستان دەکرێت.

ئەندامەکەی لیژنەی دارایی گوتی: ھاتنی شاندی پێکهاتوو لە لایەنەکانی ھەرێمی کوردستان لەڕووی سیاسییەوە گرنگی خۆی ھەبوو و کاریگەری سیاسی پەیداکردووە، لە کۆتایی ساڵدا ئەو سولفانە لەگەڵ پشکی ھەرێمی کوردستان لێک دەدرێنەوە ئەگەر ئەو پارەیەی بۆ ھەرێم ڕەوانە کراوە زیاتر بێت دەگوازرێتەوە سەر بەشە بودجەی ساڵی داھاتووی ھەرێمی کوردستان.

د. خەلیل غازی ئاماژەی بۆ ئەوەکرد: پێویستە لەسەر ئاستی باڵا شاندی ھەرێمی کوردستان سەردانی بەغدا بکات، چونکە سەردانی شاندی باڵا کاریگەری لەسەر لایەنە سیاسییەکان ھەیە، کاتی ھاتنی پڕۆژەیاسای بودجە ھەر خاڵێک لەناو یاسای بودجەدا کەوتبێتە دەست ئێمە بۆ ھەرێمی کوردستان ڕەوانە کراوە بۆ ئەوەی ئاگاداری ئەو لۆغمانەبین، یەکێک لەو لوغمانە نەفەقاتی  فیعلی بوو و بووەتە ئاستەنگ لەبەردەم پشکی ھەرێمی کوردستان.
لەبارەی دوای کۆتایی ھاتنی ئەو سێ مانگەی مووچەی دابین کراوە د. خەلیل غازی ڕوونی کردەوە: دوای سێ مانگی دیکە و کۆتایی ھاتنی ئەو گوژمەیەی پارە لە بەغداوە پێداچوونەوە بە بڕیارەکەدا دەکرێت، بێگومان مەبەست لە پێداچوونەوەش ئەوەیە بڕیاری نوێ بدرێت لەبارەی مووچەی فەرمانبەرانی ھەرێمی کوردستان.

قائید میرۆ




دوایین هەواڵەکان

مەکتەبی سیاسی پرسەنامەیەک ئاراستەی خانەوادەی (ڕۆستەم کانی هەنجیرەیی) دەکات

FRIDAY, 14 JUNE 2024 23:06:00

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عوسمان حەمە کەریم کانی هەنجیرەیی) دەکات.

 
سەرۆک بارزانی پێشوازی لە شاندێکی باڵای پارتی دیموکراتی پێشڤەڕۆی کورد لە سووریا دەکات

FRIDAY, 14 JUNE 2024 21:06:54

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.

 
باڵوێزی نوێی ویلایەتە یەکگرتووەکان لە عێراق

FRIDAY, 14 JUNE 2024 16:06:16

ھوشیار سیوەیلی

 
سەرۆک بارزانی پێشوازی لە سەرپەرشتیاری وەزارەتی دەرەوەی ئێران دەکات

FRIDAY, 14 JUNE 2024 16:06:04

ھەولێر-KDP.info- ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە بەڕێز عەلی باقری سەرپەرشتیاری وەزارەتی دەرەوەی ئێران و شاندێکی یاوەری کرد.

 
سه‌رۆكى هه‌رێمى كوردستان پێشوازی له‌ سەرپەرشتیاری وەزارەتی دەرەوەی ئێران كرد

FRIDAY, 14 JUNE 2024 15:06:24

ھەولێر-KDP.info- نیوه‌ڕۆى ئه‌مڕۆ هه‌ینى 2024/6/14 نێچیرڤان بارزانى، سه‌رۆكى هه‌رێمى كوردستان، له‌ هه‌ولێر له‌گه‌ڵ عەلی باقری، سەرپەرشتیاری وەزارەتی دەرەوەی ئێران و شاندێکی یاوه‌ری، كۆبووه‌وه‌.

 


 
© 2023 Kurdistan Democratic Party, KDP

Contact