Kurdî  ■  كوردی  ■  عربي
MON, 22 APR 2024 22:28 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شكۆی نە‌تە‌وە‌ بە‌ یادی چە‌خماخە‌ی ئە‌یلوولە‌وە‌
| KDP.info


هاودەنگ فارووق

شۆڕشی ئەیلوول، لە کاتێکدا هەڵگیرسا، كە شەوی دەیجووری كورد بوو، بارزانی نەمر توانی لەو شەوە ئەنگوستەچاوەدا ترووسكاییەك بكاتەوە، ئێستاش، سەرۆك مەسعود بارزانی، بە حیكمەت و دانایی و لێزانی و بیرتیژیی خۆی، هەنگاو بە هەنگاو پێشڕەوی نەتەوەی كورد دەكات بۆ گەیاندنی گەلی كوردستان بۆ ئەودیوی تونێلەكە.

هەموو قوتابییانی ڕێبازی بارزانیش، گوێڕایەڵ و بە گیان و ئیرادەی سەرەتای شۆڕشەوە، لە دوای سەرۆكەوە ڕێدەكەن و، دڕ بەو یەڵدایە دەدەن، كە داگیركەر بۆ كوردی خوڵقاندووە.

هیندییەکان لە سەروبەندی ڕزگاربوونیاندا لە دەست داگیرکاریی ئینگلیز و ڕاگەیاندنی سەربەخۆیی، ڕۆژانە بە سەدانیان لە برسان دەمردن! وڵاتانی ئەورووپایی، کەشتییەکی گەورەی پڕ خۆراکیان بۆ دەنێرنە کەنارەکانی دەریای هیند، حزبەکانی هیندستان سەرباری ناکۆکی و ململانێی توندیان، لەگەڵ سەردارانی وڵات، هەموو وێکڕا کۆبوونەوە و بڕیاریان دا، خۆراکی هەناردەکراوی داگیرکەر ڕەتکەنەوە. یەک مانگ کەشتییەکە لە کەنار دەریادا مایەوە، تا بە خۆراکی بەسەرچووەوە گەڕێندرایەوە، یەکدەنگ گوتیان: با بمرین لە برسان، بەڵام کەڕامەتی میللەتی هیند پارێزراو بێت، با بە گەلێکی دەرۆزەکەرمان ناوزەد نەکەن.

كورد هەرگیز لە برسان نەمردووە، لە سەردەمی شۆڕشی ئەیلوول و گوڵان و ڕاپەڕینیش سەری بۆ موچە و بۆ پارووەنانێك شۆڕ نەكردووە، نابێت بهێڵین پەڵەی شوورەییمان بە نێوچاوانەوە بلكێت، وەک میللەتێکی ژێرپێی نەتەوەی سەردەستەی خۆسەپێنی عێراق ودەستپانكەرەوە داگیرکەران وێنا بکرێن.

بڕیاری ژیرانە بۆ ئەم پرس و ئەم دۆخە، دەبێ لە بازنەی بەرژەوەندییە‌ باڵاکانی کوردستان دەرنەچێت.

پێویستە پارەدار و دەوڵەمەند و كۆمپانیاكانی كوردستان كە لە سایەی ئەو حكومڕانی و ئازادیی و زەمینەی ئاسایشی كوردستاندا، پێگەیشتوون، ویژدانی خۆیان ئاسوودە بكەن و خۆیان دەستپێشخەربن، دەستباری حكوومەتی خۆیان بن، بۆ پرسی موچە هاوكاربن و باربۆی فەرمانبەران بن، نەهێڵن كەرتەكانی ژیان و بووژانەوەی بووەستن.

ئەوانە مێژوو بە شانازییەوە ناویان دەنووسێتەوە. لەم كاتەدا، كە دەستبادانی كوردستان لەلایەن بەغدا و ئەجێندای دەرەكی گەیشتووەتە قۆناغێكی هەستیار، پێویستە كات بە فیڕۆ نەدرێت و هەنگاوی جیددی بنرێت بۆ ئەوەی شكۆی كورد بپارێزرێت.

لەم نێوەندەدا، بەرپرسیارێتیی هەمووانە دەست لەناو دەست و لەبەر ڕۆشنایی گۆڕانكارییەكانی قۆناغەكە بجوڵێن و ئەنجوومەنێك یان ژوورێكی ئۆپەراسیۆن لە هەموو چین و توێژەكانی كۆمەڵگەی كوردستان و پێكهاتە سیاسییەكان دابنرێت و ببێتە هاوكار و دەستباری بڕیارەكانی حكوومەت بكات و وەك ئەنجوومەنێكـــی ڕاوێژكاریش كار بكات بۆ ئەوەی بەردەوام پێشنیاز بداتە حكوومەت تاكوو حكوومەتی كوردستان بتوانێت وەك كەناڵێكی شەرعی و یاسایی كاری خۆی بكات. بەپرسیارێتی تێپەڕاندنی ئەم دۆخە و گەیاندنی كورد بە كەناری ئارامی، تەنها بەرپرسیارێتی یەك لایەن و یەك ناوچە و شارێك نییە، بەڵكوو بەرپرسیارێتیی هەمووانە. هەمووان پێویستە خۆ گورج بكەنەوە، وەڵامی ئەم تەحەدا گەورەیە بدەنەوە.

ناكرێت لێگەڕێین تۆپەڵە بەفرەكە خلۆر ببێتەوەو، شكۆ و مێژوومان ببێت بە ژێرییەوە.

 




دوایین هەواڵەکان

سەرۆککۆماری تورکیا گەیشتە ھەولێر

MONDAY, 22 APRIL 2024 20:04:03

ھەولێر-KDP.info-  رەجەب تەیب ئەردۆگان، سەرۆککۆماری تورکیا بەسەردانێکی فەرمیی کەمێک پێش ئێستا گەیشتە ھەولێر.

جێگری پێشووی په‌یوه‌ندییه‌ گشتییه‌كانی یه‌كێتی: ئه‌ردۆغان و جیهان وه‌ك مه‌رجه‌عی كوردان سه‌یری بارزانی ده‌كه‌ن و سه‌ردانی ده‌كه‌ن

MONDAY, 22 APRIL 2024 17:04:47

ھەولێر-KDP.info-  كارزانی سه‌باح هه‌ورامی، له‌ چاوپێكه‌وتنێكدا له‌گه‌ڵ جێگری به‌رپرسی پێشووی په‌یوه‌ندییه‌ گشتییه‌كانی یه‌كێتی نیشتمانی كوردستان و نوێنه‌رایه‌تی پێشووی یه‌كێتی له‌ تاران باس له‌ گرنگی هاتنی سه‌رۆككۆماری توركیا بۆ هه‌ولێر ده‌كات و ده‌ڵێت: كاك مه‌سعود بارزانی ڕۆڵی گرنگی له‌ ناوچه‌كه‌ هه‌یه‌ بۆیە ئەردۆغان دێتە لای.

 
کۆڕنیشی زاخۆ دەکرێتە گەورەترین کۆڕنیشی عێراق

MONDAY, 22 APRIL 2024 16:04:24

زاخۆ _KDP.info_ بەڕێوەبەری گشتی گەشتوگوزاری زاخۆ دەڵێت، قۆناغی دووەمی کۆڕنیشی زاخۆ دەستی پێکردووە و لە مانگی ئابی ئەمساڵ بەشێکی دەکرێتەوە. دەشڵێ: خابووری زاخۆ دەبێتە گەورەترین کۆڕنیش لە ئاستی عێراق.

 

مانگی داھاتوو ٢٥٠ مێگاواتی کارەبا بەرھەم دێت

MONDAY, 22 APRIL 2024 15:04:05

ھەولێر _KDP.info_ بەڕێوەبەری بەرھەمھێنانی کارەبا دەڵێ: گەیشتووتە نزیکەی چوار ھەزار مێگاوات، لە مانگی داھاتووش ٢٥٠ مێگاوات کارەبا بەرھەم دێت و دەچێتە ناو تۆڕی گشتی، دەشڵێ، لەگەڵ زیادبوونی غازی سروشتی ڕەوشی بەرھەمھێنانی کارەباش باشتر دەبێت.

 
کریستیانەکان سکاڵا دەگەیەننە دادگای نێودەوڵەتی و ئەنجوومەنی ئاسایش

MONDAY, 22 APRIL 2024 15:04:59

دھۆک_KDP.info_ نوێنەرێکی کریستیانەکان لە خولی ڕابردووی پەرلەمانی کوردستان ئاشکرایکرد، لە ھەوڵداین بۆ ئەوەی سکاڵا بگەیەنینە دادگای نێودەوڵەتی و ئەنجوومەنی ئاسایش لەبارەی نەھێشتنی کورسی کۆتا و دەشڵێ: ھەوڵەکان بەردەوامن بۆ گەڕاندنەوەی کورسی کۆتا.

 


 
© 2023 Kurdistan Democratic Party, KDP

Contact