Kurdî  ■  كوردی  ■  عربي
SUN, 26 MAY 2024 00:09 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ب گیانێ بەرخودانا شۆرەشا ئەیلولێ بەرخودانێ بکەن
| KDP.info


ئحسان ئامێدی

گوتنەک هەیە دبێژیت ماف دهێن ستاندن، ناهێن دان.. و وەلات ب شورەش و قوربانیدانێ رزگاردبن، و مللەت ب خەبات و بەرخودانێ ئازاد دبن.

شورەشا ئەیلولا نشتیمانی ب سەرۆکاتیا بارزانیێ نەمر رەد بوو ل سەر سیاسەتا شوفینزم و پشتگوهخستنا ماف و داخازێن خەلکێ کوردستانێ، و دگەرەوا وێدا خەباتا چەکداری ملبملێ خەباتا سیاسی و دبلوماسی و روشەنبیری و جڤاکی هاتە هاژوتن پێناڤی بدەستڤەئینانا مافێن رەوایێن گەلێ کوردستانێ، و ل دوماهیێ رژێما حکمدار ل ئیراقێ نەچاربوو دانوستاندنێ بکەت و بگەهیتە رێکەفتنەکێ دگەل سەرکردایەتیا شورەشێ و دانێ بمافێن نەتەوەیێن گەلێ کوردستانی بدەت و رێکەفتناما ١١ی ئادارا ١٩٧٠ئیمزا بکەت و  ب راگەهینیت و ئاسویێن گەش و باش بۆ ئیراقێ و کوردستانێ ڤەکەت و چار سالێن ئارام و گەشەبوونێ بخوڤە ببینیت.

بەلێ شورەشا ئەیلولێ حکومەت نەچارکر دانپێدانێ ب مافێن گەلێ کوردستانێ بکەت، شورەش ب ئیرادا مللەتی هند کارتێن هێزێ پەیداکرن و رژێم نەچارکر بهێتە گفتوگو و دانوستاندنێ و قەبیلکرنێ و دانپێدانێ.

ئەڤرو ژی حکومەت ل بەغدا یا خو ڤەدزیت ب جهئینانا دەستوری و پاشگەز دبیت ژ رێکەفتنێن هەرێمێ و ئیراقێ و مافێن هەرێمێ پێشیل دکەت لەوان ژی و وەکو مێژوویێ خویاکری تنێ بهێزێ دژمن دهێتە بەر باری، ئەوا دبێژن قوەت علەتی دبریت! ئەم پیتڤی وێ هێزێ ینە یا ڤی دەردی دبریت، و داکو بشین وێ بکەین دڤێت ب گیانێ شورەشا ئەیلول  و ب حیکمەتا بارزانیێ نەمر و ب رژدیا سەرۆک بارزانی ژیانێ بدەینە شورەشێ و ئیرادێ بهێزکەین و بەرسینگا قەپخازیا بگرین و توخمێن هێزێ دابینکەین و گڤاشتنێ بکەین داکو یێن بەرامبەر کو ئیراقە نەچارکەین هەڤپشکیێ و هەڤسەنگیێ و پێکهاتنێ قەبیلکەت و بجهبینیت.

ئەم یێ ل بیرەوەریا شێست و دوو سالیا شورەشا ئەیلولا نشتیمانی، ل سەر مەیە ئەم باشتر ل سەر ڤێ شورەشێ بخوینین و وانە و پەندا بۆ خو ژێبگرین و بزانین کەنگی و چاوا و ژبەر چ شورەش پێشدکەفت یان پاشڤەدچوو.

تا کوردستان نەبیتە دەولەتەک سەربەخۆ شۆرەشا رزگاریخواز بەردەوامە، ئەڤرۆ ژی هێشتا ئەم دوێ قۆناغا شۆرەشێ داینە، چونکی مافێن مە یێن دهێنە پێشیلکرن و شایستەیێن مە یێن دەستوری و یاسایی یێن دهێنە پشتگوهخستن و گوشارێن سیاسی و ئاسایشێ و ئابووری و دەرونی دژی هەرێمێ دهێنە بکارئینان، ژبەر هندێ ئەم پێتڤی نوکرنا شۆرەشا ئەیلولێ ینە ب ژیرەک سەردەمیانە.

شۆرەش ب واتا ئیرادە، باوەری، هیڤی، بەرخودان، قەپخازی و قوربانیدان پێناڤی وەلاتەکێ ئازاد و گەلەکێ سەرفراز.

راستە بارودۆخ سەختە و کێشە و گرفت و قەیران گەلەکن، لێ ئیرادە و باوەری و هیڤی ژی هەنە، لەوان سەرکەفتن مسوگەرە.

هەرێما کوردستانێ قەوارەکێ نەتەوەیێ سیاسیێ دەستوریێ دانپێدایە بخوینێ و رۆندکان هاتیە دامەزراندن، توخمێن هێزێ و مانێ و بەردەوامیێ و گەشەدانێ ل ئاستێ زالبونێ ل سەر هەمی رکبەریادایە، و خەون و ئارمانجێن دژمن و نەیاران د هەرفینیت و هیڤی و ئومێدا ئاڤا و گەش دکەت، نەیا دجهێ خودایە ئیراقەکا هەلوەشیای و حکومەتا وێ یا شکەستی بشێت هەمی مەرەمێن خو ب سەپینیت و هەرێم ژی یا دەستبەردای بیت.

خەلکێ کوردستانێ گەلەک قۆناغێن سەخت و دژوار دەربازکرینە، شۆرەشا ئەیلولێ و یا گولانێ و سەرهەلدان و روخاندنا رژێما دکتاتوری و شەرێ داعش و ریفراندۆم وەکو خاستێن نەتەوەیی کرینە و سەرکەفتیە، نهو ژی سەرکەفتن ژێ دهێتە خاستن و چاڤەرێکرن. 

دڤێت ل پێشچاڤ دانین ژیانێ دوو ستینێن سەرەکی هەنە ئەو ژی خارن و ئاسایشە،  و ل هەر جهێ ئەڤ هەردوو ستینە هەبن دێ پێشڤەچوون و گەشەدان هەبیت، لەوان خودێ مەزن د قورئانا پیرۆزدا گوتیە ( دا ڤی خودێ پەرێسین یێ ژ برسێ خارن دایێ و ژ ترسێ ئاسایش دایێ ).

حکومەتا هەرێما کوردستانێ ب شیان و زیرەکیا خو ئەڤ ستینە دابین کرن و گەشەبوونەکا باش ب هەرێمێ ڤە دروستکر و بوو جهی رازیبوونا پتریا خەلکی و ئەڤە ژی وەکو چیخنەکی بوو بو چاڤێن دژمن و نەحەز و داگیرکەران دا، لەوان ئێدی کەفتن پیلانان بۆ لاوازکرنا هەرێما کوردستانێ.

حکومەتا ئیراقێ ب مەبەست شایستەیێن دارایێن هەرێمێ بڕینە و خەلکی برسی دکەن دا نەرازیبوونێ چێکەن و قەوارێ هەرێمێ لاوازکەن، لێ ب گیانێ شورەشا ئەیلولێ کاربکەن و خو گونجاندنەکێ چێکەن و ئەوا هەی ب دادپەروەری بگەهیتە هەمیان دێ هەڤگرتنا جڤاکی هێتە پاراستن و سەرکەفتن بجههێت.

خو گونجاندن ب وی رەنگی خەلک هەست پێ بکەت دادپەروەری هەیە دێ گیانێ خوراگریێ و بەرخودانێ بهێزئێخیت و ئەڤە ئەرکەکێ مروڤی و جڤاکی و سنجی و نشتیمانی و نەتەوەیە و دهێتە خاستن بجهبهێت.

بەلێ شورەشا ئەیلولێ بەردەوامە تا بدەستڤەئینا مافێن رەوایێن مللەتی.

مللەت خاستیە ب گیانێ بەرخودانا شورەشا ئەیلولێ بەرخودانێ بکەت و سەرکەفتن هەر بەهرا مللەتیە.

ل بیرەوەریا شورەشا ئەیلولێ سلاڤ بۆ گیانێ سەرکردێ شۆرەشا ئەیلولێ و رێبەرێ مللەتێ کورد بارزانیێ نەمر و تەڤایا شەهیدێن کوردستانێ.

 




دوایین هەواڵەکان

سبەی بە سەرپەرشتیی سەرۆک بارزانی کۆمیتەی ناوەندیی پارتی کۆدەبێتەوە

SATURDAY, 25 MAY 2024 23:05:25

ھەولێر-KDP.info- بڕیارە سبەی کۆمیتەی ناوەندیی پارتی دیموکراتی کوردستان بە سەرپەرشتیی سەرۆک بارزانی کۆببێتەوە و بەرپرسێکی پارتیش دەڵێ، پرسی ھەڵبژاردن و گۆڕانکارییەکانی ناوچەکە و کوردستان، لە تەوەرەکانی کۆبوونەوەکە دەبن.

 
بەیاننامەیەک لە مەکتەبی سیاسی پارتی دیموکراتی کوردستانەوە

SATURDAY, 25 MAY 2024 20:05:58

ھەولێر-KDP.info- بەبۆنەی ٤٨مین ساڵوەگەڕی بەرپابوونی شۆڕشی گوڵانی پێشکەوتنخواز، مەکتەبی سیاسیی پارتی دیموکراتی کوردستان بەیاننامەیەکی بڵاوکردەوە.

 
هەڵگیرسانی شۆڕشی گوڵان بەرز ڕاگیرا

SATURDAY, 25 MAY 2024 19:05:31

دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.

 
دەست بە دروستکردنی نەخۆشخانەی ١٠٠ تەختی باشیک کرا

SATURDAY, 25 MAY 2024 19:05:49

باشیک -KDP.info- ئەندامی ئەنجوومەنی پارێزگای مووسڵ لە فراکسیۆنی پارتی دیموکراتی کوردستان گوتی: دوای ھەوڵێکی زۆر، بە گوژمەی ٧٧ ملیار دینار دەست بە دروستکردنی نەخۆشخانەی ١٠٠ تەختی باشیک کرا.

 
پرسەنامەیەک لە سەرۆکوەزیرانی ھەرێمەوە

SATURDAY, 25 MAY 2024 18:05:25

ھەولێر-KDP.info-  بۆ كۆچی دوایی خوالێخۆشبوو (حەسەن مستەفا محیەدین)، مه‌سروور بارزانی سه‌رۆكوه‌زیرانی هه‌رێمی كوردستان، پرسه‌نامه‌یه‌كی بڵاوكرده‌وه‌ کە ئەمە دەقەکەیتی:

 


 
© 2023 Kurdistan Democratic Party, KDP

Contact