Kurdî  ■  كوردی  ■  عربي
WED, 24 JUL 2024 18:53 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات
| KDP.info


هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

بەڕێوەبەری پلاندانان و بەدواداچوون لە وەزارەتی کشتوکاڵی حکوومەتی هەرێمی کوردستان، دکتۆرە زێدا محەمەد، بۆ ماڵپەڕی فەرمیی پارتی دیموکراتی کوردستان گوتی: حکوومەتی هەرێمی کوردستان و وەزارەتی کشتوکاڵ گرنگیی زۆریان بە بەرهەمی ناوخۆ داوە بۆ بەبازاڕکردن و بەبڕاندکردن و هەناردەکردن و بە هەموو شێوەیەک گرنگیی پێ دەدرێت، بەڵام بە هەنگاو کاری لەسەر دەکرێت، چونکە لە ئەنجومەنی وەزیران لیژنەیەکی تایبەت کار دەکات بۆ زیادکردن و بەبڕاندکردن و هەناردەکردنی بەرهەمی ناوخۆی هەریمی کوردستان، کە نوێنەری ئێمەشی تێدایە، چونکە لە زۆر بەرهەم ئێستا گەیشتووینەتە ئەوەی پێداویستیی ناوخۆ پڕ بکەینەوە وەکوو مریشک و هێلکە و لە سەوزە و میوە باشین و ئەمساڵ گەنمیش بەرهەمی زۆر باشە و بەرهەمی هەنگوینمان پارەکە هەزار و100 تۆن بوو و دابینکردنی شیرەمەنییش ساڵ بە ساڵ بەرهەمی زیاتر دەبێت و دوو ساڵی دیکە وا بڕوات لەویش دەتوانین پێداویستیی ناوخۆ پڕ بکەینەوە.''

دکتۆرە زێدا محەمەد گوتیشی: ئێمە سێ جۆرە پلانمان هەیە لە وەزارەتی کشتوکاڵ و حکوومەتی هەرێمی کوردستان، پلانێکمان هەیە کە بەرهەممان پێداویستیی ناوخۆ پڕ بکاتەوە و هەناردەی دەرەوەی بکەین و پلانێکی دیکەمان هەیە کە بەرهەممان بە دنیای دەرەوە بناسێنین و پلانی سێیەمیش بەرهەممان پێداویستیی ناوخۆ پڕ دەکاتەوە و هەناردەی خواروو وناوەڕاست دەکرێت وەکوو مریشک و هێلکە، بۆیە حکوومەتی هەرێمی کوردستان و وەزارەتی کشتوکاڵ ئامانجی ئەوەیە بەرهەمی ناوخۆ زیاد بکات و پشت بە بەرهەمی ناوخۆ ببەستین و پێداویستیی ناوخۆ پڕ بکەینەوە و بۆ دەرەوەی وڵاتیش هەناردەی بکەین.

هەر لەم بارەیەوە، بەڕێوەبەری کشتوکاڵی دهۆک، ئەحمەد جەمیل، بۆ ماڵپەڕی فەرمیی پارتی دیموکراتی کوردستان گوتی: ''حکوومەتی هەرێمی کوردستان گرنگیی زۆر بە کەرتی کشتوکاڵ دەدات و پلانی هەیە ئەمساڵ بەرهەمی زیاتر بۆ دەرەوەی وڵات هەناردە بکات، بۆ ئەو مەبەستەش تیمێکی تایبەت لە حکوومەتی هەرێمی کوردستان کار دەکات، بۆ ئەوەی لەپاڵ هەناردەی هەنار، سێو و ترێش هەناردە بکرێت و جگە لەوەش، کارگەی نوێ دروست دەکرێن، لەوانە کارگەی ئاوی میوە.''

ئەحمەد جەمیل گوتیشی: لە سنووری پارێزگای دهۆک گرنگیی زۆر بە کشتوکاڵ دراوە و ساڵ بە ساڵ بەرهەم زیاتر دەبێت و بەتایبەت بەرهەمی پەتاتە، کە ئەمساڵ 45 هەزار دۆنم زەوی چێنراوە و چاوەڕێ دەکرێت بەرهەمی زۆر بێت و بگاتە 400 هەزار تۆن و بەرهەمەکە ساخیش دەبێتەوە، چونکە 110 ساردکەرەوەمان هەیە لە سنووری دهۆک.''

 

بڵند ئیبراهیم

 




دوایین هەواڵەکان

سه‌رۆكى دیوان پێشوازى له‌ پارێزگارى پارتى شه‌مس كرد

WEDNESDAY, 24 JULY 2024 16:07:59

ھەولێر-KDP.info-  نیوه‌ڕۆى ئه‌مڕۆ چوارشەممە ٢٤/٧/٢٠٢٤ به‌ڕێز فه‌وزى هه‌ریرى، سه‌رۆكى دیوانى سه‌رۆكایه‌تیى هه‌رێمى كوردستان، پێشوازى له‌ به‌ڕێز زه‌ید ئه‌لتاله‌قانى، پارێزگارى پارتى شه‌مشى عێراقى كرد.

 
وەزیری ناوخۆ ئیمزای لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد

WEDNESDAY, 24 JULY 2024 15:07:09

ھەولێر-KDP.info-  وەزیری ناوخۆی هەرێمی کوردستان واژووی لەسەر هەمواری رێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد.

 
بەرپرسی لقی ١٦: ئەو پڕۆژانە لە ماوەیەکی نزیکدا دەکەونە بواری جێبەجێکردنەوە

WEDNESDAY, 24 JULY 2024 12:07:41

ھەولێر-KDP.info- بەرپرسی لقی ١٦ی پارتی دیموکراتی کوردستان ڕایگەیاند، وەکو لقی ١٦ی پارتی لە سنووری دەوروبەری ھەولێر، ھەمیشە پردێکی بەھێز دەبین بۆ گەیاندنی داواکاریی خەڵکی خۆمان و خۆشمان بە پارێزەری خەڵک دەزانین، ھەر بۆیە داواکاریی خەڵک بە حکوومەت دەگەیەنین و حکوومەتیش بەپێی توانا داواکاریی خەڵکی خۆمان جێبەجێ دەکات و خزمەتگوزارییان پێشکەش دەکات.

 
عه‌لی حوسێن: هه‌ر كاتێك پێویست بێت كۆبوونه‌وه‌ له‌گه‌ڵ یه‌كێتی ده‌كرێت

WEDNESDAY, 24 JULY 2024 11:07:23

سلێمانی-KDP.info- عه‌لی حوسێن، به‌رپرسی ئه‌نجوومه‌نی سه‌ركردایه‌تیی سلێمانی - هه‌ڵه‌بجه - ڕاپەڕینی‌ پارتی دیموكراتی كوردستان ئاماژه‌ به‌وه‌ ده‌كات، كه‌ پارێزگاری كه‌ركووك به‌بێ ڕێككه‌وتن له‌گه‌ڵ پێكهاته‌كانی دیكه‌ی شاره‌كه‌ دانانرێت، پارتیش له‌ گفتوگۆدایه‌ و ده‌یه‌وێت ئه‌و پرسه‌ چاره‌سه‌ر بكرێت.

 
پۆلیسی هەولێر بۆ KDP: دەستمان بەسەر سەدان پارچە چەکدا گرتووە

WEDNESDAY, 24 JULY 2024 10:07:58

هەولێر-KDP.info- بەڕێوەبەرایەتیی پۆلیسی پارێزگای هەولێر ڕایدەگەیەنێت، هەڵمەتی دەستبەسەرداگرتنی چەکی بێ مۆڵەت و نایاسایی و قەدەغەکراو بەردەوامە و لەو چوارچێوەیەشدا بە فەرمانی سەرۆکی حکوومەتی هەرێمی کوردستان، دەستیان بەسەر سەدان پارچە چەکدا گرتووە و چەندین تۆمەتباریشیان دەستگیر کردووە.

 


 
© 2023 Kurdistan Democratic Party, KDP

Contact