Kurdî  ■  كوردی  ■  عربي
SUN, 25 FEB 2024 05:32 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سیناریۆی ده‌ست له‌كاركێشانه‌وه‌ی حه‌لبوسی
| KDP.info


بڕیاره‌ هه‌فته‌ی داهاتوو سه‌رۆكی په‌رله‌مانی عێراق ده‌ست له‌كار بكێشێته‌وه‌ و ده‌ست له‌كاركێشانه‌وه‌كه‌ی بخرێته‌ ده‌نگدانه‌وه‌، دوو په‌رله‌مانتاری پارتی له‌ به‌غدا چه‌ند سیناریۆیه‌ك له‌سه‌ر هۆكاری ده‌ست له‌كاركێشانه‌وه‌كه‌ی ده‌خه‌نه‌ ڕوو.

بڕیاره‌ ڕۆژی چوارشەممه‌ له‌ دانیشتنی په‌رله‌مانی عێراق ده‌ست له‌كاركێشانه‌وه‌ی محه‌مه‌د حه‌لبووسی، سه‌رۆكی ئێستای په‌رله‌مانی عێراق بخرێته‌ ده‌نگدانه‌وه‌ به‌بێ ئه‌وه‌ی باسی هۆكاری ده‌ست له‌كاركێشانه‌وه‌كه‌ بكرێت.

له‌م بارەیه‌وه‌، ئامانج هه‌ركی، په‌رله‌مانتاری پارتی دیموكراتی كوردستان له‌ ئه‌نجومه‌نی نوێنه‌رانی عێراق، بۆ ماڵپه‌ڕی فه‌رمیی پارتی گوتی: "بابه‌تی دانیشتنی په‌رله‌مان له‌ ڕۆژی چوارشه‌ممه‌ دیاری كراوه‌، کە یه‌كه‌میان ده‌ست له‌كاركێشانه‌وه‌ی محه‌مه‌د حه‌لبووسی، سه‌رۆكی په‌رله‌مانە و، چه‌ند سیناریۆیه‌ك هه‌یه‌ له‌و بارەیەوه‌؛ یه‌كه‌م ره‌نگه‌ بۆ ئه‌وه‌ی بێت كه‌ په‌رله‌مان دانیشتن بكات و خۆی كارا بكاته‌وه‌ و سیقه‌ی خۆی نوێ بكاته‌وه‌، بۆ نوێكردنه‌وه‌ی سیقه‌ی خۆیه‌تی، چونكه‌ له دوێنێوه‌ ڕاگه‌یه‌نراوه‌ كه‌ هاوپه‌یمانیی نوێ دروست كراوه‌ بۆ پێكهێنانی حكوومه‌ت، سیناریۆی دووه‌م ئه‌وەیە ده‌یه‌وێت به‌ ده‌نگدان له‌ په‌رله‌مان ئه‌وه‌ یه‌كلا بكاته‌وه‌ كه‌ متمانه‌ی به‌و هاوپه‌یمانیه‌تییه‌ هه‌بێت، یان نا."

هه‌ر له‌م بارەیه‌وه‌، د. سه‌باح سوبحی، په‌رله‌مانتاری پارتی دیموكراتی كوردستان له‌ په‌رله‌مانی عێراق بۆ ماڵپه‌ڕی فه‌رمیی پارتی گوتی: "سیناریۆی ده‌ست له‌كاركێشانه‌وه‌كه‌ بۆ ئه‌وه‌یە لایه‌نی سه‌در و به‌رانبه‌ری سه‌درییه‌كانیش ڕازی بكات، چونكه‌ ئه‌گه‌ر په‌رله‌مانتاران ده‌نگیان دا به‌وه‌ی حه‌لبووسی ببێته‌وه‌ سه‌رۆكی په‌رله‌مان، ئه‌وه‌ پێگه‌ی حه‌لبووسی له‌ په‌رله‌مان به‌هێز ده‌بێت، واته‌ پێكهاته‌ی نوێی په‌رله‌مان ده‌نگ ده‌دات به‌ سه‌رۆكی په‌رله‌مان و سه‌رۆكی په‌رله‌مانیش ده‌یه‌وێت نیه‌تپاكی به‌رانبه‌ر به‌ سه‌درییه‌كان نیشان بدات كه‌ هیچ ئالیه‌تێكی دیكه‌ نییه‌ جگه‌ له‌ ده‌ست له‌كاركێشانه‌وه‌ و دووباره‌ ده‌نگ پێدانه‌وه‌ی له‌ په‌رله‌مان".

گوتیشی: "جووڵه‌یه‌كی سیاسییه‌ ئه‌م ده‌ست له‌كاركێشانه‌وه‌یه‌ و بۆ ڕازیكردنی هه‌ردوو به‌ره‌یه‌، بۆ ئه‌وه‌ی له‌ داهاتوودا ئیداره‌ی په‌رله‌مان بكرێت بۆ ڕاگرتنی هاوسه‌نگی. سیناریۆیه‌كی دیكه‌ش هه‌یه‌، ئه‌ویش ئه‌وه‌یه‌ كه‌ هاوپه‌یمانیی نوێ دروست كراوه‌ له‌ په‌رله‌مان و نیه‌تی ئه‌و هاوپه‌یمانییه‌ دروستكردنی حكوومه‌ته‌، سه‌رۆكی په‌رله‌مانیش ده‌یه‌وێت بە خەڵک بڵێت كه‌ دواجار هاوكیشه‌ی نوێ له‌سه‌ر پێكهاته‌ی نوێی په‌رله‌مان ده‌مێنێته‌وه‌ و  به‌ متمانه‌ی كۆنی په‌رله‌مانتاران كه‌ به‌شێكیان ده‌ستیان له‌كاركیشاوه‌ته‌وه‌ به‌رده‌وام نابێت له‌ شه‌رعیه‌تدانی په‌رله‌مان".


 




دوایین هەواڵەکان

باڵیۆزی ئه‌مه‌ریكا له‌ عێراق سه‌ره‌خۆشی له‌ سه‌رۆك بارزانی ده‌كات

SATURDAY, 24 FEBRUARY 2024 22:02:29

ھەولێر-KDP.info- به‌هۆی كۆچی دوایی خوشكی سه‌رۆك بارزانی، باڵیۆزی ئه‌مه‌ریكا له‌ عێراق په‌یامێكی سه‌ره‌خۆشی بڵاوكرده‌وه‌.

 
مەزڵووم عەبدی سەرەخۆشی لە سەرۆك بارزانی دەكات

SATURDAY, 24 FEBRUARY 2024 21:02:56

ھەولێر-KDP.info- بۆ كۆچی دوایی زەكیا مستەفا بارزانی، مەزڵووم عەبدی، فەرماندەی هێزەكانی سووریای دیموكرات (هەسەدە)، پەیامێكی سه‌ره‌خۆشی ئاراستەی سەرۆك بارزانی دەكات.

 
پاتریاركی کڵێسای كلدانی له‌ عێراق و جیهان سەرەخۆشی لە سەرۆک بارزانی دەکات

SATURDAY, 24 FEBRUARY 2024 21:02:52

ھەولێر-KDP.info- به‌هۆی كۆچی دوایی زەکیا مستەفا بارزانی، پاتریاركی کڵێسای كلدانی له‌ عێراق و جیهان پرسەنامەیەک ئاراستەی سەرۆک بارزانی دەکات.

 
هێز و لایەنە سیاسییەکان پرسە و سەرەخۆشی خۆیان بە سەرۆک بارزانی راگەیاند

SATURDAY, 24 FEBRUARY 2024 21:02:48

ھەولێر-KDP.info- ژماره‌یه‌ك له‌ سه‌ركرده‌ سیاسییه‌ سوننه‌ و شیعه‌كانی عێراق بۆ ده‌ربڕینی هاوخه‌می گه‌یشتنه‌ هه‌ولێر و به‌شداری له‌ پرسه‌ی خوشكی سه‌رۆك بارزانی ده‌كه‌ن.

 
شای ئەردەن سەرەخۆشی لە سەرۆک بارزانی دەکات

SATURDAY, 24 FEBRUARY 2024 21:02:29

ھەولێر-KDP.info- باره‌گای بارزانی بڵاویكرده‌وه‌، شا عەبدوڵڵای دووەم پاشای شانشینی ئەردەن سەرەخۆشی لە سەرۆک بارزانی دەکات.

 


 
© 2023 Kurdistan Democratic Party, KDP

Contact