Kurdî  ■  كوردی  ■  عربي
TUE, 7 APR 2020 04:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆکی حکوومەتی هەرێمی کوردستان بەشداری لە کۆنفرانسی ئاسایشی میونشن دەکات.
| KDP.info


هەولێر-KDP.info- ئەمڕۆ پێنجشەممە 2020/2/13 مەسروور بارزانی سەرۆکی حکوومەتی هەرێمی کوردستان بە سەرۆکایەتی شاندێکی حکوومی، بەرەو ئەڵمانیا بەڕێ دەکەوێت بۆ بەشداریکردن لە کۆنفرانسی ئاسایشی میونشن.

بڕیارە لەو کۆنفرانسەدا کە رۆژانی 14-16 ی ئەم مانگە بەڕێوەدەچێت، سەرۆکی حکوومەتی هەرێمی کوردستان چاوی بە گەورە بەرپرسان و بڕیاربەدەستانی جیهانی بەشدار لە کۆنفرانسەکە بکەوێت و بارودۆخی ئێستای عێراق و ناوچەکە و پەرەپێدانی پەیوەندییەکانی هەرێمی کوردستان لە گەڵ کۆمەڵگەی نێودەوڵەتی تاوتوێ بکات.  

ماوەی چەند ساڵێکە مەسروور بارزانی یەکێکە لە بەشدارە سەرەکییەکانی کۆنفرانسی ئاسایشی میونشن. 

سەرۆکی حکوومەتی هەرێمی کوردستان لە لێدوانێکی رۆژنامەوانیدا رایگەیاند کە ”لە پەراوێزی کۆنفرانسی میونشن چەندین دیدارمان لە گەڵ گەورە بەرپرسانی جیهان دەبێت و باس لە قوربانیدانەکانی پێشمەرگە قارەمانەکان لە شەڕی دژی تیرۆر و هەڕەشە بەردەوامەکانی داعش و تیرۆر دەکەین کە پێویستی بە هەماهەنگی زیاتری کۆمەڵگەی نێودەوڵەتییە بۆ رووبەڕووبوونەوەی ئەو هەڕەشە و مەترسیانە.“




دوایین هەواڵەکان

قه‌ده‌غه‌ی هاتوچۆ تا ئه‌مڕۆ سەعات 12ی شه‌و به‌رده‌وام ده‌بێت

MONDAY, 06 APRIL 2020 19:04:10

هه‌ولێر-KDP.info- وه‌زیری ناوخۆی حكوومه‌تی هه‌رێمی كوردستان گوتی، قه‌ده‌غه‌ی هاتوچۆ تاوه‌كو سەعات 12ی شه‌و به‌رده‌وام ده‌بێت و تا ئه‌وكاته‌ ورده‌كاری و ڕێنماییه‌كان بڵاو ده‌كه‌نه‌وه‌ و هیوادارن تا ئه‌وكاته‌ خه‌ڵك پابه‌ندی قه‌ده‌غه‌ی هاتوچۆ بن و نه‌یەنه‌ ده‌ره‌وه‌ و جه‌ختیشی كرده‌وه‌، لیژنه‌یه‌ك له‌سه‌ر پزیشكه‌كه‌ی سلێمانی پێك هێندراوه‌ و لێكۆڵینه‌وه‌ له ڕووداوه‌كه‌ ده‌كه‌ن.

 
د. سامان به‌رزنجی: له‌ كۆبوونه‌وه‌ی به‌رده‌وامداین بۆ ده‌ركردنی ڕێنماییی نوێ

MONDAY, 06 APRIL 2020 16:04:11

هه‌ولێر-KDP.info-  وه‌زیری ته‌ندروستیی حكوومه‌تی هه‌رێمی كوردستان گوتی، له ‌به‌یانیه‌وه‌ له ‌كۆبوونه‌وه‌ی به‌رده‌وامدان بۆ ئه‌وه‌ی بڕیار له‌باره‌ی ڕێنماییی نوێ بۆ قه‌ده‌غه‌ی هاتوچۆ له‌ هه‌رێمی كوردستان بده‌ن.

 

"حکوومەت بڕێکی زۆر خۆراکی کڕیوە بۆ دابەشکردن بەسەر ھەژاراندا"

MONDAY, 06 APRIL 2020 16:04:03

هەولێر  -KDP.info- حکوومەتی ھەرێمی کوردستان بڕێک زۆر خۆراکی کڕیوە بۆ ئەوەی لەسەر خەڵکی ھەژار دابەش بکرێت و وەزیری بازرگانیش دەڵێ، خۆراکەکە لەبەردەستە و ئالیەتێک دادەنێین بۆ دابەشکردنی بەسەر ئەوانەدا کە پێویستیان پێی هەیە.

 

شنگال لە پارەی کەرتی تەندروستیی مووسڵ بێبەش کراوە

MONDAY, 06 APRIL 2020 16:04:13

شنگال-kdp.INFO- له‌ مووسڵ حکوومەت شه‌ش ملیار دیناری بۆ كه‌رتی ته‌ندروستی ته‌رخان كردووه‌ و له‌و پاره‌یه‌ یه‌ك دینار بەشی شنگال نه‌دراوه‌  و، ڕێكخراوێكی بیانی له‌سه‌ر ئه‌ركی خۆی سێ نه‌خۆشخانە بۆ به‌ره‌نگاربوونه‌وه‌ی نه‌خۆشیی كۆرۆنا لە شنگال دروست ده‌كات.

 

ئەنجوومەنی سەرکردایەتی پارتی لە سلێمانی راگەیاندراوێکی بڵاو کردەوە

MONDAY, 06 APRIL 2020 16:04:58

به‌ڕێزان

پارێزگای سلێمانی
پارێزگای هه‌ڵه‌بجه‌
ئیداره‌ی راپه‌ڕین
به‌ڕێوه‌به‌رایه‌تیه‌كانی ته‌ندروستی
هێزه‌كانی پێشمه‌رگه‌ و ئاسایش و پۆلیس
كه‌ناڵه‌كانی راگه‌یاندن



 
© 2020 Kurdistan Democratic Party, KDP