Kurdî  ■  كوردی  ■  عربي
SAT, 25 MAY 2024 16:34 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پەرلەمانتارێکی ڕووسی بۆ KDP: سەرۆک بارزانی عەشقی کوردستانی لە دڵی ھەموواندا چاند
| KDP.info


ڕووسیا-KDP.info- میشا خالدیان، پەرلەمانتاری پەرلەمانی شاری یۆرسلاڤی ڕووسیا دەڵێت، مەلا مستەفا بارزانی، قەزیەی کوردی ھێنایە بوون و، ئێستا سەرۆک مەسعوود بارزانی رابەرایەتی ئەو پرسە لە جیھان دەکات و ھەرێمی کوردستانی کردە نموونەیەکی جوان لە تەواوی جیھان دا.  

میشا خالدیان، لە ھەڤپەیڤینێکی تایبەت بە ماڵپەڕی فەرمیی پارتی دیموکراتی کوردستانی ڕاگەیاند: "ئێستا سەرۆک بارزانی لە دڵی ھەموو کوردێکی وڵاتپارێز دایە ئەوانەی بۆ پرسی نیشتیمان و نەتەوە و سەربەخۆیی کاردەکەن، سەرۆک بارزانی توانی عیشقی کوردستان لە دڵی ھەموویاندا بچێنێت و توانی قەزییەی کوردی بەھێزبکات لەسەر ڕێبازی بارزانی باوکییەوە بەردەوامی پێدا".

خالدیان دەشڵێت: "کاتێک بارزانی نەمر ھاتە سۆڤیەتی پێشوو خەڵک ھێشتا بەو عیشقەوە دەیانەوێت کورد و کوردستان و سەرۆک مەسعوود بارزانی ببینن و زۆربەی خەڵک ناوی منداڵەکانیان لەسەر ناوی بارزانی باوکەوە ناوە".

ئاماژەیشی دا: "ئێستا ھەرێمی کوردستان پەرلەمان، سنوور، سەرۆکایەتی و شەرعیەتی ھەیە و ھەولێریش بەرەو پێشچوونێکی گەورەی بەخۆیەوە بینیوە و بووەتە مەڵبەندێکی گەورەی دیپلۆماسی، بەڵام عێراق لە ھەموو ڕووێکەوە بەرەو خراپی ڕۆیشتووە، ھەموو دیپلۆماتکار و کونسووڵەکان ھەولێر بە شوێنی خۆیان دەزانن، ئێستا وڵاتانی جیھان ھەموویان ھەولێر دەناسن".

خالیدیان دەڵێ: "ماوەی چەند ساڵێکە کار دەکەین بۆ ئەوەی شاری یاروسڵاڤ و ھەولێر یانیش دھۆک بیکەینە دەستەبرای یەکتر بۆ ئەوەی خەڵکی کوردستان و ڕووسیا ئاشنای کەلتوور و ڕۆشنبیری یەکتربن".

ئەم پەرلەمانتارە ئاماژیشی دا: "ئێستا ئەوەی دڵمان خۆشدەکات کوردستان ماڵی ھەموو پێکھاتە و ئایینێکی جیاوازە، ئێزدیەکان بە دڵی خۆیان ڕێوڕەسمی خۆیان دەکەن، لە ڕووسیا کاتێک دەبینن پیرۆزترین جەژنی ئێزدیان لە ھەرێمی كوردستان پشووی فەرمییە، بە قەد دونیایەک ئێزدییەکان دڵخۆش دەکات و دەزانن کوردستان ماڵی ئێزدیانە و ڕێزێکی تایبەت لە ئێزدیان دەگرن".

ئەوەشی خستەڕوو: "خۆزگە ھەموومان لە وڵاتی خۆمان لە کوردستان بایین تا خزمەتی گەلی خۆمان کردبا، چونکە چەند لە دەرەوە بین ھەر خزمەتی وڵاتانی بیانییە، ھەموو ئاواتم لە ژیاندا ئەوەیە کوردستان پێشبکەوێت و خۆشترین ساتێک ئەوەیە کاتێک لە ھەولێر دادەبەزی پێمان دەڵێن بەخێربێن بۆ وڵاتی خۆتان «کوردستان» ئەمە بۆ من خۆشترین ھەستە، چونکە پیرۆزترین پەرستگامان کە پەرستگای لالشە لە خاکی کوردستان دایە".

دڵخۆشی خۆیشی رادەگەیەنێت کە: "ئێزدیانی ڕووسیا بەوە دڵخۆشن کاتێک دەزانن سەرۆک بارزانی پەرستگایی لالش نۆژەندەکاتەوە ھەموویان دەزانن لە جیھاندا سەرۆک بارزانی پشتیوان و پاڵپشتی ئێزدیانە، ھاوکات نزیکەی ١٠٠ ھەزار ئێزدی لە ڕووسیا ھەیە، ھەموو ئێزدیانی ڕووسیا خۆزگە بەوە دەخوازن بێنە کوردستان و کوردستان بە وڵاتی یەکەمی خۆیان دەزانن".

 

 

کاروان باعەدری




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact