Kurdî  ■  كوردی  ■  عربي
THU, 4 JUN 2026 20:40 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەرۆکی ھەرێمی کوردستان و باڵیۆزی تورکیا دۆخی ناوچەکە تاوتوێ دەکەن
| KDP.info


ھەولێر-KDP.info-  نیوەڕۆی ئەمڕۆ پێنجشەممە 2026/6/4، بەڕێز نێچیرڤان بارزانی، سەرۆکی هەرێمی کوردستان، پێشوازیی لە بەڕێز ئانل بۆرا ئینان، باڵیۆزی تورکیا لە عێراق و شاندێکی یاوەری کرد.

لە دیدارێكدا، پەیوەندییەکانی تورکیا لەگەڵ عێراق و هەرێمی کوردستان، دۆخی سیاسیی عێراق و پەرەپێدانی هاوکاریی دوو لایەنە، بەتایبەت لە بوارى ئابووری و بازرگانیدا، تاوتوێ کرا. له‌مباره‌یه‌وه‌ جەختیان لەسەر گرنگیی بەردەوامیی هەماهەنگی لە پێناو پاراستنی ئارامى و سەقامگیری کردەوە.

هه‌ردوولا دەربارەی دۆخی سیاسی لە هەرێمی کوردستان و هه‌وڵه‌كان بۆ تێپەڕاندن و چارەسەرکردنی کێشە ناوخۆیییەکان، بیروڕایان گۆڕییەوە، هەروەها دیالۆگ و لێکگەیشتنى هەولێر ـ بەغدایان بۆ چارەسەرکردنی کێشە هەڵپەسێردراوەکان، به‌ پێویست زانى.

پرۆسه‌ی ئاشتی له‌ تورکیا، دوایین پێشهاتە هەرێمییەکان و دۆخی ناوچەکە، تەوەرێکی دیکەی دیدارەکە بوو. تیایدا هاوڕا بوون له‌سه‌ر گرنگیی چارەسەرکردنی ئاشتیانەی کێشە و ناکۆکییەکان و پاراستنی ئارامی و سەقامگیرى.

له‌ دیداره‌كه‌دا بەڕێز ئەرمان تۆپچو، كونسوڵى گشتیى توركیا له‌ هه‌رێمى كوردستان، ئاماده‌ بوو.
 




دوایین هەواڵەکان

سەرۆك بارزانی پێشوازی لە باڵیۆزی توركیا لە عێراق دەكات

THURSDAY, 04 JUNE 2026 14:06:03

ھەولێر-KDP.info-  ڕۆژی پێنجشەممە 4ی حوزەیرانی 2026 سەرۆك مەسعود بارزانی پێشوازی لە بەڕێز ئانڵ بۆرا ئینان باڵیۆزی توركیا لە عێراق كرد.

 
سەرۆکی حکوومەت پێشوازیی لە باڵیۆزی تورکیا دەکات

THURSDAY, 04 JUNE 2026 13:06:00

ھەولێر-KDP.info- سەرۆکی حکوومەتی هەرێمی کوردستان لەگەڵ باڵیۆزی تورکیا لە عێراق کۆبووەوە، لە دیدارەکەدا جەخت لە گرنگیی بەردەوامبوونی هەناردەکردنی نەوتی هەرێم و عێراق لە ڕێگەی بەندەری جەیهان کرایەوە و هەردوولا خواستی خۆیان بۆ بەهێزکردنی پەیوەندییە ئابوورییەکان نیشان دا.

 
سەرۆکی حکوومەت: بەڵێنمان لە سەرۆکوەزیرانی عێراق وەرگرتووە کە مووچە تێکەڵ بە پرسەکانی دیکە نەکرێت

THURSDAY, 04 JUNE 2026 13:06:00

ھەولێر-KDP.info- سەرۆکی حکوومەتی ھەرێمی کوردستان ڕایگەیاند، سەردانەکەیان بۆ بەغدا بە مەبەستی پشتیوانیکردن بووە لە عەلی زەیدی، سەرۆکوەزیرانی نوێی عێراق و چارەسەرکردنی کێشە ھەڵپەسێردراوەکانی نێوان ھەردوولا لەسەر بنەمای دەستوور.

 
بەرپرسی لقی ٩ بۆ KDP.info: بەردەوام لەسەر هێڵین بۆ گەیاندنی داواکارییەکانی خەڵک بە حکوومەت

THURSDAY, 04 JUNE 2026 11:06:00

ھەولێر-KDP.info- بەرپرسی لقی نۆی پارتی دیموکراتی کوردستان ڕایگەیاند، تەواوی داواکاری و پێداویستییەکانی خەڵکی ناوچەکەیان گەیاندووەتە لایەنی پەیوەندیدار لە حکوومەتی ھەرێمی کوردستان. مژدەی ئەوەش دەدات کە پڕۆژە ستراتیژییەکانی ئاو و ڕێگەوبان لە قەزای بەردەڕەش بەردەوامن و ئەوانەی وەستابوون دەست پێدەکەنەوە.

بە پاڵپشتی سەرۆکی حکوومەت هۆڵەکانی یاد و پرسە لە ناوچەکانی ئێزدیان نۆژەن دەکرێنەوە

THURSDAY, 04 JUNE 2026 11:06:00

ھەولێر-KDP.info- لە چوارچێوەی بەرنامەی کابینەی نۆیەمی حکوومەتی ھەرێمی کوردستان بۆ ئەنجامدانی پڕۆژە کۆمەڵایەتی و خزمەتگوزارییەکان، بنکەی لالش بە پاڵپشتیی دارایی و ڕاستەوخۆی مەسروور بارزانی، سەرۆکی حکوومەتی ھەرێمی کوردستان، دەستی بە پڕۆژەیەکی بەرفراوان کردووە بۆ نۆژەنکردنەوە و دروستکردنی ھۆڵەکانی پرسە و یادەکان لە ناوچە جیاوازەکانی ئێزدیان.

 



 
© 2023 Kurdistan Democratic Party, KDP

Contact