Kurdî  ■  كوردی  ■  عربي
THU, 7 MAY 2026 14:14 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ڕاگەیەندراوێک لە فراکسیۆنی پارتی لە ئەنجوومەنی نوێنەرانی عێراق
| KDP.info


ھەولێر-KDP.info- فراکسیۆنی پارتی دیموکراتی کوردستان لە ئەنجوومەنی نوێنەرانی عێراق، گەڕانەوەی خۆی بۆ کار و چالاکییە پەرلەمانییەکان ڕاگەیاند، ئەم بڕیارەی پارتییش دوای دروستبوونی لێکتێگەیشتنی ئەرێنی لەگەڵ هێزە سیاسییەکانی بەغدا و سەرۆکوەزیرانی ڕاسپێردراو دێت، بە ئامانجی چاودێریکردنی جێبەجێکردنی ڕێککەوتنەکان و داکۆکیکردن لە مافە دەستووری و داراییەکانی گەلی کوردستان و هاووڵاتییانی عێراق.

دەقی ڕاگەیەندراوەکەی فراکسیۆنی پارتی لە پەرلەمانی عێراق.

پاڵپشت بەو متمانە نیشتمانییەی گەلەکەمان پێی بەخشیوین، وەک فراکسیۆنی پارتی دیموکراتی کوردستان هەمیشە ئامادەیی و هەڵوێستە سیاسییەکانمان لە پڕۆسەی یاسادانان و چاودێریدا، ئامرازێک بووە بۆ بەرگریکردن لە مافە دەستوورییەکانی سەرجەم هاووڵاتییانی عێراق و لە نێویشیاندا مافە ڕەواکانی گەلی کوردستان، هاوكات بۆ چەسپاندنی پایەکانی هاوبەشیی ڕاستەقینە لە بەڕێوەبردنی دەوڵەتدا.

لێرەوە بە ڕای گشتی ڕادەگەیەنین، دوای دروستبوونی لێکتێگەیشتنی ئەرێنی لەنێوان هێزە سیاسییەکاندا، بەتایبەتی دوای سەردانی سەرۆکوەزیرانی ڕاسپێردراو بۆ پێکهێنانی حکوومەت و شاندی باڵای چوارچێوەی هەماهەنگی بۆ هەرێمی کوردستان و گفتوگۆکانیان لەگەڵ سەرکردایەتیی سیاسیی پارتیمان، و لە درێژەی ئەم هەوڵانەشدا سەردانی شاندی دانوستانکاری پارتی دیموکراتی کوردستان بۆ بەغدا لەپێناو گەیشتن بە چارەسەری ڕیشەیی، فراکسیۆنەکەمان بڕیاری دا بگەڕێتەوە بۆ سەر کار و چالاکییە پەرلەمانییەکانی خۆی لە ئەنجومەنی نوێنەران.

ئەم گەڕانەوەیەمان لە سۆنگەی بەرپرسیارێتیی یاسایی و نیشتمانییەوە دێت، تاوەکو لە نێو هۆڵی پەرلەمانەوە لە نزیکەوە چاودێری جێبەجێکردنی ئەو ڕێککەوتن و لێکتێگەیشتنانە بکەین کە تایبەتن بە دابینکردنی مافە دەستووری، یاسایی و داراییەکان. هاوكات دووپاتی دەکەینەوە کە هەمیشە لە سەنگەری پێشەوەی داکۆکیکردندا دەبین بۆ چەسپاندن و بەدیهێنانی تەواوی مافە ڕەواکانی سەرجەم هاووڵاتییانی عێراق و لە نێوانیشیاندا مافە ڕەواکانی گەلی کوردستان.

فراکسیۆنی پارتی دیموکراتی کوردستان

لە ئەنجومەنی نوێنەرانی عێراق

٦ی ئایاری ٢٠٢٦




دوایین هەواڵەکان

سەرۆکی حکوومەت و جێگری سەرۆکوەزیرانی بەلجیکا پەیوەندییەکی تەلەفۆنییان ئەنجامدا

THURSDAY, 07 MAY 2026 12:05:00

هه‌ولێر-KDP.info- سەرۆکی حکوومەتی ھەرێمی کوردستان و یان یامبۆن، جێگری سەرۆکوەزیران و وەزیری دارایی بەلجیکا، پەرەپێدانی پەیوەندییە دووقۆڵییەکان و دوایین گۆڕانکارییەکانی عێراق و ناوچەکەیان تاوتوێ کرد.

 
سەفین موحسین دزەیی ناوەڕۆکی دیدارەکانی لەگەڵ گەورە بەرپرسانی ئەورووپا بۆ KDP دەخاتەڕوو

THURSDAY, 07 MAY 2026 10:05:00

ئەورووپا-KDP.info- بەرپرسی فەرمانگەی پەیوەندییەکانی دەرەوەی حکوومەت ڕایگەیاند، لەسەر ڕاسپاردەی سەرۆکوەزیران مەسروور بارزانی، شاندێکی باڵای ھەرێم زنجیرەیەک دیداری دیپلۆماسییان لە وڵاتانی ئەورووپا ئەنجامداوە بە مەبەستی ڕێگریکردن لە دەستدرێژییەکان بۆ سەر کوردستان و چارەسەرکردنی کێشە ھەڵپەسێردراوەکان لەگەڵ حکوومەتی فیدڕاڵی.

مەلامستەفا بارزانی دەستخۆشی لە هەموولایەك دەكات بۆ پاراستنی ژینگەی كوردستان

WEDNESDAY, 06 MAY 2026 22:05:15

هه‌ولێر-KDP.info- مەلامستەفا بازرانی ئەمڕۆ چوارشەممە پەیامێکی تایبەتی ئاراستەی تەواوی دامەزراوە حکوومییەکان، لایەنە ژینگەیی و ئەمنییەکان، لێژنە کۆمەڵایەتییەکان، ڕێکخراوە جەماوەرییەکان، گەشتیاران و هاووڵاتییان كرد.

 
نووری عوسمان بۆ KDP: نێچیرڤان بارزانی لاپەڕەیەکی نوێی لە پەیوەندییەکانی هەولێر و بەغدا کردەوە

WEDNESDAY, 06 MAY 2026 21:05:38

هه‌ولێر-KDP.info- سەرۆکی نووسینگەی سەرۆکی هەرێمی کوردستان دەڵێ، پارتی دیموکراتی کوردستان، وەک هێزێکی سەرەکی و کاریگەر، بەشدارییەکی کارا و بەهێز لە کابینەی نوێی حکوومەتی عێراق بە سەرۆکایەتیی عەلی زەیدی دەکات، جەختیش دەکاتەوە کە سەردانەکەی بەڕێز نێچیرڤان بارزانی بۆ بەغدا، لەسەر ڕاسپاردەی سەرۆک بارزانی بووە، لاپەڕەیەکی نوێی لە پەیوەندییە سیاسییەکان و پرۆسەی دانوستان لە پێناو چارەسەرکردنی کێشە هەڵپەسێردراوەکاندا کردووەتەوە.

 
شرین حسنی بۆ KDP.info: ٩٠٠ کچ و کوڕێن دهۆکێ دێ ب هەڤژینیا بکۆم چنە د قەفەسا زێڕین دا

WEDNESDAY, 06 MAY 2026 12:05:50

دهۆک-KDP.info- د. شرین حسنی، بەرپرسا بەشێ ڕێکخستنێ ل مەکتەبا ڕێکخستنا پارێزگەها دهۆک یا پارتی دیموکراتی کوردستان، د لێدوانەکا تایبەت دا بۆ ماڵپەڕێ فەرمیێ پارتی ڕاگەهاند، "ب هەلکەفتا ٨٠ سالیا دامەزراندنا پارتی و ژدایکبوونا جەنابێ سەرۆک مەسعود بارزانی، ل ١٦ی تەباخا ٢٠٢٦ێ، ب پشتەڤانیا ماددی و مەعنەویا فەرماندە مەنصور بارزانی، دێ ڕێورەسمێن گەڕا سێیێ یا پرۆسا هەڤژینیێ بۆ ٤٥٠ بووک و زاڤایان ل هەر پێنج لقێن سنوورێ مەکتەبا مە هێنە ئەنجامدان."

 


 
© 2023 Kurdistan Democratic Party, KDP

Contact