ھەولێر-KDP.info- نێچیرڤان بارزانی، سەرۆکی ھەرێمی کوردستان، پەیوەندییەکی تەلەفۆنیی لەگەڵ عەباس عێراقچی، وەزیری دەرەوەی کۆماری ئیسلامیی ئێران ئەنجامدا و دۆخی ناوچەکەیان تاوتوێ کرد.
ئەمڕۆ ھەینی ٢٠٢٦/٤/٢٤، بەڕێزان نێچیرڤان بارزانی، سەرۆکی ھەرێمی کوردستان و عەباس عەراقچی، وەزیری دەرەوەی کۆماری ئیسلامیی ئێران، پەیوەندییەکی تەلەفۆنییان ئەنجام دا.
لە پەیوەندییەکەدا، ھەردوولا بیروڕایان دەربارەی دوایین پێشھاتەکانی دۆخی ناوچەکە گۆڕییەوە، ھەروەھا جەختیان لە گرنگیی پاراستنی ئارامی و سەقامگیری و ھاتنەدیی ئاشتی لە ناوچەکەدا کردەوە.
پەیوەندییەکانی کۆماری ئیسلامیی ئێران لەگەڵ عێراق و ھەرێمی کوردستان و چەند پرسێکی جێی بایەخی ھەردوولا، تەوەرێکی دیکەی پەیوەندییە تەلەفۆنییەکەیان بوو.