ئامێدی-KDP. info-  ب هەلکەفتا سالیادا ژ دایکبوونا ڕێبەر و بابێ روحیێ نەتەوا کورد "بارزانیێ نەمر"، ئەڤرۆ 14ی ئادارا 2026ێ، ل سەرانسەری قەزا ئامێدیێ، سنورێ لقێ 18 و هەر هەشت لیژنەیێن ناوچەیێن (ئامێدی، دێرەلوک، شێلادزێ، سیریێ، سەرسنک، بامەرنێ، کانی ماسێ و چەمانکێ) ب پشکداریەکا جەماوەری یا بەرفرەهـ، هەوەکا مەزنا دارچاندنێ بڕێڤەچوو.

ل سکەی – ئامێدیێ، ب پشکداریا بەرێزان "بەهرام عریف یاسین" بەرپرسێ لقێ هەژدەیێ پارتی ل ئامێدیێ، "وارشین سەلمان" قایمقامێ قەزا ئامێدیێ، دەستەیا کارگێر و ئەندام و کادرێن لقێ 18، بەرپرس و کارگێر و کادرێن ناوچا ئامێدیێ، ڕێڤەبەر و فەرمانبەرێن دامودەزگەهێن میری، کەسایەتی، مامۆستا، قوتابی، لاو و ئافرەتان، هەوەکا بەرفرەها دارچاندنێ بڕێڤەچوو.

  بەرپرسێ لقێ د لێدوانەکێدا بۆ دەزگەهێن ڕاگەهاندنێ گۆت:
دامودەزگەهێن حزبی، میری، لەشکەری و ڕێکخراوێن خزمەتا خەلکێ دەڤەرێ دکەن، ئەڤرۆ ل ڤێرێ بەشدارن د هەوەکا دارچاندنێ دا ب بونەیا سالیادا ژ دایکبوونا بارزانیێ مەزن.  بارزانیێ مەزن سەرۆکێ نەتەوەیی و روحیێ گەلێ کوردستانێیە؛ ئەو سەرۆکێ کو ب خەبات و خزمەت و بەردەوامیێ، هەمی تەمەنێ خۆ بۆ دۆزا گەلێ خۆ تەرخان کری و بوویە رەمزا خەباتا گەلێ کوردستانێ.
وەک دلسۆزیەک و نۆکرنەڤەیا سۆز و پەیمانان بۆ ڕێبازا بارزانی و ڕێزگرتن ل گیانێ پاکێ بارزانیێ مەزن و تەڤایا شەهیدێن کوردستانێ، ئەڤرۆ ئەڤ هەوە ل سەرتاسەری سنورێ قەزا ئامێدیێ هاتە ئەنجامدان.