ھەولێر-KDP.info- پڕۆژەی هەژماری من ئاگاداری بەشێك لە خانەنشینان دەكاتەوە ئەوانەی كارتە بانكییەكانیان تەواو بووە، دەڵێت "ئێستا دەتوانن كارتەكان وەری بگرنەوە".
ئەمڕۆ هەینی پڕۆژەی (هەژماری من) ئاگادارییەكی بۆ خانەنشینان بڵاو كردەوە، لە ئاگادارییەكەدا هاتووە "تكایە سەیری مۆبایلەكانتان بكەن ئەگەر نامەی گەڕانەوەی كارتە بانكییەكانتان بۆ هاتووە".
ئاماژە بەوەشدراوە "ئەگەر نامەكەتان لە مۆبایل بەدەستگەیشتبوو، سەردانی بانكەكەتان بكەن و كارتە بانكییەكەتان وەربگرنەوە".
بەگوێرەی دوایین داتای پڕۆژەی (هەژماری من)، تا دێت ژمارەی بەشدارانی پڕۆژەكە لە زیادبووندایە، بەشێوەیەك كە مانگی رابردوو زیاتر لە 600 هەزار مووچەخۆر بەشێوەی دیجیتاڵی مووچەكانیان وەرگرتبوو.