دھۆک -KDP.info- بەرپرسی لقی یەکی پارتی دیموکراتی کوردستان لە دھۆک گوتی "بە فەرمانی سەرۆک بارزانی و بە پشتگیری فەرماندە مەنسور بارزانی، ٣٠٠ کورسی کارەبایی بەسەر خاوەن پێداویستی تایبەت لە دھۆک دابەشدەکرێت."
دکتۆر نەوزاد عەبدوڵڵا، بەرپرسی لقی یەکی پارتی دیموکراتی کوردستان لە دھۆک، بە ماڵپەڕی فەرمیی پارتی دیموکراتی کوردستانی ڕاگەیاند "ئەمڕۆ بە فەرمانی سەرۆک بارزانی و بە پشتگیری فەرماندە مەنسور بارزانی، لە مەراسیمێکی تایبەتدا ژمارەیەک کورسی کارەبایی بەسەر خاوەن پێداویستی تایبەت لە پارێزگای دھۆک دابەش کرا، ٣٠٠ کورسی کارەبایی بەردەستە و کۆمەڵێک دکتۆر وەکو لیژنە سەردانی نەخۆشخانەکان دەکەن و بەپێی پێویستی کورسی بەسەر خاوەن پێداویستی تایبەت دابەش دەکرێت."
دکتۆر نەوزاد عەبدوڵا گوتیشی "زۆر خەڵک ھەیە پێویستی بە خزمەتی جۆراوجۆر ھەیە، ئەمەش یەکێکە لە خزمەتەکانی لقی یەکی پارتی دیموکراتی کوردستان بە پشتگیری ڕاستەوخۆی فەرماندە مەنسور بارزانی، پێشکەشی خاوەن پێداویستی تایبەت دەکرێت، کە لە ھەموو سنووری پارێزگای دھۆک کورسی بەسەر خاوەن پێداویستی تایبەتدا دابەش دەکرێت."
بڵند ئیبراھیم