ھەولێر-KDP.info- لە سنووری شارەوانی کەورگۆسک تیروپشک بۆ زەوی فەرمانبەران کرا و پارێزگاری ھەولێریش دەڵێت: تاوەکوو یەک کەس مابێت لەو سنوورە پرۆسەکە بەردەوامی دەبێت.
ئومێد خۆشناو، پارێزگاری ھەولێر، ئەمڕۆ یەکشەممە، ٣ـی ئابی ٢٠٢٥، لە کۆنگرەیەکی ڕۆژنامەوانیدا ڕایگەیاند: لە سنووری شارەوانی کەورگۆسک ھەزار پارچە زەوی دابەشدەکرێت، فەرمانبەران و ھێزە ئەمنییەکان دەگرێتەوە، دابەشکردنی زەوی لە بارودۆخی ئێستا پێویستبوو، ئەمەش دوای ئەوەی سەرۆکوەزیران فەرمانی دابەشکردنی زەوی دا بۆ ئەو کەسانەی سوودمەند نەبووە.
پارێزگاری ھەولێر گوتیشی: بڕیاری سەرۆکوەزیران بۆ دابەشکردنی زەوی بووە ھۆی دڵخۆشی فەرمانبەران و سوودمەندان، تاوەکوو یەک فەرمانبەر مابێت، پرۆسەکە بەردەوام دەبێت بەگوێرەی ئەو خاڵبەندییەی دانراوە.
