Kurdî  ■  كوردی  ■  عربي
MON, 4 JUL 2022 17:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئاواره‌ مه‌سیحییه‌كان له‌ كوردستان هیوا کەوتووەتەوە دڵیان
| KDP.info


به‌غدا-KDP.info-  له‌ دیدارى به‌رپرسى لقى 5ـى پارتیى دیموكراتى كوردستان له ‌به‌غدا و، سه‌رۆكى كه‌نیسه‌ى قبتى و، (مینا ئورشه‌لیمى) نوێنه‌رى كریستیانه‌ قبتییه‌كانى وڵاتى میسر له ‌عێراق گوتى: "ئاواره‌ مه‌سیحییه‌كان له‌ كوردستان هه‌ست به‌ ئارامى و دڵنیایى ده‌كه‌ن و، هیوا کەوتووەتەوە دڵیان؛‌‌ پێكه‌وه‌ژیانی برایانه‌ی پێكهاته‌ جیاوازه‌كانی هه‌رێمی كوردستان، به‌بێ ڕه‌چاوكردنی نه‌ته‌وه‌ و ئایین و مه‌زه‌ب، نموونه‌یه‌كی سه‌ركه‌وتووى دیمۆكراسیه‌ له‌ ناوچه‌كه‌دا.
ئه‌مڕۆ سێشه‌ممه‌ (محه‌مه‌دئه‌مین ده‌لۆ) به‌رپرسى لقى 5ـى پارتیى دیموكراتى كوردستان له ‌به‌غدا، پێشوازیى له‌ (مینا ئورشه‌لیمى) سه‌رۆكى كه‌نیسه‌ى قبتیان و، نوێنه‌رى كریستیانه‌ قبتییه‌كانى وڵاتى میسر له ‌عێراق و  شاندێكى یاوه‌رى كرد؛ له‌ دیداره‌كه‌دا شاندى میوان سوپاس و پێزانینى خۆیان بۆ جه‌نابى سه‌رۆك بارزانى و، حكوومه‌تى هه‌رێمى كوردستان دووپات كرده‌وه‌ كه‌ به ها‌ناى ئاواره‌ مه‌سیحییه‌كانى عێراقەوە چووه‌ و، كۆمه‌ك و هاوكارى پێشكه‌ش كردووه‌، وه‌ك چۆن پێشتریش هه‌ر ئەو شتەى بۆ ئه‌و مه‌سیحیانه كرد كه‌ له‌ ناوه‌ڕاست و باكوور و ناوچه‌كانى دیكه‌ى عێراقه‌وه‌ له‌ ترسى تیرۆر، ڕوویان له‌ هه‌رێمى كوردستان كردبوو. شانده‌كه‌ هه‌روه‌ها ئاماژه‌ى به‌وه‌ دا كه‌ ئاواره‌ مه‌سیحییه‌كان له‌ كوردستان هه‌ست به‌ ئارامى و دڵنیایى ده‌كه‌ن و هیوایان بۆ گه‌ڕاوه‌ته‌وه‌‌.
به‌رپرسى لقى 5ـى پارتیى دیموكراتى كوردستانیش، وێڕاى به‌خێرهێنان و ده‌ربڕینى خۆشحاڵى بەو سه‌ردانەى شانده‌كه‌، ڕایگه‌یاند كه‌ گه‌لی كورد به‌رده‌وام په‌یامی ئاشتی و پێكه‌وه‌ژیانی برایانه‌ی هه‌ڵگرتووه‌، ئه‌م په‌یامه‌ی گه‌ل و حكوومه‌تی هه‌رێمی كوردستان ئاشكرایه ‌و، له‌ سه‌رجه‌م كایه‌كانی ژیان و په‌یوه‌ندیه‌كانی له‌گه‌ڵ وڵاتاندا ره‌نگی داوه‌ته‌وه‌. ئاماژه‌یشی به‌وه ‌دا كه‌ پێكه‌وه‌ژیانی برایانه‌ی پێكهاته‌ جیاوازه‌كانی هه‌رێمی كوردستان به‌بێ ڕه‌چاوكردنی نه‌ته‌وه‌ و، دین و، مەزەب، نموونه‌یه‌كی سه‌ركه‌وتووى دیموكراسیه‌ له‌ ناوچه‌كه‌دا.




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact