پیرۆزبایی مەکتەبی سیاسیی پارتی بەبۆنەی (٦٥)ەمین ساڵیادی دەرچوونی ڕۆژنامەی خەبات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 3 APR 2024 16:32 | KDP.info

ھەولێر-KDP.info- بەبۆنەی (٦٥)ەمین ساڵیادی دەرچوونی یەکەمین ڕۆژنامەی خەباتەوە، مەکتەبی سیاسیی پارتی دیموکراتی کوردستان پیرۆزبایی لە سەرنووسەر و ئەندامانی ستافی نووسین و کادیر و کارمەندانی ڕۆژنامەی خەبات دەکات.

دەقی پیرۆزبایی پەیامی پیرۆزبایی مەکتەبی سیاسیی پارتی بەبۆنەی (٦٥)ساڵیادی دەرچوونی ڕۆژنامەی (خەبات)

ھەڤاڵانی بەڕێز سەرنووسەر و ئەندامانی ستافی نووسین و کادیر و کارمەندانی ڕۆژنامەی (خەبات).

ئەمڕۆ(٦٥)یەمین ساڵوەگەڕی بە ئاشکرا دەرچوونی یەکەم ژمارەی ڕۆژنامەی (خەبات)ە، کاروانی پڕ بەخششی ئەو ڕۆژنامەیە مایەی شانازی ڕۆژنامەگەری کوردیمانە، کە لە ڕێرەوتی ڕاگەیاندن و میدیای کوردیدا جێدەستی ڕوون و بەرچاوە بۆ خزمەتگەیاندن بە بواری ڕۆشنبیری و کولتووری نەتەوەیی و نیشتیمانیمان.

ڕۆژنامەی (خەبات) وەکو یەکەمین ڕۆژنامەی ڕۆژانە و زمانحاڵی پارتی دیموکراتی کوردستان یەکێکە لە دەستکەوتە گرنگەکانی بزووتنەوەی ڕزگاریخوازی گەلەکەمان، لەو ڕوانگەیەوە ھەمیشە و لە قۆناغە جیاجیاکاندا خزمەتێکی زۆری پێکەوەژیان و ئاشتەوایی کردووە، ھەروەھا سەکۆی داکۆکیکردن بووە لە پرەنسیپەکانی دیموکراسی و ئازادی ڕادەربڕین و بڵندگۆی بێ جیاوازی سەرجەم ڕۆشنبیران و نووسەران و ڕۆژنامەنووسان بووە.

ڕۆژنامەی (خەبات) خاوەن تایبەتمەندییەکی جیاو دیاری پیشەوەرانە و ڕۆژنامەوانییە و ئەو ڕێبازەی خۆی پاراستووە بە پەیڕەوکردنی بنەما و ئیتیکی ڕۆژنامەگەریی و گرتنەبەری ئاراستەیەکی ڕاست و دروست و ڕەوان بۆ ڕەخساندنی زەمینەیەکەی ئازاد و ڕاستگۆیانە بۆ گەیاندنی پەیامەکەی بە خوێنەرانی.

لەلایەکی دیکەوە ئەو ڕۆژنامەیە لە گەیاندنی پەیامی ڕۆژانەی خۆیدا سەرکەوتوو بووە بەو پێیەی خاوەن ستراتیژ و پلان و ستافێکی شارەزایە و توانیویەتی وەک ڕۆژنامەیەکی ڕۆژانە و لە ڕێگەی پێگەی فەرمی خۆی و ماڵپەڕە ئەلیکترۆنییەکانەوە خزمەتێکی زۆری پرسە سیاسی و ئابووری و کۆمەڵایەتی و ئەدەبییەکان بکات.

لە ساڵیاد و ئەو بۆنە پیرۆزەدا پیرۆزباییەکی گەرم لە ئێوەی بەڕێز و خوێنەرانی ڕۆژنامەکە دەکەین و کار و چالاکی و ڕۆڵی گرنگتان بەرز دەنرخێنین، جارێکی دیکە پشتیوانی خۆمان بۆ بەرەوپێشچوونی ڕۆژنامەی (خەبات) دووپات دەکەینەوە و ھیوادارین بۆ لەمەودواش بە ھەمان گیانی لەخۆبردوویی و دڵسۆزانە لە ئەرکی پیرۆزتان بۆ تۆمارکردنی سەروەرییەکان و دیکۆمێنتکردنی ڕووداو و ھەنگاو و دەستکەوتەکان بەردەوامبن و، ھەمیشە جێدەستتان بەسەر پانتایی میدیا و ڕۆژنامەوانیدا فراوانتر و کاریگەرتر بێت.

سڵاو و دروود بۆ گیانی کەسایەتی و نووسەر و کادیر و ڕۆژنامەنووسانی پێشەنگ، کە دڵسۆزانە و بوێرانە ئەو کاروانە شکۆدارەیان بەئەمڕۆ گەیاند.

ھەردەم بەرزو پیرۆز بێت (٦٥)ساڵەی دەرچوونی ڕۆژنامەی(خەبات)

مەکتەبی سیاسیی پارتی دیموکراتی کوردستان
٤ـی نیسانی ٢٠٢٤

دوایین هەواڵەکان

د. کەمال کەرکووکی بۆ KDP: بیرۆکەی سەرۆک بارزانی سەرکەوت

MONDAY, 19 MAY 2025 21:05:00

ھەولێر-KDP.info- ٣٣ ساڵ لەمەوبەر، لە ڕۆژێکی وەکو ئەمڕۆدا یەکەم ھەڵبژاردنی پەرلەمانی کوردستان ئەنجامدرا. سەرۆکی پێشووی پەرلەمانی کوردستانیش دەڵێت، ھەڵبژاردن بیرۆکەی سەرۆک بارزانی بوو، بۆ ئەوەی گەل نوێنەری خۆی ھەڵبژێرێت و بڕیار لە چارەنووسی خۆی بدات، نەک حیزبەکان بۆ بەرژەوەندی خۆیان.

بە سەرپەرشتیی سەرۆکی حکوومەت دوو ڕێککەوتننامەى گرنگ لە بواری وزە لە واشنتن واژۆ دەکرێن

MONDAY, 19 MAY 2025 20:05:02

ئەمریکا-KDP.info- ئێوارەی ئەمڕۆ دووشەممە 5/19، مەسروور بارزانی، سەرۆکی حکوومەتی هەرێمی کوردستان، لە چوارچێوەی سەردانە فەرمییەکەیدا بۆ ئەمەریکا، لە ڕێورەسمێکدا لە ژووری بازرگانیی ئەمەریکا لە واشنتن، سەرپەرشتی و چاودێریی ڕێوڕەسمی واژۆکردنی دوو ڕێککەوتننامەی گرنگ لە بواری وزەدا دەکات.

سه‌رۆكى هه‌رێمى كوردستان و ئه‌میندارى ئه‌نجومه‌نى باڵاى ئاسایشى نه‌ته‌وه‌ییى ئێران كۆبوونه‌وه‌

MONDAY, 19 MAY 2025 17:05:39

ھەولێر-KDP.info- له‌ دووه‌م ڕۆژى سه‌ردانیدا بۆ تاران، ئێواره‌ى ئه‌مڕۆ دووشه‌ممه‌ 2025/5/19 به‌ڕێز نێچیرڤان بارزانى، سه‌رۆكى هه‌رێمى كوردستان، له‌گه‌ڵ به‌ڕێز عه‌لى ئه‌كبه‌ر ئه‌حمه‌دیان، ئه‌میندارى ئه‌نجومه‌نى باڵاى ئاسایشى نه‌ته‌وه‌ییى كۆمارى ئیسلامیى ئێران، كۆبووه‌وه‌.

قادر حه‌سه‌ن: كورد ئێستا یاریزانێكی دیاری ناو گۆره‌پانه‌کەیە

MONDAY, 19 MAY 2025 17:05:06

هه‌ولێر -KDP.info- شرۆڤه‌كارێكی سیاسی پێی وایه‌، كورد ڕۆڵی هه‌یه‌ له‌ گۆڕانكارییه‌كانی ناوچه‌كه‌ و ده‌ڵێ "به‌هۆی سیاسه‌تی حه‌كیمانه‌ی سه‌رۆك بارزانی، كورد ئێستا یاریزانێكی دیار و سه‌ره‌كییه‌ له‌ گۆڕه‌پانه‌كه‌."

د.دیندار دۆسکی: سەردانەکانی سەرۆکی ھەرێم و سەرۆکی حکوومەت ئەنجامی زۆر باشیان دەبێت

MONDAY, 19 MAY 2025 15:05:32

دھۆک -KDP.info- سیاسەتمەدارێکی کورد دەڵێت "سەردانی سەرۆکی حکوومەتی ھەرێمی کوردستان بۆ ئەمەریکا و سەردانی سەرۆکی ھەرێمی کوردستان بۆ ئیران، ئەنجامی باش و دەستکەوتی گەورەیان بۆ ھەرێمی کوردستان دەبێت، چونکە ئەمە گرنگیدانی وڵاتانە بە ھەرێمی کوردستان."

سه‌رۆك بارزانی: ئومێدەوارم هەموو لایەك بەخۆدا بچنەوە و بگەڕێنەوە بۆ ئەو سێ مەبدەئە و بۆ دەستوور

ھەولێر-KDP.info- ئەمڕۆ پێنجشەممە 15/5/2025، لە هەولێر، بە ئامادبوونی سەرۆک بارزانی و مەسروور بارزانی، جێگری سەرۆکی پارتی دیموکراتی کوردستان، کۆنگرەی یەکگرتنی یەکێتیی قوتابیان و لاوانی دیموکراتی کوردستان دەستی پێكرد، لە كۆنگرەكەدا سەرۆك بارزانی وتارێكی پێشكەش كرد. دەقی وتاری سەرۆك بارزانی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."

سەرۆك بارزانی پەیامێك بۆ كوردانی هەر چوارپارچەی كوردستان دەنێرێت

هه‌ولێر-KDP.info- سەرۆك بارزانی لە دیدارێكی تایبەتدا لەگەڵ تەلەڤزیۆنی "شەمس" تیشكی خستە سەر كۆمەڵێ بابەتی هەنووكەیی پێوەست بە هەرێمی كوردستان، پارچەكانی تری كوردستان، عێراق، ناوچەكە و هەموو جیهان بە گشتی و باسی گۆڕانكاریی مێژوویی ناوچەكە دەكات، بەتایبەتی پاش ڕووخانی ڕژێمی ئەسەد لە سووریا و كاریگەرییەكانی بۆ سەر تەواوی ڕۆژهەڵاتی ناوەڕاست.