Kurdî  ■  كوردی  ■  عربي
WED, 7 DEC 2022 00:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ناوەڕۆکی کۆبوونەوەی لایەنە سیاسییەکانی عێراق بڵاوکرایەوە
| KDP.info


بەغدا-KDP.info- ڕۆژی چوارشەممە 17ـی 08ـی 2022 بە ئامادەبوونی سەرۆک و نوێنەری حزبە سیاسییەکانی عێراق و جینین پلاسخارت، نێردەی گشتیی نەتەوەیەکگرتووەکان بۆ کاروباری عێراق لەسەر بانگهێشتی مستەفا کازمی سەرۆک وەزیرانی عێراق کۆبوونەوە.

لە کۆبوونەوەکە کە فوئاد حوسێن وەک نوێنەری پارتی دیموکراتی کوردستان ئامادەی بوو، دوا گۆڕانکارییەکانی ڕەوشی سیاسیی عێراق تاوتوێ کرا.

هەر لە کۆبوونەوەکە نوێنەری لایەنە سیاسییەکان لەسەر ئەم خاڵانە ڕێککەوتن:-

- چارەسەری قەیرانەکان لە ڕێگەی دیالۆگ بکرێت، لەپێناو پاراستنی یەکڕیزی عێراق و ئاسایش و سەقامگیری گەلەکەی.

- ئەنجامدانەوەی هەڵبژاردنی پێشوەختە ڕووداوێکی نائاسایی نییە لەمێژووی دیموکراسی کاتێک قەیرانە سیاسییەکان دەگەنە بنبەست. هێزە سیاسییە نیشتمانییەکان لە هەڵبژاردنەکان بەپێی دەستوور مامەڵە دەکەن.

- داوایان لە ڕەوتی سەدر کرد بۆ گفتوگۆ، تاوەکو چارەسەرێکی گونجاو و هەمەلایەن دابنێن بۆ بەدیهێنانی خواستی گەل.

- لایەنەکان لەسەر بەردەوامیدان بە گفتوگۆی نیشتمانی ڕێککەوتن؛ بۆ چارەسەرکردنی قەیرانەکان بەپێی یاسا و دەستوور.

- جەخت کرایەوە لەسەر ڕاگرتنی ئاڵۆزییە مەیدانی و سیاسیی و میدیاییەکان، جەختیش لە پاراستنی دامەزراوەکانی دەوڵەت و گەڕانەوە بۆ گفتوگۆکان دوور لە وروژاندن کرایەوە، هەروەها بانگەوازی میدیاکان کرا بۆ پشتگیریکردنی لە دیالۆگی نیشتمانی و ئاشتی کۆمەڵایەتی، لەپێناو بەرژەوەندی گشتیی گەل.

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact