Kurdî  ■  كوردی  ■  عربي
MON, 4 JUL 2022 18:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"پێویستە یوئێن و ھاوپەیمانان ھەڵوێستیان ھەبێت"
| KDP.info


ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

دژوار فایەق، ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان، بۆ ماڵپەڕی فەرمیی پارتی دیموکراتی کوردستان گوتی: ''چارسەرکردنی پرۆسەی تەعریب لە ناوچە کوردستانییەکان بە جێبەجێکردنی مادەی ١٤٠ و یەکڕیزیی کورد ڕێگری لێ دەکرێت و بە نوێنەرانی کورد و ئەوانەی بەشدارن لە حکوومەت و وەفدەکانی حکوومەت و لیژنەکانی ھەماھەنگیی نێوان حکوومەتی ھەرێم و بەغدا چارەسەر دەکرێت و کۆمەڵێک ڕێککەوتن و بڕیاری پەرلەمانی عێراق ھەیە کە بڕیارەکانی ڕژێمی بەعسن دژی کورد و ھەندێکی دەرچووە و ھەندێکی دەرنەچووە، ئەوەی دەرچووە جێبەجێ بکرێت و ئەوەی دەرنەچووە ھەموار بکرێتەوە، ئەوەی ئێستا ھەیە حکوومەتی کاربەڕێکەرە و حکوومەتی داھاتوو پێویستە بڕوای بە دەستوور و چارەسەرکردنی بنەڕەتیی کێشەکانی کورد ھەبێت، لەوانە کێشەی ناوچە کوردستانییەکان.''

دژوار فایەق گوتیشی: پێویستە لەگەڵ سەرۆکوەزیرانی تازە و لە کۆبوونەوەکانی حکوومەتدا وەزیرەکانی ئێمە ڕۆڵی خۆیان ببینن و ڕاگەیاندنیش ڕۆڵی خۆی ببینێت لە ھەموو ئەو بڕیارانەی دەرچوون و ئەو کێشانەی لە ناوچە کوردستانییەکان دروست بوون، چونکە لە ھەندێک شوێن لە کەرکووک کە عەربی ھاوردە قەرەبووشیان وەرگرتووە لە مادەی ١٤٠، کەچی ڕێگا بۆ ھاوردەکردنەوەی عەرەب خۆش دەکرێت کە بێنەوە کەرکووک و بۆ ناوچەکانی سەرگەڕان و مەخموور و داقووق، ئیدارەش ڕێگری ناکات و بە بەرچاوی ھێزە ئەمنییەکانەوە ئەوێش تەعریب دەکرێت و شەڕ بە کورد دەفرۆشن و چاوپۆشیی لێ دەکەن.''

فایەق باسی لەوەش کرد: ''ئەوە زۆر ستراتیژییە کە کورد لە بەغدا بەجددی کاری لەسەر بکات و خاڵی دووەم پێویستە یوئێن و ھاوپەیمانان بێنە سەرخەت و ئاگاداریان بکەنەوە، ئەمە غەدرێکە دەکرێت و نابێت بکرێت و پێویستە ڕێگریی لێ بکرێت و تەنانەت ئەو جۆرە کەسانە لەو ناوچانە نەمینێن، ئەمە ڕەنگە کاتی بوێت، بەڵام بە یەکڕیزیی کورد دەکرێت، بۆیە پێویستە نوێنەرانی کوردیش بێدەنگ نەبن و داکۆکی لە مافی ئەو خەڵکە بکەن.''

 

بڵند ئیبراھیم

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact