Kurdî  ■  كوردی  ■  عربي
MON, 4 JUL 2022 19:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەسەن مستەفا: ھەرێم قورسایی ئەوەی ھەیە نوێنەری ھەبێت لە نەتەوە یەکگرتووەکان
| KDP.info


ھەولێر-KDP.info- سەرۆکی ھەرێمی کوردستان چەند داواکاریەکی ئاراستەی ئەنجوومەنی ئاسایشی نەتەوە یەکگرتووەکان کردووە و، پسپۆرێکی پەیوەندیە نێودەوڵەتیەکانیش پێی وایە، داواکاریەکانی سەرۆکی ھەرێم لەجێی خۆیەتی و دەشڵێ، پێویستە ھەرێم ئەندامی چاودێری ھەبێت لە نەتەوە یەکگرتووەکان.

نێچیرڤان بارزانی، لە نامەیەکدا ژمارەیەک داواکاری ئاراستەی ئەنجوومەنی ئاسایشی نەتەوە یەکگرتووەکان کردووە و تێیدا داوای کردووە نەتەوە یەکگرتووەکان رۆڵی ھەبێت لە دانوستانەکانی نێوان ھەرێم و بەغدا، ھەروەھا نێچیرڤان بارزانی داوای کردووە نەتەوە یەکگرتووەکان ھاوکاری ھەرێمی کوردستان بکات لە بەڕێوەبردنی ھەڵبژاردنی داھاتووی ھەرێم.

حەسەن ئەحمەد مستەفا، پسپۆری ئەکادیمی لە پەیوەندی نێودەوڵەتی، بە ماڵپەڕی فەرمیی پارتی دیموکراتی کوردستانی راگەیاند: "ھەرێم قورسایی ئەوەی ھەیە نوێنەری ھەبێت لە نەتەوە یەکگرتووەکان و لەڕووی یاساییەوە ھیچ کێشەی نیە، ھەرێمێکی وەک کوردستان کە بەشێکە لە عێراق دەکرا ئەندامی چاودێری ھەبێت لە نەتەوە یەکگرتووەکان، پێداویستی ستراتیژی ئەوەیە بەشداری زۆر کۆبوونەوەمان بکردایە تا ئەوکاتەی شەڕ لە عێراق کۆتایی دێت، ئێمە ھەندێک لە دوورەوە وەستاوین کەچی ئەرکی قورس زۆربەی لەسەر شانی ئێمەیە".

ئەو پسپۆرەی پەیوەندی نێودەوڵەتی گوتی: "ئەمڕۆ بۆ پرۆسە سیاسیەکان پێویستە ئێمە کۆمەڵگەی نێودەوڵەتی باشتر بێنینە نێو قوڵایی پرۆسە سیاسیەکان، بەتایبەتی ئەگەر چاودێری ھەڵبژاردنەکان بکەن، بەڵام ئەگەر چاودێری ھەڵبژاردنیش ھەبێت ھەرێمی کوردستان و عێراق سیستەمێکی ناوخۆیی نەبێت واتە پشتیوانیشمان بکەن کاریگەری ئەوتوی نابێت".

حەسەن ئەحمەد مستەفا ڕوونیکردەوە: "داواکاریەکەی سەرۆکی ھەرێمی کوردستان ئێجگار لەجێی خۆیەتی، ئێمە ئەگەر بەرپرسیاریەتی نێودەوڵەتی بێنینە نێو ھەرێمی کوردستان زۆر گرینگە، لەبەر ئەوەی ھەرێمی کوردستان بەشێکە لە ئاسایشی جیھانی و ئاشتی ھەرێمی، چونکە ھەرێمی کوردستان وڵاتانی ھاوسنووری لەیەک دابڕیوە و لە ڕێگەی ھەرێمی کوردستانەوە بەریەکەوتنیان ھەیە، ھەرێمی کوردستانیش خەریکی ئاوەدانکردنەوە و خزمەتی خەڵکەکەیەتی و بەشێکە لە ئاشتی ناوچەکە، پێشتریش کاک نێچیرڤان داوای لە لایەنە سیاسیەکان کردبوو ئەوەی بەیەکەوە بەدەستان دەکەوێت زۆر زیاترە لەوەی یەک بەیەک دەستان دەکەوێت".

بڕیارە لە کۆبوونەوەی داھاتووی ئەنجوومەنی ئاسایشی نەتەوە یەکگرتووەکان داواکاری سەرۆکی ھەرێمی کوردستان بخرێتەڕوو دەنگی لەسەر بدرێت.

 

قائید میرۆ




دوایین هەواڵەکان

پرسەنامەیەک لە سەرۆکی حکومەتی هەرێمی کوردستان

MONDAY, 04 JULY 2022 19:07:00

بۆ کۆچی دوایی شاعیر و نووسەری ناسراو نەوزاد رەفعەت، پرسە و سەرەخۆشی ئاراستەی کەسوکار و بنەماڵە بەڕیزەکەی و هاوڕێ و دۆستانی خوالێخۆشبوو دەکەم.

 
سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.



 
© 2021 Kurdistan Democratic Party, KDP

Contact