Kurdî  ■  كوردی  ■  عربي
MON, 4 JUL 2022 18:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

راگەیاندنی پارتی ساڵیادی تەلەڤزیۆنی دھۆک پیرۆز دەكات
| KDP.info


برووسکەی پیرۆزبایی دەزگای رۆشنبیری و راگەیاندنی پارتی دیموکراتی کوردستان بۆ (٣٠)ەمین ساڵیادی دامەزراندنی (کەناڵی تەلەڤزیۆنیی دھۆک)

بەڕێزان/ بەڕێوەبەر و ستافی بەڕێوەبردن و کادیر و کارمەندانی تەلەفزیۆنی دھۆک.. 

بەبۆنەی (٣٠)ەمین ساڵیادی دامەزراندنی (تەلەڤزیۆنی دھۆک) جوانترین پیرۆزبایی خۆمان ئاراستەی ئێوەی بەڕێز و بینەرانی کەناڵەکەتان دەکەین و، هیواخوازین ھەمیشە لە پێشکەوتن و سەرکەوتنی زیاتر دابن.  

(کەناڵی تەلەڤزیۆنیی دھۆک) وەکو یەکەمین کەناڵی ناوخۆیی کوردستانی بەو تەمەنە درێژ و پڕ بەخششەی لەو دەڤەرە ئازیزەدا کاروانێکی پڕ دەستکەوت و خزمەتە، بە بواری راگەیاندن و رۆشنبیریی و کوولتوری کوردیی.

(تەلەڤزیۆنی دھۆک) لە دەستپێکی دامەزراندنیەوە تاکو ئێستا خاوەن پەیامێکی راست و روونە و توانیویەتی لە رێی بەرنامە و پرۆگرامەکانیەوە رۆڵی شایستەی خۆی بگێڕێت لە هەموو کایەکان بە مەبەستی داکۆکیکردن لە دۆزە رەواکەمان و پێشخستنی کۆمەڵگا و زمان و ئەدەبیاتی رەسەنی کوردایەتی، بۆیە شیاوی شانازی و دەستخۆشییە.

لەم یادەدا وێڕای پیرۆزبایی گەرممان، دووبارە پاڵپشتی و پشتیوانی تەواوی خۆمان بۆ (دھۆک تیڤی) دووپات دەکەینەوە و، ھیوادارین وەکو ھەمیشە رۆڵی گرنگ و پێشەنگانەی خۆتان بگێڕن و لە ئاست خواست و ویستی ھاووڵاتیانی خۆشەویستی دەڤەرەکە دابن و، ساڵی نوێی تەمەنی کەناڵەکەتان ساڵی پێشکەوتن و دەستکەوتی زیاتربێ. ھەر سەرکەوتوو بن...

 

دەزگای رۆشنبیری و راگەیاندنی 

پارتی دیموکراتی کوردستان

٣ـی٥ـی٢٠٢٢

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact