Kurdî  ■  كوردی  ■  عربي
MON, 4 JUL 2022 18:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی پێشوازیی لە کونسوڵی گشتیی ئەڵمانیا کرد
| KDP.info


هەولێرـKDP.infoـ کونسوڵی گشتیی ئەڵمانیا سەردانی بارەگای مەکتەبی سیاسیی کرد و لەلایەن سکرتێری مەکتەبی سیاسیی پارتی دیموکراتی کوردستانەوە پێشوازیی لێ کرا و باسیان لە دواین پێشهاتە سیاسییەکانی عێراق و هەرێمی کوردستان بەتایبەتی کرد و، هاوڕا بوون لەسەر تێپەڕاندنی ئەم کێشە و ئاستەنگانەی بەردەم پڕۆسەی سیاسیی عێراق و دواکەوتنی پێکهێنانی حکوومەتی نوێی عێراق.

ئەمڕۆ ٢٥ی ٤ی ٢٠٢٢، لە بارەگای مەکتەبی سیاسی، فازڵ میرانی، سکرتێری مەکتەبی سیاسی، پێشوازیی لە کلیمینس سمیتنر، کۆنسوڵی گشتیی ئەڵمانیا لە ھەرێمی کوردستان کرد و لە دیدارێکدا کە ھۆشیار سیوەیلی، بەرپرسی مەکتەبی پەیوەندییەکانی پارتی دیموکراتی کوردستان ئامادەی بوو، سکرتێری مەکتەبی سیاسی بەخێرھێنانی مێوانی کرد و خۆشحاڵیی خۆی بۆ ئەم دیدارە دەربڕی و باسی دوایین پێشھاتەکان و بارودۆخی سیاسیی ھەرێمی کوردستان و عێراق و پەیوەندییەکانی کوردستان و ئەڵمانیای کرد و ھەردوولا ھاوڕا بوون لەسەر تێپەڕاندنی کێشە و ئاستەنگەکانی بەردەم پروسەی سیاسیی عێراق و دەرچوونی لە دۆخی چەقبەستوو و پێکھینانی حکوومەتێک کە وەڵامدەرەوەی خواستەکانی ھاووڵاتییان و تەواوی پێکھاتەکانی عێراق بێت و جەختیان لە گرنگیی تەبایی و یەکڕیزیی لایەنە کوردستانییەکان کرد.

فازڵ میرانی سوپاسی پشتگیری و ھاوکارییە مرۆیی و سەربازییەکانی ئەڵمانیا بۆ عێراق و ھەرێمی کوردستانی کرد، ھەروەھا سکرتێری مەکتەبی سیاسی جەختی لەوە کردەوە کە پارتی پاڵپشتی لە ھەڵبژاردنێکی شەفاف و سەرکەوتوو دەکات کە مافی خەڵکی کوردستانە و ھەموو لایەک بەرپرسیارەتییان لەسەر شانە بۆ سەرخستنی ھەڵبژاردنەکان بۆ ئەوەی پرۆسەی دیموکراسی بەردەوام بێت.

دواتر، کۆنسوڵی ئەڵمانیا سوپاسی سکرتێری مەکتەبی سیاسیی کرد بۆ ئەم پێشوازییە گەرمەی کە لێی کراوە و تەئکیدی کرد کە حکوومەتی ئەڵمانیا بەردەوام پشتیوانی لە سەقامگیریی سیاسی و ئەمنیی عێراق و ھەرێمی کوردستان دەکات بۆ ئەوی دواڕۆژێکی پڕشنگدار بۆ گەلانی عێراق فەراھەم ببێت و ئەمەش بە یەکڕێزی و لە یەکترتێگەیشتنی لایەنەکان دەبیت.

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact