Kurdî  ■  كوردی  ■  عربي
MON, 4 JUL 2022 18:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆچی پێكهاتەكان نابن بە هاوپەیمانی ئێوە؟
| KDP.info


هاودەنگ فاروق

پێکهاتە ئایینی و نه‌ته‌وه‌ییه‌کانی کوردستان، به‌شێکی گرنگ و دانەبڕاویی له‌مێژینه‌ی کوردستانن. هه‌زاران ساڵه‌ لەسەر ئەم خاکە دەژین، به‌ها و کولتوور و بنه‌ما ئایینی و شوێنگه‌ی جوگرافی و شوێنەواری مێژوویی دێرینیان له‌ هه‌رێمی کوردستاندا پارێزراوە. 

لە ڕوانگەی پارتیەوە، ئازادیى ئایینى و فرەئاینزایی و نەتەوەیی، هەروا لێبورده‌یى و پێكه‌وه‌ژیان و یه‌كترقبووڵكردنى نێوان پێكهاته‌كان، ناسنامه‌ و كولتوورێكى دێرینى كوردستانه‌، پێویستە به‌ هه‌موو شێوه‌یه‌ك پارێزگاریی لێ بکرێت.

ئەو حزبانەی بەردەوام خەڵكیان لێ دوور دەكەوێتەوە و كورسییەكانیان كەم دەكات، دەیانەوێت تۆڵەی خۆیان لە كورسیی كۆتای پێكهاتەكان و ناوبانگی هەرێمی كوردستان و سیستەمی دیموكراسیی هەرێمەكە بكەنەوە. حزبە دۆڕاوەکان گوێ نادەن بەوەی تێكدانی ئەو سیستەمە چەندە كاریگەریی خراپ لەسەر پێكەوەژیانی ئاشتییانە لە هەرێمی كوردستان دادەنێت.

هەروەک قەت بیریش لەوە ناكەنەوە كە تێكدانی ئەو سیستەمە چۆن ناوبانگی هەرێمی كوردستان لە دەرەوە ناشیرین دەکات و، دۆستەكانمان ئیحراج دەكات. تەنیا لە پێناو زیانگەیاندن بە پارتی دیموكراتی كوردستان، ئامادەن تاكو تەوقە سەری كورد ببەن بە قوڕدا. 

لەلایەكی دیكەشەوە، ئەوان كە داوای گۆڕین و لابردنی ئەو سیستەمە دەكەن، هیچ بەدیلێكیان پێ نییە و، پێمان ناڵێن كە پێویستە بەشداری پێكهاتەكان لە پارلەمان چۆن بێت؟ ئەوان تەنیا دەیانەوێت تێكی بدەن بێ ئەوەی چارەسەریان پێ بێت. بێ گوێدانە ئاسەوارەكانی ئەو تێكدانە، بۆیە پرسیارە هەرە گرنگ و سیاسییەكە لەو حزبانە ئەوەیە: ئایا باشتر نییە لەبری تێكدانی سیستەمێكی سەقامگیری پێكەوەژیان و شەرمەزاركردنی كورد، هەوڵ بدەن پێكهاتەكان بە بیروڕاكانی خۆتان قایل بكەن؟ ئاخر ئێوە كە ئەوان تۆمەتبار دەكەن بەوەی هاوپەیمانی پارتین، هەرگیز لەخۆتان پرسیوە بۆچی پێکهاتەکان نابنە هاوپەیمانی ئێوە؟

هەندێ حزبی بەرچاوتەنگ، ئەم پرسە پێش خولەکانی هەڵبژاردن دەجووڵێنن و داوای گۆڕینی فۆڕمی بەشداریی پێکهاتەکان دەکەن، کورسیی پێكهاته‌كان بۆته‌ گرێیەکی دەروونی بۆیان و، وەک منەت و سەدەقە بە چاویاندا دەدەنەوە، حسابی کەمینە و ژمارەی کورسییان لەگەڵدا دەکەن و، سیناریۆی جیاوازیش دادەڕێژن بۆ كه‌مكردنه‌وه‌ی به‌شی توركمان و كلدان سریانی ئاشووری، كه‌ نه‌ته‌وه‌ی ره‌سه‌نی هەرێمی کوردستانن.

لەحاڵێكدا ئەگەر ئەوان دەخوازن براوەی هەڵبژاردنەكان بن، هیچ پێویستیان بەوە نییە پەنا ببەنە بەر ئەو گێرەشێوێنیانە. ئەوان تەنیا لەگەڵ لایەنگر و ئەندامەكانی خۆیان ڕووڕاست بن و، خزمەتی خەڵكی كوردستان بكەن، دەنگی پێویست دەهێننەوە و نە پێویستیان بەوە دەبێ دوژمنایەتیی پارتی بكەن و نە دوژمنایەتیی پێكهاتەكان.

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact