Kurdî  ■  كوردی  ■  عربي
MON, 4 JUL 2022 17:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگری پارێزگاری مووسڵ: تا ئێستاش شانەی نوستوو لە مووسڵ ھەن و دەرفەتەکان دەقۆزنەوە
| KDP.info


مووسڵ -KDP.info- جێگری پارێزگاری مووسڵ گوتی، زیادبوونی جموجۆڵی داعش بۆ بوونی شانەی نوستوویان لە مووسڵ دەگەڕێتەوە، چونکە ئێستاش ڕۆژانە لەناو مووسڵ تیرۆریستی داعش دەستگیر دەکرێن و بەدوای دەرفەتەکاندا دەگەڕێن بۆ خۆیانی بقۆزنەوە.

ڕەفعەت سمۆ بۆ ماڵپەڕی فەرمیی پارتی دیموکراتی کوردستان گوتی: ''تاوەکوو ئێستاش شانەی نوستووی داعش لە پارێزگای مووسڵ هەن و بنبڕ نەبوون و ڕۆژانە ھێزە ئەمنییەکانیش لە مووسڵ تیرۆریستانی داعش دەستگیر دەکەن و ھۆکاری زیادبوونی جموجۆڵی داعشیش بۆ ئەو شانە نوستووانە دەگەڕێتەوە.''

جێگری پارێزگاری مووسڵ گوتیشی: ''داعش لە مووسڵ بەدوای دەرفەتەکاندا دەگەڕێت بۆ ئەنجامدانی کردەوە، ئینجا بارودۆخی سیاسی بێت، یاخود ھەر بارودۆخێکی دیکە بێت و ھەبوونی خێزانی داعشیش لە مووسڵ کارێکی باش نییە و ئێمە ھەر لە سەرەتاوە ڕێگر بووین، بەڵام بڕیارەکە لە سەرووی ئێمەوە درابوو.

بڵند ئیبراھیم

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact