Kurdî  ■  كوردی  ■  عربي
SUN, 28 NOV 2021 06:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بایدن بۆ دڵنیاکردنەوەی هاوپەیمانەکانی لە رۆژهەڵاتی نێوەڕاست دوو وەزیر دەنێرێتە ناوچەی کەنداو
| KDP.info


هەولێر-KDP.info- هەریەکە لە وەزیرانی دەرەوە و بەرگری ئەمەریکا دەگەنە کەنداو و لەگەڵ بەرپرسانی ژمارەیەک لە وڵاتانی هاوپەیمانیان بە مەبەستی دڵنیایی پێدانیان کۆدەبنەوە، لە لایەکی دیکەیشەوە، گوتەبێژی هاوپەیمانی دژی داعش، دەڵێ پابەندین بە هاوبەشییەکانیان لەگەڵ هەرێمی کوردستان.

سەردانەکەی ئەنتۆنی بلینکن، وەزیری دەرەوەی ئەمەریکا و، لۆید ئۆستن، وەزیری بەرگری ئەو وڵاتە، ئامانجی سەرەکی دڵنیاکردنەوەی هاوپەیمانەکانی ئەمەریکایە لە ناوچەکەدا، ئەوەش دوای ئەوە دێت، کە بە بڕیاری جۆ بایدن بۆ کۆتاییهێنان بە شەڕی ئەفغانستان و، سەرنجی زیاتری واشنتن لەسەر چین و رووسیا، بە واتای ئەوە نایەت، کە وڵاتەکەیان دەستبەرداری هاوپەیمانەکانی لە رۆژهەڵاتی نێوەڕاست دەبێت.

بە پێی زانیارییەکان، بلینکن لە سەردانەکەیدا بۆ کەنداو دەچێتە قەتەر و لۆید ئۆستن، وەزیری بەرگریش سەردانی هەریەکە لە سعودیە، قەتەر، بەحرێن و کوێت دەکات.

بەرپرسانی ئەمەریکا رایانگەیاندووە، کە تەوەری سەرەکی کۆبوونەوەکانی هەردوو وەزیرانی دەرەوە و بەرگری وڵاتەکەیان، پرسی ئەفغانستان و دڵنیاکردنەوەی هاوپەیمانەکانی ئەمەریکا دەبێت لە ناوچەکە و، پێکەوەکارکردنیان بەردەوام دەبێت.

ئەمەش لە کاتێکدایە، هەر ئەمڕۆ، گوتەبێژی هاوپەیمانی دژی داعش، واین مارۆتۆ، لە تویتەری خۆیدا نووسیویەتی، هەرێمی کوردستان رۆڵی زیندوو و سەرکەوتووی لە شکست پێهێنانی داعش گێڕاوە و، هاوپەیمانانیش پابەندن بە هاوبەشییەکەیان لەگەڵ هەرێمی کوردستان.

هاوکات خۆشحاڵیشی بە دەستگیرکردنی گرووپێکی تیرۆریستی لە لایەن دژەتیرۆری کوردستان دەربڕیوە.

رۆژی یەکشەممە 5-9-2021، ئەنجوومەنی ئاسایشی هەرێمی کوردستان لە راگەیەندراوێکدا، دەستگیرکردنی گرووپێکی تیرۆریستی لە هەولێر راگەیاند، کە لە لایەن دژەتیرۆری کوردستانەوە دەستگیرکرابوون، ئەو گرووپە پیلانیان بۆ کردەوەی تیرۆریستی لە نێو شاری هەولێر داڕشتبوو.

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact