Kurdî  ■  كوردی  ■  عربي
MON, 4 JUL 2022 18:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەحموود محەمەد: لەگەڵ ئەوەین ھەڵبژاردنی پێشوەختە لە مانگی ئۆکتۆبەر ئەنجام بدرێت
| KDP.info


ھەولێر-KDP.info- گوته‌بێژی پارتی دیموكراتی کوردستان دەڵێ، له‌گه‌ڵ شاندی ئیئتیلافی ده‌وڵه‌تی یاسا كۆبوونه‌ته‌وه‌ و هه‌ردوو لایان له‌سه‌ر ئەنجامدانی هه‌ڵبژاردنی پێشوه‌خته‌ی عێراق، له‌ كاتی دیاریكراوی خۆیدا، هەروەها ئاماژەی بەوەشدا، کە باس لە ئیستحقاقی کورد کراوە بۆ پۆستی سەرۆککۆمار.

مه‌حموود محه‌مه‌د ئەندامی مەکتەبی سیاسیی و گوته‌بێژی پارتی دیموكراتی كوردستان، بۆ مێدیاکان رایگەیاند، کە ئه‌مڕۆ شاندی ئیئتیلافی ده‌وڵه‌تی یاسا، به‌ سه‌رۆكایه‌تی نووری مالیكی، سه‌ردانی سەرۆك مەسعوود بارزانیان كرد، دواتریش شانده‌كه‌ له‌گه‌ڵ مه‌كته‌بی سیاسیی پارتی كۆبووه‌وه‌ و باس له‌ بارودۆخی سیاسیی عێراق و ناوچەكە و هه‌ڵبژاردنی پێشوه‌خته‌ی عێراق كرا.

گوته‌بێژی پارتی دیموكراتی كوردستان باسی لە دیداره‌كەی هه‌ردوو لایان کرد، کە له‌سه‌ر ئه‌وه‌ رێككه‌وتوون، هه‌ڵبژاردنی پێشوه‌خته‌ له‌ كاتی دیاریكراوی خۆیدا ئه‌نجام بدرێت، ئەو خاڵەشی بۆ هه‌ردوو لایان گرینگ بووە، ئەوەبووە، ژینگه‌یه‌كی باش بۆ به‌ڕێوه‌چوونی هه‌ڵبژاردن بڕه‌خسێندرێت، له‌گه‌ڵ ئه‌وه‌ش ئه‌منییه‌تی هه‌ڵبژاردن دابین بكرێت، كه‌ له‌ كه‌شوهه‌وایه‌كدا بێت، هاووڵاتی وه‌كخۆی چۆن ده‌یه‌وێت، ئاوا ده‌نگ بدات.

ئاماژه‌ی به‌وه‌ شكرد، پێشتر شاندی پارتی‌ سه‌ردانی نووری مالیكی كردووە و، ئه‌وانیش له‌گه‌ڵ پارتیدا‌ كۆكن، كه‌ پێویسته‌ له‌ ناوچه‌ كوردستانییه‌كانی ده‌ره‌وه‌ی هه‌رێم، سه‌قامگیری بۆ هه‌ڵبژاردن بڕه‌خسێندرێت و له‌سه‌ر ئه‌وه‌ش قسەیان له‌گه‌ڵ كردوون‌.

مەحموود محەمەد، جەختیشی لەوە کردەوە، کە پێشتر و ئێستاش وەک پارتی،‌ له‌گه‌ڵ ئه‌وه‌ن هه‌ڵبژاردنی پێشوه‌خته‌ له‌ كاتی دیاریكراوی خۆیدا، كه‌‌ 10ی ئۆكتۆبه‌ره‌، ئه‌نجام بدرێت، بۆ ئه‌و بابه‌ته‌ش له‌گه‌ڵ مالیكی هاوهه‌ڵوێست بوون.

ئاماژەی بەوەشدا، له‌ كۆبوونه‌وه‌ی ئه‌مڕۆدا، باس له‌ ئه‌نجامی هه‌ڵبژاردن نه‌كراوه‌ و، قسه‌ش له‌سه‌ر ئه‌وه‌ نه‌كراوه‌، كه‌ كێ ده‌بێته‌ سه‌رۆكوه‌زیران، به‌ڵام ئاماژه‌ به‌وه‌ كراوه،‌ به‌ پێی ئیستیحقاقه‌كان‌ ده‌بێت سه‌رۆككۆمار بۆ كورد بێت و سه‌رۆكوه‌زیران بۆ شیعه‌ و سه‌رۆكی په‌رله‌مان بۆ سوننه‌ بێت.

تیشکیشی خستە سەر ئەو په‌یوه‌ندییەی پارتی، کە به‌ر له‌ رووخانی رژێمی پێشوو له‌گه‌ڵ حیزبی ده‌عوه‌ هەیبووە و، په‌یوه‌ندییه‌كی قووڵ بووه‌، حیزبی ده‌عوه‌ و پارتیش به‌وه‌ ده‌ناسران، كه‌ زۆر له‌یه‌كه‌وه‌ نزیكن.

 

خێڵان بەختیار

 




دوایین هەواڵەکان

سەنگەرەکانی پێشمەرگە بە جۆرێک قایم کراون جووڵەی داعش لە سنووری پێشمەرگە نەماوە

MONDAY, 04 JULY 2022 15:07:05

ھەولێر -KDP.info- بەرپرسی میحوەری پێشمەرگەی  پردێ-کەرکووک گوتی، دوای ئەوەی سەرۆکی ھەرێمی کوردستان ھەموو پێداویستییەکی بۆ سەنگەرەکانی پێشمەرگە دابین کرد، ئێستا سەنگەرەکانی پێشمەرگە زۆر باش قایم کراون و جووڵەی داعش تەنھا لە سنووری ھێزە عێراقییەکان ھەیە و لە سنووری پێشمەرگە نییە، چونکە دووربینی شەوانیشمان بۆ دابین کراوە.

 

شوان کەلاری: پێویستە دەستوەردانی دەرەکی لە عێراقدا نەکرێت

MONDAY, 04 JULY 2022 15:07:35

ھەولێر-KDP.info-  نزیکەی نۆ مانگ بەسەر ھەڵبژاردنی عێراقدا تێپەڕ دەبێت و ھێشتا حکوومەتی نوێ پێک نەھاتووە و پەرلەمانتارێکی پارتییش دەڵێت، دەستوەردانی دەرەکی ڕێگرە لەوەی عێراق بکەوێتە سەر ڕێچکەی ڕاستەقینەی خۆی.

 

شێروان حەیدەری: پێویستە کێشەکانی نێوان ھەرێم و بەغدا چارەسەر بکرێن

MONDAY, 04 JULY 2022 15:07:53

ھەولێر -KDP.info- وەزیری پێشووی دادی حکوومەتی ھەرێمی کوردستان گوتی، فشارەکانی حکوومەتی عێراق و بڕیارەکانی دادگای فیدراڵی جێبەجێ ناکرێن و پێویستە بە گفتوگۆ و بەپێی دەستوور کێشەکان لە نێوان ھەردوولا چارەسەر بکرێن، بۆ ئەو مەبەستەش یاسایەکی نەوت و غاز دەربکرێت کە گونجاو بێت لەگەڵ دەستووری عێراق، بۆ ئەوەی ھیچ لایەنێک زیانی بەر نەکەوێت، چونکە حکوومەتی عێراق خۆی دانی بە یاساییبوونی ٨٠%ی گرێبەستە نەوتییەکانی ھەرێمی کوردستان لەگەڵ کۆمپانیاکان ناوە.

 

دژوار فایەق: بڕیارەکەی پارێزگاری سەپێندراوی کەرکووک تەعریبێکی رێکخراوە

MONDAY, 04 JULY 2022 13:07:04

ھەولێر-KDP.info- پارێزگاری سەپێندراوی کەرکووک بڕیارێکی دەرکردووە بۆ کوژاندنەوەی فۆرمی خۆراک و کارتی زانیاری ئەو کەسانەی لە کەرکووک نیشتەجێ نین، ھاوکات سەرۆکی بۆردی ماددەی ١٤٠ لە حکوومەتی ھەرێمی کوردستانیش دەڵێ، بڕیارەکە تەعربێکی رێکخراوە.

زیاتر لە ٣ ملیار دینار بۆ گەیاندنی کارەبای ٢٥ گوندی گەرمیان تەرخان دەکرێت

MONDAY, 04 JULY 2022 13:07:46

ڕەزامەندی دا لەسەر تەرخان و خەرجکردنی گوژمەی ٣ ملیار و ٦٢٧ ملیۆن و٨٣٦ هەزار دینار بە مەبەستی جێبەجێکردنی پڕۆژەی گەیاندنی کارەبا بۆ ٢٥ گوندی سنووری ئیدارەی سەربەخۆی گەرمیان.



 
© 2021 Kurdistan Democratic Party, KDP

Contact