Kurdî  ■  كوردی  ■  عربي
THU, 24 JUN 2021 12:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەكتەبی سیاسی پارتی ساڵیادی دامەزراندنی یەكێتی مامۆستایانی كوردستان پیرۆز ده‌كات
| KDP.info


هه‌ولێر-KDP.info- مەكتەبی سیاسی پارتی دیموكراتی كوردستان، بەبۆنەی (59)هەمین ساڵیادی دامەزراندنی یەكێتی مامۆستایانی كوردستان په‌یامێكی پیرۆزبایی بڵاوكرده‌وه‌.

ده‌قى په‌یامى مه‌كته‌بى سیاسى پارتى دیموكراتى كوردستان:

بەڕێزان/ سكرتێر و ئەندامانی مەكتەبی سكرتاریەتی یەكێتی مامۆستایانی كوردستان

ئەمڕۆ(٥٩) ساڵ بەسەر دامەزراندنی یەكێتیە تێكۆشەرەكەتان تێدەپەڕێت، ئەو رێكخراوە پیشەییەی بەردەوام خزمەتی توێژی مامۆستایانی كردووە و بۆتە سەكۆیەكی گرنگی خواست و ویستی سەرجەم مامۆستایانی کوردستان. 

 یەكێتی مامۆستایانی كوردستان، كە بە رێنوێنی و راسپاردەی(بارزانی نەمر)دامەزرا، هەر لە سەرەتای كاركردنیەوە لە(١٥ـی٥ـی١٩٦٢)بە پلان و بەرنامەی  رێكخراوانە و پیشەییانە توانیویەتی دەستکەوتی زۆر و گرنگ بۆ توێژی مامۆستایان بەدیبێنێ، كە مایەی رێز و شانازییە بۆ گەلەكەمان بە گشتی و توێژی مامۆستایان بەتایبەتی.

 یەكێتی مامۆستایانی كوردستان، شانبەشانی بزووتنەوەی رزگاریخوازی گەلەكەمان لە قۆناغە جیاجیاكانی خەباتدا وێرای ئەركی پەروەردەیی و فێركردن، بەشداری لە رەوتی سیاسی و چەكداری گەلەكەمانیش كردووە، لەو پێناوەشدا وەك رێكخراوێكی پیشەیی رۆڵی پێشەنگی هەبووە و هەوڵی زۆری داوە لەپێناو سەركەوتن و بەدیهێنانی ئامانجە پیشەییەكانی لە چوارچیوەی مافە سیاسی و فەرهەنگی و كوولتورییەكان دا.

لەم بۆنەیەدا پیرۆزبایی گەرمی خۆمان ئاراستەی ئێوەی بەڕێز و سەرجەم مامۆستایانی کوردستان دەکەین و خەبات و تێكۆشانی رێكخراوەكەتان بەرز دەنرخێنین، ھاوکات پشتیوانی خۆمان بۆ یەكێتیەكەتان دووپات دەكەینەوە و رۆڵی گرنگ و هەستیاری ئێوە بەهەند دەگرین و، هیوادارین وەك هەمیشە دڵسۆزانە و بەرپرسانە زیاتر برەو بە كار و چالاكییەكانتان بدەن و ھەوڵبدەن ئاستی پەروەردە و فێركردن بەرزتر بكەن و بەرەو پێشتری ببەن بۆ پێگەیاندنی نەوەیەكی هۆشیار و سوودمەند، هەروەها داكۆكی لە مافە پیشەییەكانتان بكەن و دەستكەوتی زیاتر بۆ سەرجەم مامۆستایان بەبێ جیاوازی بەدیبێنن و داكۆكی لەو ئەزموونە و دەستكەوتەكانمان بكەن.

سڵاو و رێز و وەفاداریی بۆ دامەزرێنەران و سەرۆك و سكرتێرە پێشەنگەكانی یەكێتی مامۆستایانی كوردستان...

پیرۆز بێت(٥٩)هەمین ساڵیادی دامەزراندنی یەكێتی مامۆستایانی كوردستان لە ئێوە و سەرجەم مامۆستایانی كوردستان..

 

مەكتەبی سیاسی

پارتی دیموكراتی كوردستان

١٥ـی ٥ـی ٢٠٢١




دوایین هەواڵەکان

راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

WEDNESDAY, 23 JUNE 2021 17:06:07

ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە ستیفن هیکی باڵیۆزی بەریتانیا لە عێراق کرد.

 
نه‌ته‌وه‌ یه‌کگرتووه‌کان پشتگیریی دامه‌زراندنى دادگاى تاوانه‌کانى داعش دەکات

WEDNESDAY, 23 JUNE 2021 17:06:54

په‌رله‌مانى کوردستان سه‌رقاڵى په‌سه‌ندکردنى پرۆژه‌یاساى ''دادگاى تاوانکاریى تایبه‌تمه‌ند به‌ تاوانه‌کانى داعش''‌‌ له‌ هه‌رێمى کوردستانه‌، تا له‌و ڕێگه‌یه‌وه‌ کار بۆ به‌سزاگه‌یاندنى هه‌موو ئه‌و تیرۆریسته‌ داعشانه‌ بکات که‌ تاوانى دژ به‌ مرۆڤایه‌تییان دژى هاووڵاتییان و خه‌ڵکى سڤیلى کوردستان و ناوچه‌کانى ده‌ره‌وه‌ى ئیداره‌ هه‌رێمى کوردستان کردووه‌. ئه‌ندامێکى لیژنه‌ى یاساییى په‌رله‌مانى کوردستان ده‌ڵێت: "خوێندنه‌وه‌ى یه‌که‌م بۆ پرۆژه‌یاساکه‌ کراوه‌ و له‌دواى پێشکه‌شکردنى ڕاپۆرتى لیژنه‌ى یاسایی له‌سه‌ر کۆى پرۆژه‌که‌ ده‌خرێته‌ جه‌لسه‌ى په‌رله‌مانى و په‌سه‌ند ده‌کرێت".

 



 
© 2021 Kurdistan Democratic Party, KDP

Contact