Kurdî  ■  كوردی  ■  عربي
SAT, 18 SEP 2021 01:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیوەندییەکانی دەرەوەی پارتی و جێگری کونسووڵی گشتیی پۆڵۆنیا سەردانە مێژووییەکەی پاپای ڤاتیکانیان تاوتوو کرد
| KDP.info


ھەولێر-KDP. info- لە پەیوەندییەکانی دەرەوەی پارتی دیمۆکراتی کوردستان پێشوازی کرا لە ستانیسواڤ گۆلینسکی، جێگری کونسووڵی گشتیی کۆماری پۆڵۆنیا لە هەرێمی کوردستان و هەریەک لە میدیاکارانی پۆلۆنی میخاو کواسۆڤسکی و ڤۆیچێخ ێزناخ لە تیمی میدیاکارانی پۆڵۆنی سەر بە پەیمانگای میدیای نوێی پۆڵۆنیا و گۆڤاری هەفتانەی (هەموو شتێکی گرنگ) کە بە تایبەت بۆ ڕووماڵکردنی دیداری مێژووییی قەداسەتی پایا فرەنسیس، پاپای ڤاتیکان، بۆ هەولێری پایتەخت، سەردانی هەرێمی کوردستانیان کردووە.

بەرپرسی مەکتەب و ژمارەیەک لە ستاڤی پەیوەندییەکانی دەرەوەی (پ.د.ک) بە گەرمی بەخێرهاتنی جێگری کونسووڵی گشتیی کۆماری پۆڵۆنیا و تیمی میدکارانی پۆڵۆنیایان کرد و، لە دیدارێکی دۆستانەدا باسی پەیوەندییە دووقۆڵییەکانی نێوان هەرێمی کوردستان و کۆماری پۆڵۆنیا و چەندین بابەتی پەیوەست بە دۆخی هەرێمی کوردستانیان کرد. لە پەیوەندییەکانی دەرەوەی (پ.د.ک) شیکردنەوە بۆ مافە دەستوورییەکان و کێشەکانی نێوان هەریم و بەغدا و هەوڵەکانی هەردوو لا بۆ گەییشتن بە ڕێککەوتنێک لە چوارچێوەی دەستووردا کە هەم هەرێمی کوردستان و هەم حکوومەتی عێراقی فیدراڵ پیی ڕازی بن، کرا. هەڵسەنگاندنی هاوکێشەکانی ناوچە و ڕەهەندەکانی سەردانە مێژووییەکەی قەداسەتی پاپای ڤاتیکان بۆ هەرێمی کوردستان خرایە ڕوو و بە فراوانیش باسی کەلتووری لێبووردەیی و پێکەوەژیانی ئاشتیانەی نێوان گەڵی کورد و خاوەن بیرۆباوەڕە جیاوازەکانی سەر بە نەتەوە و ئایینەکانی تر کرا کە لە سایەی حکوومەتی هەرێمی کوردستاندا گەشەسەندنی خێرای بە خۆیەوە بینیوە و لەسەر ئاستی ناوخۆیی و ناوچەیی و نێودەوڵەتیش بە چاوی ڕێزەوە لێی دەڕاوانن و سەردانە مێژووییەکەی قەداسەتی پاپا فرەنسیس بۆ هەرێمی کوردستان و عێراق هێندەی تر بنەماکانی پێکەوەژیانی ئاشتیانە لە کوردستان و ناوچەکە بەهێزتر دەکات و دەرهاویشە و پشتیوانیی سیاسی و دەستووری و ئاشتی و یەکڕیزی بۆ سیاسەتی فرەکلتووری و فرەئایینی بەدوای خۆیدا دێنێت و هاندەرێکیش دەبێت بۆ نەهێشتنی تیرۆر و توندوتیژیی ئایینی و هزری و بڵاوکردنەوەی گیانی ئاشتی و لێبووردەیی و دادپەروەری و یەکترقبووڵکردن لە نێوان هەموو ئایین و نەتەوەکان و ڕیزگرتن لە کەرامەتی مرۆڤ و ئازادییەکانی تاک و مافەکانی مرۆڤ و هێنانە دیی دادپەروەریی کۆمەڵایەتی و ڕێگریکردن لە ستەم و چەوساندنەوە و شەڕ و گەندەڵی و هەژاری و ئاوارەیی لە ناوچەکەدا.

تیمی میدیاکارانی پۆڵۆنیا سەرسام بوون بە شێوازی بەڕێوەچوونی ڕێوڕەسمی پێشوازی لە پاپا فرانسیس لە هەرێمی کوردستان و بەتایبەتیش لە ڕووی دابینکردنی ئاسایش لە ئاستێکی بەرزدا و سەرخستنی پرۆگرامی دیدار و سەردانەکان و بە ڕێکۆپێکی بەڕێوەچوونی نوێژی ئاشتیی پاپای ڤاتیکان لە ستادیۆمی شەهید فرانسۆ حەریری لە هەولێری پایتەختی هەرێمی کوردستان کە بە ئامادەبوونی هەزاران کریستیان و خەڵکی سەر بە ئایین و نەتەوە جیاوازەکان و لەسەر ئاستێکی باڵاشدا بە ئامادەبوونی ژمارەیەکی بەرچاو لە گەورە بەرپرسانی هەرێمی کوردستان و دامەزراوە حکوومی و ناحکوومییەکان و هەموو چین و توێژەکان و کونسووڵی گشتی و نوێنەرانی ئۆفیسی دیپلۆماسیی وڵاتانی بیانی لە هەرێمی کوردستان بەشدار بوون، بەڕێوە چوو. ئەو ڕێوڕەسمەیان بە ڕووداوێکی گرنگ وەسف کرد کە لەو ڕۆژەدا چاوی ملیۆنان مرۆڤی جیهان لەسەر کوردستان بوو، زایەڵەی ئەم سەردانەی قەداسەتی پاپا لەسەر ئاستی ناوخۆیی و دەرەوە سەدایەکی مەزنی هەبوو و لەسەر ئاستی ناوخۆیی و هەرێمایەتی و نێودەوڵەتی و لە ناوەندە سیاسی و دیپلۆماسی و میدیاییەکانیش بە گەشبینییەوە شرۆڤەی سیاسی و ستراتیژییان بۆ یەکەم سەردانی مێژووییی قەداسەتی پاپای ڤاتیکان کرد بۆ هەرێمی کوردستان و عێراقی فیدراڵ کە خزمەت بە پێشکەوتن و ئاشتی و ئارامی و پێکەوەژیان لە ناوچەکەدا دەکات.

جێگری کونسووڵی گشتیی کۆماری پۆڵۆنیا لە هەرێمی کوردستان شاگەشکەییی خۆی بە سەرکەوتنی دیداری مێژووییی پاپا فرەنسیس بۆ هەرێمی کوردستان دەربڕی و بە دەستکەوتێکی مەزنیش بۆ کوردستان و ئەزموونەکەی و پەیڕەوکردنی سیاسەتی فرەیی و کەلتووری و پێکەوەژیان و لێبووردەییی حکوومەتی هەرێمی کوردستان پێناسەی کرد. لە دیدارەکەدا بەتایبەتی میدیاکارانی پۆڵۆنیا تایبەت بە سەردانی پاپا فرەنسیس بۆ هەرێمی کوردستان و دۆخی هەرێم و پێشکەوتنەکانی لە بوارە جیاجیاکاندا دیمانەیەکیان لەگەڵ هۆشیار سیوەیلی، بەرپرسی مەکتەبی پەیوەندییەکانی دەرەوەی (پ.دک) بۆ میدیای پۆلۆنی کرد.

 




دوایین هەواڵەکان

نێچیرڤان بارزانى: به‌ریتانیا ده‌یه‌وێت له‌ زۆر بواردا هاوكاریى هه‌رێمى كوردستان بكات

FRIDAY, 17 SEPTEMBER 2021 21:09:21

له‌نده‌ن-KDP.info- پاش دوا وێستگه‌ى سه‌ردانى بۆ له‌نده‌ن و به‌سه‌ركردنه‌وه‌ى ئه‌كادیمیاى شاهانه‌ى ساندهێرستى سه‌ربازیى به‌ریتانى، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆك هه‌رێمى كوردستان، له‌ لێدوانێكى ڕۆژنامه‌وانیدا گوتى:

نێچیرڤان بارزانى سه‌ردانى ئه‌كادیمیاى ساندهێرستى سه‌ربازى ده‌كات

FRIDAY, 17 SEPTEMBER 2021 20:09:32

له‌نده‌ن-KDP.info- له‌ دوا وێستگه‌ى سه‌ردانیدا بۆ له‌نده‌ن، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان ئه‌كادیمیاى شاهانه‌ى ساندهێرستى سه‌ربازیى ناسراو له‌سه‌ر ئاستى جیهان به‌سه‌ركرده‌وه‌ كه‌ ژماره‌یه‌ك قوتابیى هه‌رێمى كوردستان و عیراق له‌ خوێندن و پێگه‌یاندن و خول و ڕاهێنانه‌كانیدا به‌شدارن و گه‌وره‌ترین ئه‌كادیماى سه‌ربازیى به‌ریتانییه‌.

سه‌رۆكى هه‌رێمى كوردستان له‌گه‌ڵ وه‌زیرى په‌روه‌رده‌ى به‌ریتانیا كۆبووه‌وه‌

FRIDAY, 17 SEPTEMBER 2021 18:09:31

له‌نده‌ن-KDP.info- پاشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن له‌گه‌ڵ به‌ڕێز نه‌دیم زه‌هاوى، وه‌زیرى په‌روه‌رده‌ى به‌ریتانیا كۆبووه‌وه‌.

بۆچی گرنگە دەنگ بە پارتی بدەیت

FRIDAY, 17 SEPTEMBER 2021 17:09:54

بێستون مەسعوود ساڵەیی

نێچیرڤان بارزانى له‌گه‌ڵ بۆریس جۆنسۆن كۆبووه‌وه‌

FRIDAY, 17 SEPTEMBER 2021 16:09:46

له‌نده‌ن-KDP.info- پێشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن به‌ گه‌رمى له‌لایه‌ن به‌ڕێز بۆریس جۆنسۆن سه‌رۆك وه‌زیرانى به‌ریتانیاوه‌ له‌ ئۆفیسى خۆى له‌ تێن داونینگ ستریت، پێشوازى لێكرا.



 
© 2021 Kurdistan Democratic Party, KDP

Contact