Kurdî  ■  كوردی  ■  عربي
SAT, 18 SEP 2021 01:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی پیرۆزبایی لە سەرۆکی تازەهەڵبژێردراوی پارتی (CDU) ئەڵمانیا دەکات
| KDP.info


ھەولێر-KDP. info- پەیوەندییەکانی دەرەوەی پارتی دیموکراتی کوردستان پەیامێکی پیرۆزباییی بە بۆنەی هەڵبژاردنی بەرێز ئارمین لاشێت، وەک سەرۆکی تازەی پارتی کریستیان دیموکراتی فەرمانڕەوای ئەڵمانیای فیدراڵ لە کۆنگرەی ٣٣یەمی پارتی CDUدا ئاراستەی بەڕێزیان کرد.

کۆنگرەی پارتی کریستیان دیموکراتی فەرمانڕەوای ئەڵمانیا لە ڕۆژانی ١٥-١٦/١/٢٠٢١ بە بەشداریی (١٠٠١) کەس بە شێوەی ئۆنلاین بەڕێوە چوو و لەسەر ئاستی کوردستانیش تەنیا شاندی پارتی دیموکراتی کوردستان بە فەرمی بانگهێشتی کۆنگرەکە کرابوو.

پەیوەندییەکانی دەرەوەی (پ.د.ک) لە پەیامی پیرۆزباییەکەیدا، بە ناوی سەرکردایەتیی پارتی دیموکراتی کوردستان و گەڵی کوردستانەوە کە ئاراستەی سەرۆکی تازەهەڵبژێردراوی پارتی (CDU) کراوە، پیرۆزباییی لە سەرکەوتنی بەڕێز ئارمین لاشێت و کۆنگرەی ٣٣یەمی پارتی کریستیان دیموکراتی ئەڵمانیای فیدراڵی کردووە و هیوای سەرکەوتنی بۆ بەڕێزیان و ئەو ئامانج و بەها پیرۆزانە خواستووە کە پارتی (CDU)  لەپێناویدا دامەزراوە و هەرەها بۆ گەشەپێدانی سەرکەوتنەکانی پارتەکەیان لە ئایندەدا.

پارتی دیموکراتی کوردستان لە پەیامی پیرۆزباییەکەیدا بۆ سەرۆکی تازەی پارتی (CDU)  هیوای خواستووە کە هەڵبژاردنی بەڕێز لاشێت وەک سەرۆکی تازەی پارتی (CDU)  هاندەر و ڕێخۆشکەر بێت بۆ گەشەپێدان و بەهێزترکردنی پەیوەندییە دۆستانەکانی نێوان هەردوو گەلی کوردستان و ئەڵمانیای فیدراڵ و سەرکردایەتیی پارتی دیموکراتی کوردستان و پارتی کریستیان دیموکراتی ئەڵمانیا بەتایبەتی کە پەیوەندییەکی بەهێز و دۆستانە و مێژوویی لە نێوان (KDP) و (CDU)دا هەیە.

لە کۆتاییی پەیامی پیرۆزباییی پەیوەندییەکانی دەرەوەی (پ.د.ک)دا هیوای سەرکەوتنی بۆ پارتی کریستیان دیموکراتی فەرامانڕەوای ئەڵمانیای فیدراڵی خواستووە لە هەڵبژاردنە فیدراڵی و گشتییەکانی کۆماری ئەڵمانیادا کە لە مانگی سێپتەمبەری ئەمساڵ بەڕێوە دەچن.

 




دوایین هەواڵەکان

نێچیرڤان بارزانى: به‌ریتانیا ده‌یه‌وێت له‌ زۆر بواردا هاوكاریى هه‌رێمى كوردستان بكات

FRIDAY, 17 SEPTEMBER 2021 21:09:21

له‌نده‌ن-KDP.info- پاش دوا وێستگه‌ى سه‌ردانى بۆ له‌نده‌ن و به‌سه‌ركردنه‌وه‌ى ئه‌كادیمیاى شاهانه‌ى ساندهێرستى سه‌ربازیى به‌ریتانى، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆك هه‌رێمى كوردستان، له‌ لێدوانێكى ڕۆژنامه‌وانیدا گوتى:

نێچیرڤان بارزانى سه‌ردانى ئه‌كادیمیاى ساندهێرستى سه‌ربازى ده‌كات

FRIDAY, 17 SEPTEMBER 2021 20:09:32

له‌نده‌ن-KDP.info- له‌ دوا وێستگه‌ى سه‌ردانیدا بۆ له‌نده‌ن، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان ئه‌كادیمیاى شاهانه‌ى ساندهێرستى سه‌ربازیى ناسراو له‌سه‌ر ئاستى جیهان به‌سه‌ركرده‌وه‌ كه‌ ژماره‌یه‌ك قوتابیى هه‌رێمى كوردستان و عیراق له‌ خوێندن و پێگه‌یاندن و خول و ڕاهێنانه‌كانیدا به‌شدارن و گه‌وره‌ترین ئه‌كادیماى سه‌ربازیى به‌ریتانییه‌.

سه‌رۆكى هه‌رێمى كوردستان له‌گه‌ڵ وه‌زیرى په‌روه‌رده‌ى به‌ریتانیا كۆبووه‌وه‌

FRIDAY, 17 SEPTEMBER 2021 18:09:31

له‌نده‌ن-KDP.info- پاشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن له‌گه‌ڵ به‌ڕێز نه‌دیم زه‌هاوى، وه‌زیرى په‌روه‌رده‌ى به‌ریتانیا كۆبووه‌وه‌.

بۆچی گرنگە دەنگ بە پارتی بدەیت

FRIDAY, 17 SEPTEMBER 2021 17:09:54

بێستون مەسعوود ساڵەیی

نێچیرڤان بارزانى له‌گه‌ڵ بۆریس جۆنسۆن كۆبووه‌وه‌

FRIDAY, 17 SEPTEMBER 2021 16:09:46

له‌نده‌ن-KDP.info- پێشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن به‌ گه‌رمى له‌لایه‌ن به‌ڕێز بۆریس جۆنسۆن سه‌رۆك وه‌زیرانى به‌ریتانیاوه‌ له‌ ئۆفیسى خۆى له‌ تێن داونینگ ستریت، پێشوازى لێكرا.



 
© 2021 Kurdistan Democratic Party, KDP

Contact