Kurdî  ■  كوردی  ■  عربي
THU, 26 NOV 2020 06:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەولێر.. دوو خوشك لە رووداوێكی ده‌گمه‌نی هاتووچۆدا‌ پۆلیس تۆمه‌تبار ده‌كه‌ن
| KDP.info


ھەولێر-KDP.info- له‌ رووداوێكی سه‌یری هاتووچۆ، كه‌ به‌ ده‌گمه‌ن روو ده‌ده‌ن، دوو خوشك خۆیان به‌یه‌كدا ده‌ده‌ن، دوای ئه‌وه‌ش هه‌ردوو شۆفێره‌كه‌ دێنه‌ خواره‌وه‌ و پۆلیسی هاتووچۆ تۆمه‌تبار ده‌كه‌ن.

موقه‌ده‌م فازڵ حاجی، گوته‌بێژی هاتووچۆی هه‌ولێر بڵاویكردووه‌ته‌وه‌، کاتژمێر11ی سەرلەبەیانی ئەمرۆ لەسەرشەقامی 60مەتری لەیەکتربڕی لەیلا قاسم پێکدادانێکی سووک روویدا، لەنێوان دوو ئوتومبێلی تایبەت، رووداوه‌كه‌ش هیچ زیانێكی گیانی لێ نه‌كه‌وته‌وه‌.

به‌ گوێره‌ی گوته‌بێژی هاتووچۆی هه‌ولێر، رووداوه‌كه‌ بەهۆی هەوڵی دەرچوون بوو لەترافیک لایت،  لەگەڵ سووربونی چرا لەلایەن یەکێک لەشوفێرەکان کە لەدواوە بوو، خۆی به‌ ئۆتۆمبێلی پێش خۆی داداوه‌، شۆفێری هه‌ردوو ئۆتۆمبێله‌كه‌ش خوشكی یه‌كتر بوونه‌.

فازڵ حاجی ده‌ڵێت: "لەکاتی چوونی پۆلیسی هاتووچۆ بۆلایان، هەردوولا پۆلیسەکەیان تاوانبار کردووە و به‌ پۆلیسه‌كه‌یان گوتووه‌: ئەگەر تۆزەکی دی گڵۆپی سوورت دانه‌گیرساندبا چی ده‌بوو؟ وەکو ئەوەی کەپۆلیسەکە بەدەست هەموو جارێ چراکان بگۆڕێت نەک بەئۆتۆماتیکی".

گوته‌بێژی پۆلیسی هاتووچۆ، له‌گه‌ڵ بڵاوكردنه‌وه‌ی هه‌واڵی ئه‌و رووداوه‌ ده‌گمه‌نه‌ی هاتووچۆ، داوایه‌ك له‌ شۆفێران ده‌كات و ده‌ڵێت: "تکایە رێز لەپۆلیسی هاتووچۆ بگرن".




دوایین هەواڵەکان

سەرۆکی شارەوانی پاریس سەرەخۆشی لە سەرۆکی حکومەتی هەرێمی کوردستان دەکات

WEDNESDAY, 25 NOVEMBER 2020 22:11:04

هەولێر-KDP.info- سەرۆکی شارەوانی پاریس ئان هیدالگۆ لە پرسەنامەیەکدا، سەرەخۆشی لە مەسرور بارزانی  سەرۆکی حکومەتی هەرێمی کوردستان دەکات و هاوخەمی خۆی ڕادەگەیەنێت بۆ کۆچی دوایی پارێزگاری هەولێر فرسەت سۆفی.

"سبەی وەزارەتی شارەوانی و ئاژانسی جایکا گرێبەستێک ئیمزا دەکەن"

WEDNESDAY, 25 NOVEMBER 2020 19:11:43

هەولێر-KDP.info- بڕیارە سبەی وەزارەتی شارەوانی و ئاژانسی جایکای ژاپۆنی گرێبەستێک بۆ جێبەجێکردنی پڕۆژەیەک ئیمزا بکەن و گوتەبێژی وەزارەتی شارەوانیش دەڵێ، پڕۆژەکە سوودێکی زۆری بۆ ھاووڵاتییانی ھەولێر دەبێت.

 
بەیاننامەیەک لە لیژنەی داکۆکیکردن لە مافی ئافرەتان

WEDNESDAY, 25 NOVEMBER 2020 19:11:41

بەداخەوە لەم ساڵەدا وەکو ساڵەکانی دیکە، چەند کەیسێکی نوێی کوشتنی ئافرەتان چوونە ناو داتاکانمانەوە کە دووبارە دووپاتی کردەوە لامان کە کارکردنی پێکەوەیی بۆ بەرەنگاربوونەوەی دیاردەی توندوتیژی لە هەرێمی کوردستان/عیراق چەند گرنگە، پەرلەمانی کوردستان و حکوومەتی هەرێمی کوردستان لەگەڵ ڕێکخراوەکانی تایبەتمەند بە کارکردن لەسەر کەیسە جیاوازەکانی ئافرەتان و لە نێوانیشیاندا کەیسەکانی توندوتیژی بە هاوکاریی دادگاکان بتوانین ڕووبەڕووی ئەو دیاردەیە ببینەوە.

 
ئەنجومەنی وەزیران دوایین پێشهاتەکانی گفتوگۆ لەگەڵ حکومەتی فیدراڵی تاووتوێ دەکات

WEDNESDAY, 25 NOVEMBER 2020 17:11:18

ھەولێر-KDP. info-  ئەمڕۆ چوارشەممە 2020/11/25  ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی وەزیران کۆبووەوە.

 
لەبەر پەتای کۆرۆنا ھەڵبژاردنەکانی سەرکردایەتیی لاوانی جیھان بۆ ساڵێک دوا خرا

WEDNESDAY, 25 NOVEMBER 2020 16:11:03

ھەولێر-KDP. info-  لە کۆبوونەوەی ساڵانەی ڕێکخراوانی ئەندام لە لاوانی جیھانیدا کە ئەمساڵ بە شێوازی ئۆنڵاین بەڕێوە چوو، بڕیار درا بۆ ساڵێک ھەڵبژاردنی دەستەیەکی تازەی ئەنجومەنی سەرکردایەتیی یەکێتیی لاوانی دیموکراتی جیھان دوا بخرێت.

 



 
© 2020 Kurdistan Democratic Party, KDP

Contact