Kurdî  ■  كوردی  ■  عربي
TUE, 15 JUL 2025 23:43 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پۆڵەندا نوێنەرایەتییەکەی لە هەولێر بۆ کونسوڵخانەی گشتی دەگۆڕێت
| KDP.info


هه‌ولێر-KDP.info- به‌رپرسى ئۆفیسى پۆڵەندا سەردانی مەکتەبی پەیوەندییەکانی دەرەوەی پارتی دیموکراتی کوردستانی کرد و، ڕایگەیاند، کە وڵاتەکەی بڕیاری بەرزکردنەوەی ئاستی نوێنەرایەتی لە هەرێمی کوردستان داوە.

دۆمینیک میشاڵ به‌رپرسى ئۆفیسى پۆڵەندا لە هەرێمی کوردستان، سەردانی مەکتەبی پەیوەندییەکانی دەرەوەی پارتی دیموکراتی کوردستانی کرد و، لەلایەن هۆشیار سیوەیلی بەرپرسی مەکتەبی پەیوەندییەکانی دەرەوەی و هەڤاڵانی مەکتەب پێشوازی کرا.  کە دوایین پێشهاتەکانی عێراق و هەرێمی کوردستان گفتوگۆیان لەسەر کرا، بەرپرسی پەیوەندییەکانی دەرەوەی پارتی، باردۆخەکی ئێستای عێراقی بە هەستیار ناوبرد و گوتی: عێراقییەکان لەبەردەم دووڕیانێکی مێژوویدان، دەبێت بە بەرپرسیاریانە هەڵسوکەوت بکەن. وە جێگای خۆشحاڵییە کە لەچەند ڕۆژی ڕابردوودا بەشێکی زۆری عێراقییەکان ڕێگریان کرد لە زیاتر قوڵبوونەوەی گرژییەکانی عێراق، بەوەی ڕێگەیان نەدا حکوومەتی نوێ لە دەرەوەی ئێرادەی لایەنە سیاسیەکان دابمەزرێنێت.

سیوەیلی جەختی کردەوە، کە عێراق پێویستی بە حکوومەتێکی بەهێزە، بۆ جێبەجێکردنی دەستوور و پێشکەشکردنی خزمەتگوزاری و رێگەگرتن لە سەرهەڵدانەوەی تیرۆریست و کۆتایهێنان بەو میلیشیایانە، کە بوونەتە مەترسی بۆ سەر ئارامی و سەقامگیری، بە تایبەتی ناوچە کوردستانییەکانی دەرەوەی ئیدارەی هەرێم و، ئەو جێگایانەی کە بەر لێشاوی وێرانکاری بوویەوە لە کاتی داگیرکردنی لەلایەن داعشەوە.

به‌رپرسى ئۆفیسى پۆڵەندا، دۆمینیک میشاڵ، خۆشحاڵی خۆی ڕاگەیاند، کە حکوومەتی پۆڵەندا بڕیاریدا نوێنەرایەتی وڵاتەکەی لە هەرێمی کوردستان بۆ بەرزبکاتە بۆ کۆنسوڵخانەی گشتی، ئەمەش دەستکەوتێکی گەورە و گرینگە بۆ بەرەوپێشەوەچوونی پەیوەندییەکانی نیوان هەرێمی کوردستان و پۆڵەندا. میشاڵ سوپاسی حکوومەت و خەڵکی هەرێمی کوردستانی کرد، "ئێمە بەردوام دەبین لە هاوکارییە مرۆییەکانمان بۆ هەرێم"، دڵنیاییدا کە کارەکانی کۆنسوڵخانەی فراوان تر دەبێت. سوپاسی مەکتەبی پەیوەندییەکانی دەرەوەی پارتی دیموکراتی کوردستانی کرد، بۆ هاوکاری و هەماهەنگی لەگەڵ نوێنەرانی وڵاتەکەی و داوای بەردەوامیی کرد، هۆشیار سیوەیلی جەختی کردەوە، کە ئێمە وەکو پارتی ئامادەی هەموو هاوکاریەکین لەپێناو بەرەو پێشوەچوون و بەرژەوەندی گەلی کوردستان و گەلی پۆڵەندا، هاوکات سوپاسی گەل و حکوومەتی پۆڵەندای کرد، بۆ ئەو هەنگاوە و هیوای خواست، کە ئەمە ببێتە سەرەتایەکی نوێ و کاریگەرتر لە پەرەپێدانی پەیوەندییە بازرگانی و سیاسی و پەروەردەیی و کەلتووری نێوان هەردوو گەلدا و، بەڵێنی بەردوامی لە هاورکایدا.

بەشێکی دیکەی ئەو دیدارە، باسی لە باردۆخی ئێستای عێراق و ناوچەکە بەگشتی بۆ ئەوەشیان دووپاتکردەوە، کە پێویستە ئەو ئاڵۆزییانە سارد بکرێنەوە و، ڕێگای دانوستان بگیرێتەبەر بۆ کۆتایی هاتنی نەهامەتیەکان و، ڕەخساندنی دەرفەتی گەشەسەندن و سەقامگیری کە لە بەرژەوەندی هەموو لایەکدایە.

 




دوایین هەواڵەکان

نێچیرڤان بارزانی سەرەخۆشی لە خانەوادەی مامۆستا زەڵمی دەکات

TUESDAY, 15 JULY 2025 20:07:44

ھەولێر-KDP.info- سەرۆکی ھەرێمی کوردستان بەبۆنەی کۆچی دوایی مەعسوومە عەبدولقادر، ھاوژینی د. مستەفا زەڵمی، سەرەخۆشیی ئاراستەی بنەماڵەکانیان دەکات.

سەرۆک فراکسیۆنەکان: کورد بە یەکگرتوویی دەتوانێ بە ھەموو مافەکانی بگات

TUESDAY, 15 JULY 2025 19:07:00

بەغدا -KDP.info- سەرۆکی فراکسیۆنی پارتی دیموکراتی کوردستان و یەکێتی نیشتمانی کوردستان جەخت دەکەنەوە، یەکھەڵوێستی کورد دەبێتە ھۆی بەهێزبوونی کورد بەرامبەر بەغدا، دەشتوانێ مافەکانی بەپێی یاسا و دەستوور بەدەستبێنێت و پارێزگاریش لە دەستکەوتەکان بکات.

سەرۆکی سەنتەری لێکۆڵینەوەی سیاسی لە عێراق: پێویستە حکوومەتی عێراق لەم ھێرشەی سەر کەرتی وزە بکۆڵێتەوە

TUESDAY, 15 JULY 2025 15:07:39

بەغدا -KDP.info- سەرۆکی سەنتەری لێکۆڵینەوەی سیاسی لە عێراق دەڵێت: "ئەو ھێرشانەی دەکرێنە سەر کەرتی وزە لە ھەرێمی کوردستان، بەھۆی ئەوەیە ھەرێمی کوردستان لەو بوارە زۆر پێشکەوتووە و چاویان بەو پێشکەوتنانە ھەڵنایەت".

 
ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

TUESDAY, 15 JULY 2025 13:07:16

ھەولێر-KDP.info- سه‌رۆکایه‌تیی هه‌رێمی کوردستان، به‌ توندى سه‌ركۆنه‌ى ئه‌و هێرشانە دەكات كە به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان. 

 
پشتیوان سادق باسی لە دواین پێشهات و گۆڕانکارییەکانی ناوخۆ و ناوچەكە کرد

TUESDAY, 15 JULY 2025 13:07:08

ھەولێر-KDP.info- ئەمڕۆ سێشەممە ١٥ی تەمموزی ٢٠٢٥، پشتیوان سادق، ئەندامی مەکتەبی سیاسیی و بەرپرسی مەکتەبی ڕێکخستنی پارێزگای هەولێری پارتی دیموكراتی كوردستان، لە بارەگای مەکتەبی ڕێکخستنی هەولێر، لەگەڵ ژمارەیەک هەڤاڵ و کادیرانی لقەکانی سنووری پارێزگای هەولێر كۆبووه‌وه‌.

 


 
© 2023 Kurdistan Democratic Party, KDP

Contact