Kurdî  ■  كوردی  ■  عربي
WED, 1 APR 2020 16:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رێبوار هادی: لە ماوەی ٣٠ رۆژدا عەللاوی نەتوانێ كابینەكەی تەواو بكات، كەسێكی دیكە رادەسپێردرێت
| KDP.info


بەغدا-KDP.info- سەرۆكی لیژنەی یاسایی لە ئەنجوومەنی نوێنەرانی عێراق دەڵێ، بە پێی یاسا، ٣٠ رۆژ لە بەردەم كاندیدی راسپێردراو هەیە كابینەكەی پێك بێنێت، ئەگەر نەیتوانی ئەوا سەرۆككۆمار كەسێكی دیكە رادەسپێرێت.

رێبوار هادی، لە لێدوانێكیدا بە ماڵپەڕی فەرمیی پارتی دیموكراتی كوردستانی راگەیاند، بە گوێرەی ماددەی ٧٦ی دەستووری عێراق، كەسێك رادەسپێردرێت بۆ پێكهێنانی كابینەی حكوومەت، بەڵام بۆ كاندیدكردنی عەللاوی بە پێی دەستوور نەكرا، ئەویش بە هۆی بارودۆخی ئێستای عێراق.

سەرۆكی لیژنەی یاسایی ئەنجوومەنی نوێنەران روونی كردەوە، بە پێی یاسا عەللاوی ٣٠ رۆژی لە بەردەمدایە هەتا كابینەكەی ئامادە بكات و بێنە ئەنجوومەنی نوێنەران و وەزیرەكانی دەنگیان لەسەر بدرێت، كە پێویستە ١٦٦ دەنگ بێنن، كە دەكاتە پەنجا كۆ یەك، هەروەها دەنگیش لەسەر بەرنامەی كابینەكەی بدرێت، كە بە نیازە لەو ماوەیەدا چی بكات.

رێبوار هادی ئاماژە بەوەش دەكات، ئەگەر بێت و لە نێوان ٢٢ وەزارەت ١٤ وەزارەتی كابینەی عەللاوی دەنگی پێویست بێنێت، ئەوا بە پێی یاسا كابینەكەی دروست دەبێت و كاری خۆی دەكات، لە بەرانبەریشدا ئەگەر نەیتوانی لە ماوەی ٣٠ رۆژدا كابینەكەی بێنێتە ئەنجوومەن، یا دەنگی پێویستی نەهێنا، ئەوا لە ماوەی ١٥ رۆژدا سەرۆككۆمار كەسێكی دیكە بۆ پێكهێنانی كابینەی راگوزەر رادەسپێرێت و، ناتواندرێ ماوەی دیكە بۆ عەللاوی درێژ بكرێتەوە.

شەوی شەممە رێككەوتی١ی ٢، سەرۆككۆمار، محەمەد تۆفیق عەللاوی راسپارد كابینەی راگوزەر پێكبهێنێت، لە ئێستادا ناوبراو تەنیا ٢٠ رۆژی لە بەردەمدا ماوە بۆ پێكهێنانی كابینەكەی.

 

خێڵان بەختیار

 

   




دوایین هەواڵەکان

كەركووك.. لە كۆڵان و شەقامەكانی زبڵ و خاشاك كەڵەكە بووە

WEDNESDAY, 01 APRIL 2020 13:04:31

كەركووك-KDP.info- ئیدارەیەكی بێباك و گەندەڵ لە پاش 16ـی ئۆكتۆبەری 2017 حكومڕانیی كەركووك دەكات، كە دەیان مەلەفی گەندەڵییان لەسەرە، بە هۆی گەندەڵی لە گرێبەستی هەڵگرتنەوەی زبڵ و خاشاكیش، ئێستا زبڵ شاری كەركووكی تەنیوە، هاووڵاتیانیش دەڵێن، مەترسی لەسەر ژیانمان دروست بووە، هەروەها ئەندامێكی پێشووی ئەنجوومەنی پارێزگاكەش ئاماژە دەدات، گەندەڵی سەرتاپای شاری تەنیوە و هاووڵاتیان ئازادییان نییە دەنگ هەڵبڕن.

 
سبەی وەزیری تەندروستی و پارێزگای ھەولێر لە سۆران دەبن

WEDNESDAY, 01 APRIL 2020 13:04:08

سۆران-KDP.info- بڕیار وایە سبەینێ  لە كۆنفرانسێكی رۆژنامەوانیدا بە ئامادەبوونی وەزیری تەندروستی و پارێزگای ھەولێر و لایەنە پەیوەندیدارەكان، تاقیگەیەكی تایبەت بە دەستنیشانكردنی نەخۆشیی كۆڤید ١٩ بە ھاوكاریی بەڕێوەبەرایەتیی تەندروستیی سۆران و زانكۆی سۆران بكرێتەوە، بۆ ئەوەی چیتر پێویست نەكات پشكنینەكان بۆ ھەولێر رەوانە بكرێن.

 
پەرلەمانی كوردستان: پشتگیریی بڕیارەكەی سەرۆكی حكوومەت دەكەین

WEDNESDAY, 01 APRIL 2020 13:04:58

هەولێر-KDP.info- سەرۆكی لیژنەی مافی مرۆڤ لە پەرلەمانی كوردستان، پاڵپشتی لە بڕیاری سەرۆكی حكوومەتی ھەرێمی كوردستان دەكات بۆ دەركردنی لێبووردنی تایبەت و دەڵێ، لێبووردنەكە ھەنگاوێكی باشە لە ئێستادا و ھەر ئازادكردنێكیش بە مەرج دەبێت.

 
د. سامان: قەدەغەكردنی هاتووچۆ هاوکارمان دەبێت بۆ زاڵبوون بەسەر كۆرۆنا دا

WEDNESDAY, 01 APRIL 2020 11:04:44

هه‌ولێر-KDP.info- وەزیری تەندروستیی حكوومەتی هەرێمی كوردستان گوتی، هەوڵەكان بەردەوامن بۆ ئەوەی كۆنتڕۆڵی نەخۆشیی كۆرۆنا بكرێت و دەشڵێ، درێژكردنەوەی قەدەغەی هاتوچۆ، لە قازانجی هاووڵاتیاندایە.

 
وەزارەتی پەروەردە: تاوەكو ئەم دۆخە یەكلا نەبێتەوە ناتوانین هیچ بڕیارێك بدەین

WEDNESDAY, 01 APRIL 2020 11:04:19

هەولێر-KDP.info- بەڕێوەبەری گشتیی ئەزموونەكان لە هەرێمی كوردستان گوتی، تاوەكو ئەم دۆخە یەكلا نەبێتەوە، ناتوانن هیچ بڕیارێك لەبارەی پرۆسەی خوێندنەوە بدەن و هەر بڕیارێكیش بدرێت، لیژنەی باڵای رووبەڕووبوونەوەی كۆرۆنا دەیدات.

 


 
© 2020 Kurdistan Democratic Party, KDP