Kurdî  ■  كوردی  ■  عربي
WED, 28 JUL 2021 16:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

موئەیەد تەیب: ئەمەریکا لە عێراق دەربچێت کۆتایی بە عێراق دێت
| KDP.info


هەولێر-KDP.info- دوای ئەوەی بەرپرسێکی نەتەوە یەکگرتووەکان ئاشکرای کرد، ھەزارەھا چەکداری بیانی لە عێراق ماون و لەنێو گرووپی تیرۆریستی داعشدا کار دەکەن، پەرلەمانتارێکی پێشووی عێراق پێی وایە، ھێشتا ھۆکارەکانی سەرھەڵدانی داعش ماون و دەشڵێ، ئەمەریکا لە عێراق بچێتە دەرەوە کۆتایی بە عێراق دێت.

موئەیەد تەیب، پەرلەمانتاری پێشووی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "کاتی خۆی بۆ ڕیکلامی ھەڵبژاردن حەیدەر عەبادی، سەرۆکوەزیرانی پێشووی عێراق، پەلەی کرد لەوەی کۆتاییی شەڕی داعشی لە عێراق ڕاگەیاند، چونکە داعش کۆتاییی نەھاتووە و بەردەوامیشە، ھۆکارەکەیشی بۆ ئەوە دەگەڕێتەوە کە ھۆکارەکانی سەرھەڵدانی داعش لە عێراقدا ھێشتا ماون و کۆتایییان نەھاتووە، تا عێراق سەقامگیری بە خۆیەوە نەبینێ مەترسیی داعش ھەر دەمێنێت."

ئەو پەرلەمانتارەی پێشووی عێراق دەڵێت: "حکوومەتەکانی پێشووی عێراق شکستیان ھێناوە و خەڵکی عێراق ناڕازین لە حکوومەت، چونکە ئەوە دەبینین لە ناوچەکانی باشوور شیعە خۆپێشاندان دژی دەسەڵاتدارانی عێراق دەکەن و لە ناوچەکانی سوننەمەزھەبیش خەڵکی سوننە حکوومەتی عێراق بە حکوومەتی خۆیان نازانن."

موئەیەد تەیب جەختی کردەوە: "ئاڵۆزییەکانی عێراق کاریگەرییان لەسەر جووڵەی داعش ھەیە، چونکە بوشاییی ئەمنی گەورە لە عێراق ھەیە و داعش بە دەرفەتی زانیوە خۆی بەھێز بکاتەوە، لە وڵاتێکدا سەقامیگری نەمێنێ، دەرفەت بە گرووپە تیرۆریستییەکان و دەستی دەرەکی دەدات، کاری خۆیان بکەن، باشبوونی ڕەوشی ئەمنی و کەمبوونەوەی مەترسییەکان داعش لە عێراق پەیوەستن بە سەقامگیریی پڕۆسەی سیاسیی عێراق."

لەبارەی بڕیاری دەرچوونی ھێزە بیانییەکان و کاریگەرییان لەسەر جووڵەی داعش تەیب گوتی: "ڕاستە ھەندێ ھێزی عێراقی داوای دەرچوونی ئەمەریکا و ھێزە بیانییەکان لە عێراق دەکەن، بەڵام پێم وایە ئەمەریکا ھێزەکانی لە عێراق بباتە دەرەوە، کۆتایی بە دەوڵەتی عێراق دێت، لەبەر ئەوەی ھیچ ھێزێک نییە بەرگری لە عێراق بکات."

قائید میرۆ




دوایین هەواڵەکان

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 
وەزارەت: لە پلانماندایە تا كۆتایی ئەمساڵ 40%ی هاووڵاتیان بكوترێن

WEDNESDAY, 28 JULY 2021 13:07:09

هەولێر-KDP.info- راوێژكاری وەزیری تەندروستیی حكوومەتی هەرێمی كوردستان رایدەگەیەنێت، لە پلانیاندایە تا كۆتایی ئەمساڵ 40 لەسەدی هاووڵاتیانی كوردستان بە ڤاكسینی كۆرۆنا بكوترێن، لەگەڵ شاندی هەرێمی كوردستانیش لە نێو شاندی حكوومەتی عێراق، بۆ كڕینی ڤاكسین لە ئەمەریكا لەسەر هێڵن.

 


 
© 2021 Kurdistan Democratic Party, KDP

Contact