Kurdî  ■  كوردی  ■  عربي
WED, 28 JUL 2021 16:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گەردی: ئاستەنگ بۆ دادگای فیدڕاڵی پەیدا بووە
| KDP.info


هەولێر-KDP.info- ئەنجومەنی باڵای دادوەریی عێراق ڕایگەیاندووە لەمەدوا کار بە بڕیارەکانی دادگای باڵای فیدڕاڵی ناکرێت، بەھۆی نەبوونی دادوەری پێویست لە دادگاکە و پسپۆڕێکی یاساش دەڵێ، بەھۆی کەمیی دادوەرەوە دادگای فیدڕاڵی دەسەڵاتی یەکلاکردنەوەی بابەتە ھەستیارەکانی نییە.


حاکم تاریق گەردی، پسپۆری یاسا و پەرلەمانتاری پێشووی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "ھۆکارەکەی بۆ ئەوە دەگەڕێتەوە کە قازی فارووق، ئەندامی ئەنجومەنی باڵای دادگای فیدڕاڵی، بەھۆی تەمەنەوە خۆی خانەنشین کردووە و یاسای دادگای فیدڕاڵییش لەلایەن پەرلەمانی عێراقەوە پەسەند نەکراوە، تا ئەوکاتەی پڕۆژەیاسای دادگای فیدڕاڵیش پەسەند نەکرێت، نابێ ئەندامانی دادگای فیدڕاڵی زیاد بکرێن."

ئەو پسپۆڕەی یاسا گوتیشی: "نەبوونی دادوەر کاریگەریی لەسەر بڕیارەکانی دادگای باڵای فیدڕاڵی دەبێت، چونکە بەپێی دەستوور ھەر بابەتێکی ھەستیار ڕەوانەی دادگای فیدڕاڵی بکرێت، بۆ یەکلاکردنەوە پێویستی بە کۆدەنگیی دادوەرەکان ھەیە، دادگای باڵای فیدڕاڵی لە نۆ ئەندام پێک دێت، کەمبوونەوەی ئەندامێک ئاستەنگ بۆ بڕیارەکانی دادگا دروست دەکات."

گەردی ئاماژەی بۆ ئەوە کرد: "ھەندێ پرسی ھەستیار لە دادگا یەکلا ناکرێنەوە، تا یاسای دادگای باڵای فیدڕاڵی دەردەچێت، بەڵام بۆ ئەو پرسانەی زۆر ھەستیار نەبن، لیژنە لەنێو دادگای فیدڕاڵی هەن و دەسەڵاتی یەکلاکردنەوەی پرسەکانیان ھەیە."

قائید میرۆ




دوایین هەواڵەکان

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 
وەزارەت: لە پلانماندایە تا كۆتایی ئەمساڵ 40%ی هاووڵاتیان بكوترێن

WEDNESDAY, 28 JULY 2021 13:07:09

هەولێر-KDP.info- راوێژكاری وەزیری تەندروستیی حكوومەتی هەرێمی كوردستان رایدەگەیەنێت، لە پلانیاندایە تا كۆتایی ئەمساڵ 40 لەسەدی هاووڵاتیانی كوردستان بە ڤاكسینی كۆرۆنا بكوترێن، لەگەڵ شاندی هەرێمی كوردستانیش لە نێو شاندی حكوومەتی عێراق، بۆ كڕینی ڤاكسین لە ئەمەریكا لەسەر هێڵن.

 


 
© 2021 Kurdistan Democratic Party, KDP

Contact