Kurdî  ■  كوردی  ■  عربي
FRI, 24 JAN 2020 11:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رۆژبەیانی: بڕیاری ھاوپەیمانان مەترسیی بۆ سەر ناوچە كوردستانییەكان دەبێت
| KDP.info


هەولێر-KDP.info- دوای ئەوەی ھاوپەیمانیی نێودەوڵەتی بڕیاری دا ھەماھەنگی و ھاوكارییەكانی لە عێراق رابگرێت، سەرۆكی لیژنەی ناوچە كوردستانیەكانی دەرەوەی ئیدارەی ھەرێم ھۆشداری دەدات لە دروستبوونی مەترسی بۆ سەر ئەو ناوچانە و دەشڵێ، ھاوپەیمانان نەبن، مەترسی بۆ سەر ناوچە كوردستانییەكان ھەیە.

جوان رۆژبەیانی، سەرۆكی لیژنەی ناوچە كوردستانییەكان لە پەرلەمانی كوردستان، بە ماڵپەڕی فەرمیی پارتی دیموكراتی كوردستانی راگەیاند: "بڕیارەكەی ھاوپەیمانیی نێودەوڵەتی دژی داعش، كاریگەری لەسەر رەوشی ناوچە كوردستانییەكانی دەرەوەی ئیدارەی حكوومەتی ھەرێمی كوردستان دەبێت، چونكە لە ئێستادا ھێزی پێشمەرگە لەو ناوچانەدا نییە بۆ ئەوەی بەرگری بكات و بەرەنگاری تیرۆریستانی داعش ببێتەوە، بۆیە بڕیارەكەی ھاوپەیمانیی نێودەوڵەتیش، ھێندەی دیكە مەترسییەكان زیاتر دەكات".

سەرۆكی لیژنەی ناوچە كوردستانییەكان دەشڵێت: "ئەگەر لە ھەندێ ناوچە ھاوپەیمانان بوردوومانەكانیان رابگرن و پێشمەرگەشیان تێدا نەبێت، مەیدانەكە بۆ چەكدارانی داعش دەمێنێتەوە، ھێزە عێراقیەكانیش توانای بەرگرییان نییە لەو ناوچانە و سەرئەنجام داعش لەو سنوورانە گەشەی زیاتر دەكات".

رۆژبەیانی ئاماژەی بۆ ئەوەش كرد: "عێراق خۆی كەوتووەتە رەوشێكی ئاڵۆزەوە و بەشێك لەو ناوچە كوردستانیانەش لە ڕووی ئیدارییەوە كەوتوونەتە ژێر دەسەڵاتی حكوومەتی فیدڕاڵ و بەداخەوە گرینگییان پێ نەدراوە پێشووتر، بۆیە ئەوەشی ھەیە لە دەست دەچێت و پێشبینیی رەوشێكی خراپ دەكەین بۆ ئەو ناوچانە".

 

قائید میرۆ




دوایین هەواڵەکان

سه‌رۆكى هه‌رێمى كوردستان له‌گه‌ڵ وه‌زیرى ده‌ره‌وه‌ى عومان كۆبووه‌وه‌

THURSDAY, 23 JANUARY 2020 19:01:25

داڤۆس-KDP.info-  سه‌رۆك نێچیرڤان بارزانى پرسه‌ و سه‌ره‌خۆشیى خۆى بۆ گه‌ل و حكوومه‌تى عو‌مان دووپات كرده‌وه‌ به‌ له‌ده‌ستدانى خوالێخۆشبوو سوڵتان قابووس بن سه‌عید سوڵتانى پێشووى عومان، هه‌روه‌ها پیرۆزباییى ده‌ستبه‌كاربوونى له‌ سوڵتانى تازه‌ خاوه‌نشكۆ هه‌یسه‌م بن تارق ئال سه‌عید كرد و خواستى هه‌رێمى كوردستانى بۆ په‌ره‌پێدانى په‌یوه‌ندییه‌كانى له‌گه‌ڵ عومان ده‌ربڕى.

سەرۆك بارزانی پێشوازی لە وەزیری وەرزش و لاوانی عێراق دەكات

THURSDAY, 23 JANUARY 2020 18:01:38

هەولێر-KDP.info-  ڕۆژی پێنجشەممە 23ـی 1ـی 2020 سەرۆك مەسعود بارزانی پێشوازی لە د. ئەحمەد ریاز تالب وەزیری وەرزش و لاوانی عێراق كرد.

نێچیرڤان بارزانی: سەرهەڵدانەوەی داعش جیدییە و عێراق پێویستی بە ئەمریکایە

THURSDAY, 23 JANUARY 2020 17:01:38

هەولێر-KDP.info-  سەرۆکی هەرێمی کوردستان لە پانێڵێک لە داڤۆس لەبارەی ئاڵۆزی و پشێوییە بەردەوامەکانی رۆژهەڵاتی ناوەڕاست و عێراق قسەیکرد و باسی لە گرژییەکانی عێراق، دۆخی خۆپیشاندانەکان و کاریگەرییەکانی لەسەر هەرێمی کوردستان کرد. نێچیرڤان بارزانی، سەرۆکی هەرێمی کوردستان لە پانێڵەکەدا لە وەڵامی پرسیاری ئایا دەکرێت هەرێمی کوردستان خۆی بەدوور بگرێت لە ئەو دۆخەی لە عێراق هەیە و خۆی جیا بکاتەوە؟ ئاماژەی بەوە کرد، رووداوەکانی عێراق کاریگەرییان لەسەر هەرێمی کوردستان هەیە، هەرێمی کوردستان ناتوانێت خۆی لە عێراق جیابکاتەوە.

"حکوومەت ئامادەکاری بۆ وەرگرتنەوەی پڕۆژەکانی وەبەرھێنان دەکات "

THURSDAY, 23 JANUARY 2020 15:01:31

هەولێر-KDP.info- لە ھەرێمی کوردستان خزمەتگوزاریی نێو پڕۆژەکانی وەبەرھێنان لەلایەن وەبەرھێنەرەوە پێشکەش بە دانیشتووانی نێو یەکەکان دەکرێت و مانگانە پارەیەکی زۆر لە بەرانبەر خزمەتگوزارییەکانی وەک کارەبا و ئاو و فڕێدانی زبڵ و سیکیۆرێتی لە ھاووڵاتیان وەردەگیرێت.

 

لێدوانێک لە گوته‌بێژی حكومه‌تی هەرێمی کوردستانەوە‌

THURSDAY, 23 JANUARY 2020 14:01:33

هەولێر-KDP.info-  ئێوارەی رۆژی هه‌ینی 2020/1/24 کاتژمێر 8:45 ، تەرمی پێنج لە قوربانیانی  بەلەمی نوقومبووی  دەریای ئیجە بە ناوەکانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەکر) لەسەر ئەرکی حکومەتی هەرێمی کوردستان دەگاتەوە فڕۆکەخانە نێودەوڵەتیی سلێمانی.



 
© 2020 Kurdistan Democratic Party, KDP