Kurdî  ■  كوردی  ■  عربي
MON, 23 NOV 2020 18:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەحموود محەمەد و شاندێکی یۆنامی کۆبوونەوە
| KDP.info


هەولێر-KDP.info-  پێشنیوەڕۆی ئەمڕۆ،  ٢٩ی٨ی٢٠١٩ ھەڤاڵ (مەحموود محەمەد) گوتەبێژ و ئەندامی مەکتەبی سیاسی پارتی دیموکراتی کوردستان، پێشوازی لە (مانوج ماسیۆ) لێپرسراوی کاروباری سیاسیی نەتەوە یەکگرتووەکان لە عێراق یۆنامی و (فرانک لێڤیلتۆ) راوێژکاری سیاسی و بەرپرسی بەشی سیاسی ئۆفیسی ھەولێری یۆنامی، کرد.

لە دیدارەکەدا، شاندی میوان خۆشحاڵی و پیرۆزبایی یۆنامی و خاتوو (جێنین ھێنیس) نوێنەری تایبەتی سکرتێری گشتی نەتەوەیەکگرتووەکانیان لە عێراق بە پارتی گەیاند، ئەویش بە بۆنەی دامەزراندنی کابینەی نوێی حکوومەتی ھەرێم و، ھاوکات ھەنگاوەکانی پارتی دیموکراتی کوردستانیان وەکو لایەنی پێکھێنەری کابینەی حکوومەت لە بەشداری پێکردنی لایەنە سەرەکییەکانی کوردستان لە حکوومەتدا و لە پێناو سەقامگیری ھەرێم بەرزنرخاند، ھەروەھا بە گرینگییەوە باسیان لە کارنامەی چوارساڵی داھاتووی حکوومەت کرد و ئومێدی سەرکەوتنیان بۆ خواست.

دواتر گفتوگۆ لەسەر رەوشی سیاسی و ئەمنی ناوچەکە و عێراق بەگشی کرا و، ئەگەر و پێشھات و گۆڕانکاری و کارتێکەرەکان خرانە بەرباس.

ھەر لە دیدارەکەدا ، ڕۆشنایی خرایە سەر پەیوەندییەكانی هەرێمی كوردستان و حکوومەتی فیدراڵی عێراق، ھەڤاڵ (مەحموود محەممەد) ئاماژەی بە زەرورەتی چارەسەرکردنی رەوشی کەرکووک و ناوچە جێناکۆکەکان و یەکلاکردنەوەی کێشە و ئاریشەکانی دیکەی نێوان كوردستان و بەغداد دا بەپێی دەستوور و دیالۆگ و لێکتێگەشتن بە نیەتی چارەسەر کردن، کە تاکە رێگەی سەقامگیری و ئارامی تەواوی عێراقە.

لە کۆتایی دیدارەکەدا جەخت لەسەر بەھێزکردنی پەیوەندییەکانی نێوان ھەولێر و بەغدا و ھێزە سیاسییەکان و چەسپاندنی ئارامی و سەقامگیری و، خزمەتکردنی ھاووڵاتیان کرایەوە و بۆ ئەمەش رۆڵی یۆنامی بەگرینگ زاندرا.




دوایین هەواڵەکان

''پۆلیسی فیدراڵیی عێراقی ڕیگە نادات پەکەکە قاچاخچێتی لە شنگال بکات''

MONDAY, 23 NOVEMBER 2020 16:11:05

شنگال-KDP.info-  سەرچاوەیەک لە قەزای شنگال ڕایگەیاند، دوو لیوای سوپای عێراق لەسەر سنووری عێراق و سووریا نیشتەجێ کراوان.

 

ناوەندی ڕەوەندی کورد لە سوید دامەزرا

MONDAY, 23 NOVEMBER 2020 16:11:45

ستۆکهۆڵم-KDP.info- لە ڕۆژی ٢١ی ١١ی ٢٠٢٠دا لە ستۆکهۆڵمی پایتەختی سوید ناوەندی ڕەوەندی کورد دامەزرێنرا.

 
پەرلەمانی كوردستان دیاردەی كۆچی گەنجان تاوتوێ دەكات

MONDAY, 23 NOVEMBER 2020 13:11:43

هەولێر-KDP.info- پەرلەمانی كوردستان رۆژی چوارشەممە 25/11/2020 كۆدەبێتەوە،و یەكێك لە تەوەرەكانی كۆبوونەوەكە گفتوگۆكردنە لەبارەی راپۆرتی لیژنەی رەوەندی كوردستانی سەبارەت بە كۆچی گەنجان بۆ دەرەوەی وڵات.

دارا جەلیل خەیات بۆ KDP: كۆنفڕانسی ئابووریی ھەرێم، گرنگیدانی ئەمەریكایە بە كوردستان

MONDAY, 23 NOVEMBER 2020 12:11:34

ھەولێر-KDP.info- سەرۆكی ژووری بازرگانیی ھەرێمی كوردستان رایدەگەیەنێت، سازدانی كۆنفڕانسی "ئابووریی ھەرێمی كوردستان دوای كۆرۆنا" بە بەشداریی سەرۆكی حكوومەت، بایەخی زۆری ھەیە و دەبێتە ھۆی ئەوەی كۆمپانیای زیاتری ئەمەریكا بێنە ھەرێم و، گرنگیدانی ئەمەریكاشە بە ھەرێمی كوردستان.

ئاگرین عەبدوڵڵا: 80%ی پڕۆژەی جووتسایدی كەلار-كفری تەواو بووە

MONDAY, 23 NOVEMBER 2020 11:11:52

گەرمیان-KDP.info- حكوومەتی هەرێمی كوردستان پڕۆژەی جووتسایدی كەلار – كفری خستووەتە بواری جێبەجێكردنەوە و 80%ی كارەكانی كۆتایی هاتووە، بەرپرسانی كۆمپانیای جێبەجێكاریش دەڵێن، كارەكانی پڕۆژەكە ڕادەگرن گەر پارەیان بۆ خەرج نەكرێت، بەڵام بریكاری وەزارەتی ئاوەدانكردنەوە جەخت دەكاتەوە، هەموو هەوڵێك دەدەن پارە بۆ پڕۆژەكە خەرج بكرێت.



 
© 2020 Kurdistan Democratic Party, KDP

Contact