Kurdî  ■  كوردی  ■  عربي
WED, 9 JUL 2025 12:42 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

قاسم دربۆ: شنگالییه‌كان له‌ یه‌په‌گە قه‌بووڵ ناكه‌ن
| KDP.info


هه‌ولێر-KDP.info- فەرماندەیەکی ھێزی پێشمەرگە لە شنگال دەڵێ، ڕازی نابن ھیچ ھێزێک فەرمانگەکانی حکوومەت داگیر بکات؛ دەبێ چۆڵی بکەن بۆ ئەوەی کاری خۆیان بکەن و ئامادەکاری بۆ گەڕانەوەی خەڵک بکەن.

(قاسم دربۆ) لە فەرماندەکانی ھێزی پێشمەرگە لە شنگال بە ماڵپەڕی فەرمیی پارتیی دیموکراتی کوردستانی ڕاگەیاند: "ھیچ ھێزێک هەقی نییە فەرمانگەکانی حکوومەت داگیر بکات؛ ئەوە مڵکی خەڵکە و خزمەتی خەڵک دەکەن، بۆیە دەبێ چۆڵی بکەن، بۆ ئەوەی کاری خۆیان بکەن و ئامادەکاری بکەن بۆ گەڕانەوەی خەڵک، خۆ ناکرێت خەڵکەکە بگەڕێتەوە و ھیچ ئامادەکارییەکیش نەکرابێت و، فەرمانگە حکوومییەکان کارودەوامی خۆیان نەکەن."

(قاسم دربۆ) گوتیشی، ناکرێت بە بیانووی نەبوونی فەرمانی بەغدا یەپەگە فەرمانگە حکوومییەکان چۆڵ نەکەن، چونکە ھیچ پەیوەندییەکی بە بەغداوە نییە، بۆیە نە ئێمە و نە خەڵکیش لە کەسی قه‌بووڵ ناکەین ئەو فەرمانگانە داگیر بکەن و دەبێ چۆڵی بکەن.

دیارە، یەپەگە زیاتر لە حەوت بینای حکوومەتی لە شنگال داگیر کردووە و ئامادە نییە چۆڵی بکا، بەو بیانووەی گوایە تا بەغدا فەرمانیان پێ نەکا،  چۆڵی ناکەن، کەچی ئەم کارە ھیچ پەیوەندییەکی بە بەغداوە نییە، بەڵکو بە دەست پارێزگای مووسڵەوەیە.

جێی ئاماژه‌یه‌ ئه‌و هێزه‌ی یه‌په‌گه‌ دوای ئه‌وه‌ی پێشمه‌رگه‌ شنگالی ئازاد كرد هاتوونه‌ته‌ نێو شنگال و حه‌وت فه‌رمانگه‌ی حكوومیان بۆ خۆیان دابڕیوه‌.

بڵند ئیبراھیم




دوایین هەواڵەکان

سه‌رۆكى هه‌رێمى كوردستان پێشوازیی له‌ باڵیۆزى ڤه‌نزوێلا كرد

WEDNESDAY, 09 JULY 2025 12:07:27

ھەولێر-KDP.info- پێشنیوه‌ڕۆى ئه‌مڕۆ چوارشه‌ممه‌ 2025/7/9 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ دیدارێكدا له‌گه‌ڵ به‌ڕێز ئه‌رتورۆ ئه‌نیبال گالێگۆس ڕامیرێز، باڵیۆزى ڤه‌نزوێلا له‌ عێراق، ده‌رباره‌ى ده‌رفه‌تى بره‌ودانى زیاتر به‌ په‌یوه‌ندییه‌كانى ڤه‌نزوێلا له‌گه‌ڵ عێراقدا بیروڕایان گۆڕییه‌وه‌.

 
ماڵپەڕی KDP کاتی دابەشکردنی ٩ ھەزار یەکەی نیشتەجێبوون بڵاو دەکاتەوە

WEDNESDAY, 09 JULY 2025 12:07:14

ھەولێر-KDP.info- بەڕێوەبەری گشتی لە وەزارەتی ئاوەدانکردنەوەی حکوومەتی ھەرێمی کوردستان دەڵێ، ئامادەکاریی تەواو کراوە و لە چەند ڕۆژی داھاتوودا دەست بە دابەشکردنی زیاتر لە ٩ ھەزار یەکەی نیشتەجێبوون بەسەر خەڵکی ھەژار و کەمدەرامەت دەکرێت، کە دابەشکردنیشی لە ڕێگەی تیروپشکەوە دەبێت.

 
مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

 
پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە. 

 
سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.



 
© 2023 Kurdistan Democratic Party, KDP

Contact