Kurdî  ■  كوردی  ■  عربي
FRI, 19 JUL 2024 11:38 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

نێچیرڤان بارزانى پیرۆزبایى له‌ سه‌رۆكى هه‌ڵبژێردراوى ئێران ده‌كات
| KDP.info


ھەولێر-KDP.info- نێچیرڤان بارزانی لە پەیوەندییەکی تەلەفۆنیدا پیرۆزبایی لە مەسعوود پزیشکیان دەکات و هیوای سەرکەوتنی بۆ دەخوازێت لە ئەرک و بەرپرسیارییەتییەکەیدا.

ئێواره‌ى ئه‌مڕۆ چوارشه‌ممه‌ ١٠-٧-٢٠٢٤، نێچیرڤان بارزانى، سه‌رۆكى هه‌رێمى كوردستان، به‌بۆنه‌ى هه‌ڵبژاردنییه‌وه‌ به‌ سه‌رۆكى كۆمارى ئیسلامیى ئێران، له‌ په‌یوه‌ندییه‌كى ته‌له‌فۆنیدا پیرۆزبایى له‌ به‌ڕێز مه‌سعوود پزیشكیان كرد و هیواى سه‌ركه‌وتنى له‌‌ ئه‌رك و بەر‌پرسیاریه‌تییه‌كه‌یاندا بۆ خواست.

به‌ڕێزیان هه‌روه‌ها‌ ئاماده‌یى و خواستى هه‌رێمى كوردستان و گه‌له‌كه‌ى دووپات كرده‌وه‌ بۆ بره‌ودان به‌ په‌یوه‌ندیى دۆستانه‌ی له‌مێژینه‌ و هاریكاریى هاوبه‌ش له‌ هه‌موو بواره‌كاندا له‌گه‌ڵ كۆمارى ئیسلامیى ئێران له‌سه‌ر بنه‌ماى ڕێز و به‌رژه‌وه‌ندیى هاوبه‌ش و دراوسێیه‌تیى باش كه‌ ببێته‌ هۆكارى به‌ره‌وپێشچوونى هه‌ردوو گه‌ل و وڵات.

سه‌رۆكى هه‌رێمى كوردستان هه‌روه‌ها دڵنیایى ده‌ربڕى له‌وه‌ى كه‌ سه‌ركردایه‌تیى سه‌رۆك پزیشكیان ده‌بێته‌ هۆى قووڵكردنه‌وه‌ى دۆستایه‌تیى هه‌ردوولا و وه‌ك له‌ دوا دیداردا له‌گه‌ڵ جه‌نابى ڕابه‌ری شۆڕشی ئیسلامی و به‌رپرسانى باڵاى كۆمارى ئیسلامیى ئێران، په‌رۆشیى هه‌رێمى كوردستانى نیشان دا بۆ هاریكاریى هاوبه‌ش له‌پێناو داهاتوویه‌كى باشتر بۆ هه‌ردوو وڵات، هه‌روه‌ها بۆ ئاشتى و سه‌قامگیرى له‌ ناوچه‌كه‌دا.

لاى خۆیه‌وه‌ به‌ڕێز مه‌سعوود پزیشكیان، سه‌رۆكى هه‌ڵبژێردراوى كۆمارى ئیسلامیى ئێران، وێڕاى خۆشحاڵى، سوپاس و پێزانینى بۆ په‌یوه‌ندى و پیرۆزباییى نێچیرڤان بارزانى ده‌ربڕى و جه‌ختى له‌ خواستى كۆمارى ئیسلامیى ئێران بۆ بره‌ودان به‌ په‌یوه‌ندییه‌كانى له‌گه‌ڵ عێراق و هه‌رێمى كوردستاندا كرده‌وه‌، هه‌روه‌ها ئاماژه‌ى به‌ په‌یوه‌ندیى دۆستانه‌ و دێرینى گه‌لانى ئێران و كۆمارى ئیسلامى له‌گه‌ڵ هه‌رێمى كوردستاندا كرد.




دوایین هەواڵەکان

هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 

لیوا عەبدولخالق بۆ KDP: چالاکییەکانی داعش لە پێشتر مەترسیدارترن

THURSDAY, 18 JULY 2024 12:07:21

بەغدا-KDP.info- نونێەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق گوتی، داعش چالاکە و ئێستاش داعش مەترسیی جیددییە لەسەر عێراق و چالاکییەکانیشیان لە پێشتر مەترسیدارترن.

 


 
© 2023 Kurdistan Democratic Party, KDP

Contact