Kurdî  ■  كوردی  ■  عربي
FRI, 19 JUL 2024 12:01 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وەزیری کشتوکاڵ: لە کابینەی نۆدا توانیومانە قۆناغێکی باش ببڕین
| KDP.info


هەولێر-KDP.info- وەزیری کشتوکاڵ و سەرچاوەکانی ئاوی هەرێمی کوردستان ڕایگەیاند، لە کەرتی پەلەوەریدا لە پێداویستی بازاڕی خۆمان زۆر زیاترمان هەیە و دەتوانین هەناردەی بازاڕی عێراقی بکەین، لە بواری سامانی ماسیش هەنگاوی زۆرباشمان ناوە.

ئەمڕۆ چوارشەممە، بێگەرد تاڵەبانی، وەزیری کشتوکاڵ و سەرچاوەکانی ئاوی هەرێمی کوردستان، لە کۆنفرانسێكی ڕۆژنامەوانیدا ڕایگەیاند، لە کابینەی نۆدا هەنگاوەکانی پەرەپیدانی کەرتی سامانی ئاژەڵ بەگشتی دەستی پێکردووە و توانیومانە قۆناغێکی باش ببڕین، ئومێد دەکەین لەسەر سیاسەتی پەرەپێدانی ئەم کەرتە هەنگاوی گەورەتر بنێین.

بێگەرد تاڵەبانی دەڵێت، "لەبەشێکی زۆری بەرەبوومەکانی سامانی ئاژەڵی گەیشتووینەتە خۆبژێوی کە یەکێکە لە دەسکەوتە گرنگەکان بۆ ئەوەی بتوانین، دەستەبەری ئاسایشی خۆراک لە هەرێمی کوردستان بکەین".

وەزیر ئاماژەی بەوەش دا، "پلانی پەرەپیدانی ئەم کابینەیە بەهەموو سێکتەرەکان و شێوازێک کە گرتوویەتییەبەر، دەتوانم بڵێم ئێستا لە کەرتی پەلەوەریدا لە پێداویستی بازاڕی خۆمان زۆر زیاترمان هەیە و دەتوانین هەناردەی بازاڕی عێراقی بکەین، لە بواری سامانی ماسیش هەنگاوی زۆرباشمان ناوە، هەروەها لە بواری ئاژەڵی کاوێژکەر کە بەرهەمی شیریش دەدەنە بازاڕەکانی هەرێمی کوردستان، توانیومانە هەنگاوی باش بنێین".

بیگەرد تاڵەبانی ڕاشیگەیاند، "هەموو ئەو کەسانەی سەرمایەدارن و دەیانەوێ لە کەرتی کشتوکاڵ سەرمایەداری بکەن، بەتایبەت لە بواری سامانی ئاژەڵ، دەرفەتی کاری زۆرمان هەیە، کە دەتوانم بڵێم دامەزراندنی بەشێک لەو کارگانە کە خواستی هەرێمی کوردستانە لە ناو خودی هەرێمی کوردستاندا بازاڕی سەرجەم عێراق نەک تەنیا کوردستان، ئێستا بەشێکی زۆری عێراق ئەو بەرهەمانە هاوردە کاری ئەو بەرهەمانەیە کە پێویستی پێیەتی بەتایبەت بەرهەمی سامانی ئاژەڵ".




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact