Kurdî  ■  كوردی  ■  عربي
FRI, 19 JUL 2024 12:41 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ھەڵبژاردنی ئۆرگانەکانی پارتی ئافرەتانی دڵخۆش کرد
| KDP.info


ھەڵەبجە-KDP.info-  کادیرە ئافرەتەکانى پارتى دیموکراتى کوردستان، لە هەڵبژاردنى ئۆرگانە حزبییەکان دەڵێن: ڕێژەیەکى بەرچاوى ئافرەت هاتوونەتە پێشەوە، ئەوەش پێمان دەڵێ سەرۆک بارزانى و پارتیمان، گرنگى بە تواناى ئافرەتان دەدەن، جێگاى خۆشحاڵییە کە لە هەموو جومگەکانى پارتى ئافرەت ڕۆڵى کاراى هەیە. 

 

تەرزە محەمەد مامۆستای زانکۆ و کادیرى پێشکەوتووى پارتى، بە ماڵپەڕى فەرمیی پارتى دیموکراتى کوردستانى ڕاگەیاند: بڕیارى کۆنگرەى ١٤ى پارتییمان بە دانانى هاتنە پێشەوەی ٢٥% بۆ کادیرى ئافرەت لە ئۆرگانەکانى حزب، لە سەرکردایەتى بۆ ڕێکخراو، وەکو خۆى جێبەجێ کرا، ئەو ئافرەتانەى هاتوونەتە پێشەوە کادیرى گەنج و بەتوانان، ئافرەتانى پارتى لە کۆنگرە و هەڵبژاردنى ئۆرگانەکانیش زۆرینەیان بە دەنگى خۆیان سەرکەوتن، بەشێکى زۆر کەمیان بە کۆتا سەرکەوتوون. 

تەرزە محمەد گوتیشى: لە سەردەمى بارزانى نەمر تا ئێستاش پارتی لە هێنانە پێشەوەى ئافرەت و پاراستنى مافەکانیان و ڕۆڵپێدانیان لە ناوەندی حزبى و حکوومیدا پێشەنگ بووە، گرنگ ئەوەیە ئێستا ئافرەتان خۆیان بتوانن ڕۆڵ بگێڕن و پێشەنگبن لە هێنانەوەى پێشەوەى ئافرەت و پێگەیاندنى کادیرى باش بۆ حزب و دامەزراوەکانى دەوڵەت، ئافرەت، لەناو پارتى، جومگەی گرنگى دەسەڵاتیان بەدەستەوەیە، جەنابى سەرۆک هەمیشە بەرگری لە مافەکانى ئافرەت دەکات. 

شنیا هۆشیار حوسێن کادیرى پێشکەوتووى یەکێتى قوتابیانى کوردستان، لەو بارەیەوە بە ماڵپەڕى فەرمیی پارتى دیموکراتى کوردستانى ڕاگەیاند: پارتى هەمیشە هەنگاوی زۆر باشی ناوە بۆ دروستبوونی کادری ئافرەت لە هەموو سەردەمەکاندا، لەم ساڵانەی کۆتاییشدا تایبەتیتر  لە کۆنگرەى ١٤ و هەڵبژاردنى ئۆرگانە حزبییەکان ڕێژەیەکی بەرچاو لە کادری ئافرەتی زۆر باش هێنرانە پێشەوە، ئەوەش پێمان دەڵێ سەرۆک بارزانى و پارتییمان هەمیشە  ڕۆڵى گرنگیان داوەبە ئافرەت و ڕێگای بۆ ئاسانکراوە بۆ ئەوەی بتوانێت سەرکەوتن بەدەست بێنێت. 

شنیار هۆشیار ئاماژەى بەوەش کرد: پارتى دیموکراتى کوردستان لەناو حکوومەت و پەرلەمان و ناوخۆی حزبیش ڕۆڵی گرنگی بە ئافرەتان داوا و پۆستى هەستیاریان بە ئافرەت سپاردووە، ئێمە بڕوامان وایە هیچ حزبێک هاوشێوەى پارتى، لە دامەزراوەکانى پەرلەمان و حکوومەت و ئۆرگانە حزبییەکان کاری بۆ سەرخستنی ئافرەتان نەکردوە. 

ئافرەت بە پاڵپشتى پارتى توانیویەتى پۆستى باڵا وەربگرێت، ئەوەى دەیبینین، پاش هەڵبژاردنەکانى ئۆرگانەکانى پارتى، لە ئۆرگانە حزبییەکانیش ئافرەت توانیویەتى بە ڕێژەیەکى زۆر باش بێتە ناو کایەی سیاسیەوە، ئەمەش جێگای خۆشحاڵیە و وا لە ئافرەتان دەکات بە گڕ و تینێکی زیاترەوە بێنە مەیدانی خزمەتکردن. 

 

تاڤان بارزان کادیرى پارتى، بە ماڵپەڕى فەرمیی پارتى دیموکراتى کوردستانى ڕاگەیاند: لە هەڵبژاردنى ئۆرگانەکانى پارتى، خۆشبەختانە لەو چوارچێوەیەى داندرابوو تواندرا بە ڕێژەیەکى زۆر باش ئافرەت بێتە پێشەوە، لەمەولا ڕۆڵى ئافرەتان لە هەموو ئۆرگانەکانى پارتیمان زیاتر دەبێت، پارتى و سەرۆک بارزانى هەمیشە گرنگى بە ڕۆڵى ئافرەتان دەدەن، ئەوەش واى کردووە ئافرەت لە هەموو جومگەکانى دەسەڵات لە ئۆرگانە حزبییەکان و پۆستە حکوومیەکان ڕۆڵى گرنگ بگێڕن. 

 

پارتى لە مەکتەبى سیاسى و کۆمیتەى ناوەندى بۆ لق و ناوچەکان و ڕێکخراوەکانى ڕێژەی ٢٥%ی بۆ ئافرەتان تەرحانکراوە، ئێستا ئەرکى ئافرەتانە بتوانن بە ڕۆڵى خۆیان هەستن و توانای خۆیان بسەلمێنن. 

عەزیز ڕەسووڵ




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact