Kurdî  ■  كوردی  ■  عربي
FRI, 19 JUL 2024 11:09 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ماڵپەڕی KDP زانیاریی نوێ لەبارەی دابەشکردنی زەوی ئاشکرا دەکات
| KDP.info


ھەولێر-KDP.info- بەڕێوەبەری گشتیی تۆمارکردنی خانووبەرە ئاماژەی بۆ ئەوە کرد، کابینەی نۆیەم دابەشکردنی زەوی بە شێوەی کارت قەدەغە کردووە و ئەو زەویانەی بڕیارە بەسەر فەرمانبەراندا دابەش بکرێن، تاپۆ دەکرێن.

د. لوقمان عومەر، بەڕێوەبەری گشتیی خانووبەرەی ھەرێم، بە ماڵپەڕی فەرمیی پارتی دیموکراتی کوردستانی ڕاگەیاند: "لە سەرەتای دەستبەکاربوونی کابینەی نۆیەم دابەشکردنی زەوی بە شێوەی کارت قەدەغە کراوە، ھەر زەوییەک لەمەودوا لەلایەن حکوومەتەوە دابەش بکرێت، دوای ئیفرازکردنی زەوییەکە لەلایەن شارەوانییەوە ڕاستەوخۆ دەکرێتە سەنەد و لەسەر ناوی ھاووڵاتیان تاپۆ دەکرێت".

بەڕێوەبەری گشتیی تۆمارکردنی خانووبەرەی ھەرێم دەشڵێت: "حکوومەت ڕێگە نادات زەویی کارت دابەش بکرێت و قەدەغە کراوە، چونکە دابەشکردنی کارت ڕێکارێکی یاسایی نییە و تەنیا ڕێگەی دروست، تاپۆکردنی زەوییەکانە".

دەشڵێ: "تەنیا لە سەردەمی کابینەی نۆیەم ٧٠ ھەزار کارت کراون بە سەنەد و لیژنەیەکیش لەلایەن سەرۆکایەتیی ئەنجوومەنی وەزیران پێکھاتووە، بۆ ئەوەی ھەموو کارتانەی ماون بکرێنە سەنەد و لەسەر ناوی ھاووڵاتیان تاپۆ بکرێن، هاوکات ھەنگاوی زۆر باش نراون بۆ ئەو پرسە، بەڵام زۆر جار ھاووڵاتیان خۆیان نایەن بۆ گواستنەوەی زەوییەکان بۆ سەر ناوی خۆیان".

قائید میرۆ

 




دوایین هەواڵەکان

هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 

لیوا عەبدولخالق بۆ KDP: چالاکییەکانی داعش لە پێشتر مەترسیدارترن

THURSDAY, 18 JULY 2024 12:07:21

بەغدا-KDP.info- نونێەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق گوتی، داعش چالاکە و ئێستاش داعش مەترسیی جیددییە لەسەر عێراق و چالاکییەکانیشیان لە پێشتر مەترسیدارترن.

 


 
© 2023 Kurdistan Democratic Party, KDP

Contact