Kurdî  ■  كوردی  ■  عربي
FRI, 19 JUL 2024 12:30 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پارتی، نوێبوونەوە، بەخشش و هەردەم پێشەنگ
| KDP.info


د. محه‌ممه‌د خدر مه‌ولوود

پارتی دیموکراتی کوردستان وەک پارتێکی کوردی و کوردستانی، چ بۆ باشوور و  کوردستانی عێراق، پاشان چ بۆ بەشەکانی دیکەی کوردستان هەر لە مێژوو و رۆژی دامەزراندنییەوە لە 16ی ئابی 1946دا لەنێو هزر و بیر و ئەندێشە و بەرنامەی کار و خەباتی دامەزرێنەر و رابەری سەرۆک مستەفا بارزانی دا، وەک پارتێکی خاوەن پڕەنسیپی دیموکراتی نیشتیمانی، هەر لە قۆناغی سەرەتای خەبات و تێکۆشانیدا  باوەڕی بە ئازادی و سەربەخۆیی گەلان هەبووە، لە نێویشیاندا باوەڕی تەواوی  بە هەبوونی تەواوی مافەکانی نەتەوایەتیی گەلی کورد و کوردستانیش.

لە دوای ئەو مێژووەوە، کە ئەمساڵ تەمەنی خەباتی شۆڕشگێڕیی شاخ و شارستانی و  مەدەنی و یاسایی و دەستووری دەگات بە 78ساڵ، وەک پارتێکی نیشتیمانی، هەروا وەک پارتێکی دیموکراتی، هەڵگری بنەما و میتۆدی باوەڕبوون بە مافەکانی مرۆڤ و دادپەروەریی کۆمەڵایەتی و ئازادییەکانی کۆمەڵگە و تاکە، لە پێناو هێنانەدیی مافی نەتەوەیی گەلی کورد و گەل و نەتەوەکانی دیکەی کوردستان و بڕیاردان لە مافی چارەنووسسازی، کە خۆی لە پرۆسەی سەربەخۆیی و بەدەوڵەتبوونی پرس و دۆزی کورددا دەبینێتەوە، لە خەبات و تێکۆشاندا بووە.

دیوەکەی دی، هاوکێشەکەی پارتی دیموکراتی کوردستان، دوژمنان و ناحەزانیەتی

کە لە راستیدا دوژمنانی راستەقینەی پرس و دۆزی نەتەوەیی و نیشتیمانی کوردن  بەر لەوەی دوژمنی پارتی بن، هەر ئەو دوژمن و ناحەزانەش لەو باوەڕەدا بوونە کە پارتی دیموکراتی کوردستانە هەڵگری پەیامی راستەقینەی هاتنەدیی ئامانجە نەتەوەیی و نیشتیمانییەکانە و بەو راستییانە پارتی بە چەندین جۆر و شێوە تاقی کراوەتەوە،  گەر لە قۆناغەکانی خەباتیشدا نەیتوانیبێ هەموو مافەکانی ئەو ئامانجە بێنێتە دی، بەڵام هەرگیزا و هەرگیز سازشی نەکردووە.

سازشنەکردنی پارتی لەسەر پرسی چارەنووسسازی نیشتیمانی، نەتەوەیی، کە خۆی لە سەربەخۆیی و دامەزراندی دەوڵەتی کوردیدا دەبینێتەوە، لای ئەوانەی راستەوخۆ و ناراستەوخۆ ملیان لەبەر ملی پارتی ناوە و بە نهێنی و بە ئاشکرا دژایەتیی دەکەن، ناتوانن لەو راستییە لادەن و پرەنسیپی سازشنەکردنی پارتی لەسەر بابەتی هەستیاری

چارەنووسسازدا بەهەند وەرنەگرن و لە هەردوو باری شەڕ و ئاشتی لەگەڵ پارتی بوێریی ئەوەیان نییە ئەو بابەتە وەک سەودا و مامەڵە پێکردن بهێننە سەر مێزی گفتوگۆی پارتی دیموکراتی کوردستان. چونکە پارتی دیموکراتی کوردستان سەودا و مامەڵە بە پرسی چارەنووسسازی نەتەوەییەوە ناکات.

ئەو پەیڤە سەرەتاییەمان هەموو بۆ ئەمەیە بڵێین، پرەنسیپە نیشتیمانییە نەتەوەییەکان چۆن جێگیر و نەگۆڕن و لەگەڵ سەردەم و پێشکەوتنەکانیشدا نوێ دەبنەوە و گۆڕانی ئەرێنییان بەسەردا دێ و بەند و خاڵی دیکەش دەگرنە خۆ، هەروا  ئاوایش پارتی بۆ کارکردن و درێژەدان بە خەباتی شارستانی و لە سەردەمی کۆمەڵگەی مەدەنی و پێشکەوتنە خێرایەکانی تەکنەلۆژیای دیجیتەڵی، وەک مرۆڤی زیرەکی خۆڕسک لە  پێشکەوتندایە و خۆی دەگونجێنێ لەگەڵ تەگەرە و قەیرانەکان تا گۆڕینیان بە دەرفەت و سەرکەوتن.

پارتی، بۆ چارەسەر و ساڕێژی برین و شوێنەواری کەموکوڕیی بابەتە نەرێنییەکانی خۆیشی شارەزایە و بە لێزانی خاڵ لەسەر پیتەکانی دادەنێت.

نهێنیی بەردەوامی و پێشکەوتن و بەخششی پارتی لە قۆناغە جیاجیاکاندا، کۆنگرە و کۆنفراسە، بە هەموو جۆرە کۆنفراسێک تا هی ئۆرگان و بارەگا و ناوچە و نووسینگە و بنکە و ناوەندەکانیش بێ، بە کۆڕ و کۆڕبەند و کۆبوونەوە و ڕەخنە و ڕەخنەکاری و  ڕەخنەلەخۆگرتن و دەستنیشانکردنی خاڵە لاواز و هەڵە و کێماسییەکانیش، کە جۆرێکن لە هەوا و هەناسە و ئۆکسجینی نوێ و خوێنی گەرمی تازەن بە بەر جەستەی پارتییەوە و نوێبوونەوەی پێ دەبەخشن و پارتی بە فۆڕمی تازە و ناوەڕۆکێکی پێشکەوتووتر و کراوەتر دێنێتەوە نێو جەماوەرە شۆڕشگێرەکەی، کە لەگەڵ پارت و هێزە سیاسییەکانی کوردستان و دەوڵەتان و هێز و لایەنانی نێودەوڵەتی، هاوپەیمانیش ڕژتر و تۆکمەتر  لە جاران بۆ پرسە چارەنووسازە ئایندەییەکان دێتەوە سەر مێزی گفتوگۆ و گوتاروگفت و لوتف و کار و کردەوە و بەرنامەی تازەی پێییە.

ئێستای پارتی دیموکراتی کوردستان، لە سەردەمی سەرۆک و رابەر و فریادڕەس و کاریزما سه‌رۆك مەسعود بارزانی، لە کار و کردەوە سوواو و  باوەکان تێپەڕیوە و ئێستا بە شێوەی (خیلافی باو) خەبات دەکا و دروشمی سوواو و چەقبەستووی بواردوووە، بە گوتار و گفتی تازەی پۆست ڕیفڕاندۆمەوە هەردەم لە بەرەوپێشەوەچوون و هەڵکشان و بەرزیدایە و بۆ گەیشتن بە مەبەست و سەرکەوتن، هیچ کات سڵ ناکاتەوە و بەرنامە و خاڵە ئەرێنییەکانی ئامانجی دامەزراندنی خۆی هەر دێنێتە دی. 

ئەمە بۆ پارتی ئەستەم نییە، چونکە جەماوەرەکەی و خەڵکێکی زۆری کوردستان چاویان لەوەیە لە سەردەم و لە سایەی پارتیدا ئامانجەکانیان بێنەدی و چیتر حازرخۆرانی بەرسێبەر  نەتوانن جوانییەکانی پارتی ناشیرین پێشان بدەن.




دوایین هەواڵەکان

وەزیری پەروەردە و تەندروستی لەبارەی (ھەژماری من)ەوە زانیارى ده‌خه‌نه‌ڕوو

FRIDAY, 19 JULY 2024 11:07:46

ھەولێر-KDP.info- وەزیری تەندروستی حکوومەتی ھەرێم لەبارەی ھەژماری منەوە دەڵێت: جێگای خۆشحاڵیە کەوا زۆربەی پزیشکانی وەزارەتی تەندروستی خاوەنی ھەژماری منن، ھاوکات وەزیری پەروەردەی حکوومەتی ھەرێمیش دەڵێ، مافی مامۆستایان لە ھەژماری من گەرەنتی کراوە و بۆ مانگی حوزەیران زیاتر لە ٣٢ ھەزار مامۆستا لەڕێی ھەژماری منەوە مووچەکەیان وەرگرتووە.

 
هەڵمەتێک لە مزگەوتەکانەوە دەستپێدەکات

THURSDAY, 18 JULY 2024 22:07:41

هه‌ولێر-KDP.info- شاندێکی ناوەندی هاوبەشی هەماهەنگی قەیرانەکان لەسەر پرسی کۆچی نایاسایی، لەگەڵ وەزارەتی ئەوقاف و کاروباری ئایینی هەماهەنگی و کاری هاوبەش دەکەن.

 
هەولێر و بەغدا لەسەر چەند خاڵێک لە بواری باج ڕێککەوتن

THURSDAY, 18 JULY 2024 21:07:11

ھەولێر-KDP.info- وەزارەتی دارایی هەرێمی کوردستان دەڵێت، لەگەڵ لیژنەی باڵای ڕێکخستنەوەی باج لە حکوومەتی فیدڕاڵی لەسەر چەند خاڵێک ڕێککەوتوون کە دەبنە هۆی کارئاسانی بۆ ئەو کارگە و کۆمپانیا و بانکانەی لە هەرێمی کوردستان و عێراق کاردەکەن.

 

فازڵ میرانی پێشوازی لە كونسوڵی نوێی کۆماری توركیا له‌ هه‌ولێر كرد

THURSDAY, 18 JULY 2024 19:07:35

ھەولێر-KDP.info- به‌رپرسی ده‌سته‌ی كارگێری مه‌كته‌بی سیاسی پارتی پێشوازی له‌ كونسوڵی گشتی نوێی كۆماری توركیا له‌ هه‌ولێر كرد، لە دیدارەکەشدا جەخت له‌سه‌ر پته‌وتركردنی په‌یوه‌ندییه‌كانی نێوان توركیا و هه‌رێمی كوردستان كرایەوە و هیوایان خواست كه‌ ناوچه‌كه‌ ئارام و سه‌قامگیربێت.

 

بێ ڕەزامەندیی ژینگە هیچ پاڵاوگەیەک مۆڵەتی پێ نادرێت

THURSDAY, 18 JULY 2024 17:07:45

ھەولێر-KDP.info- بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان ڕایدەگەیەنێت، زۆرینەی پاڵاوگە نایاساییەكان داخراون و ھەر پاڵاوگەیەک بیەوێت دامەزرێت و مۆڵەت وەربگرێت، پێویستە ڕەزامەندی لە نۆ شوێن وەربگرێت، ئەگەر نا ناتوانێت مۆڵەتی پێ بدرێت.

 



 
© 2023 Kurdistan Democratic Party, KDP

Contact