Kurdî  ■  كوردی  ■  عربي
SAT, 25 MAY 2024 17:28 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

لەیلا قاسم ڕوحێک لە پۆڵا
| KDP.info


ئەسرین عاسی شوانی

ئافرەتی کورد لە مێژووی بەرخودانی گەلی کوردستاندا زۆر بێوێنە بوونە لە خەباتی سیاسی و کۆمەڵایەتی و فەرھەنگی دا، بە جۆرێکی وا کە دوژمنانیان شەرمەزار کردووە کاتێ ئەزموونی ژنی کورد بەدی دەکەن، بۆیە نموونەی ئافرەتی کورد دەرەوشاوەیە دژ بە داگیرکەران و دوژمنانی خۆسەپێن، مێژوو لاپەڕەیەکی پڕ لە قارەمانانەی کچە کوردێک یاد دەکاتەوە کە بوێری و ئازایەتیی ئەو کچە شۆڕشگێڕە، وای کرد عەرشی بەغدای ئەوسا بھەژێنێ و دوژمنان تووشی لەرزین بکات، بە جۆرێکی وا پەتی سێدارە شەرمەندە و شەرمەزار بێت لە ئاستی زوڵف و پەرچەم و گەردنیدا، تەنیا لەبەر داواکاریی مافی گەلەکەی، دوژمنان لەم ڕۆژەدا و 50 ساڵ بەر لە ئێستا گەردنی کچە قوتابی لەیلا قاسمیان خستە بەر پەتی سێدارە و لەیلای تێکۆشەریش سروودی شۆڕشگێرانەی دەگوتەوە و وشەی کوردستانی ڕەنگڕێژی پەتی گەردنی دەکرد، دوژمن بە شەھیدکردنی لەیلا قاسم ھەزاران لەیلای جۆشدراوی ڕێگای ڕزگاریی کوردستان کرد و ئەو کچە بزێو و ئازا و ڕۆشنبیرە لە خوێنی ھەزاران کچ و کوڕی ئەم نیشتیمانە ھەوێنی چاند و ڕۆژ بەڕۆژ شۆڕشی کورد لە جاران زیاتر پەلی دەھاویشت و دوژمنانی دەتاساند، بە جۆرێک دوژمنی شەرمەزار کرد تا بە دڵۆپە خوێنێکی جۆشی شۆڕشێکی ھەمیشەیی و گەلێک وەئاگا بھێنێ و بست بە بستی خاکی کوردستان لە پیسی و پۆستاڵی ڕەشی دوژمنان پاک بکاتەوە.

تا کوردیش خاوەنی ئەو جۆرە لە تەوار بێت، بێ شک ئاڵای کوردستان ھەر شەکاوە دەبێت، چونکە لەیلا قاسم وەک بۆمبێکی تەوقیتکراو لە بەغدای پایتەخت و لە ناوجەرگەی دوژمن بە سروودی کوردستانم بەرەو پەتی سێدارە ھەنگاوی نا و لە بەردەم پەتی سێدارەدا ترس و لەرزی لە دڵی دوژمنان چاند، ئەو پشکۆیە گڕە بوو کە تا ئێستاش دوژمنانی بە ئاگا ھێنایەوە کە میللەتێک ڕۆڵەی وای ھەبێت، جێگای ئەوە نییە سەر بۆ دوژمنان و نۆکەرانی دابنوێنێت.

شەھید لەیلا قاسم، ڕاستە بە ھەڵواسینی گیانی بۆ شەھادەت فڕی و بووە سەر وێرد و بەستە و ھەڵبەست و گۆرانی تاک بە تاکی کوردستان، لەگەڵ ئەوەشدا ترس و لەرزی خستە دڵی دوژمنان و ئەوەی سەلماند کە گەلێک لەیلایەکی وای ھەبێت، جۆشدەری ھەزارەھا لەیلا دەبێت و گەلی وا سەرەڕای ئاستەنگ و زۆریی دوژمن و بەھێزیی نەیارانی، کاروانەکەی ھەر دەگاتە مەنزڵ و دوژمنانیشی شەرمەزار دەکات، بۆیە لەم ڕۆژەدا و لە ئاستی شکۆمەندیی شەھیدی ھەمیشە زیندووی ڕێگای ڕزگاریی کورد و کوردستان و ڕێبازی بارزانی، سەری ڕێزم بۆ شەھید لەیلا قاسم و سەرجەم شەھیدانی ڕێگای ڕزگاریی کوردستان دادەنوێنم.




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact