Kurdî  ■  كوردی  ■  عربي
SAT, 25 MAY 2024 17:36 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

راوێژکارێکی دەستەی ناوچە کوردستانییەکان: ھەڵبژاردنی ئەنجوومەنی پارێزگاکان کاریگەری ھەبووە"
| KDP.info


ھەولێر-KDP.info- دوای ھەڵبژاردنی ئەنجوومەنی پارێزگاکان کرانەوەیەک ھەیە لەنێوان ھەرێم و بەغدا بۆ چارەسەرکردنی کێشەکانی ناوچە کوردستانییەکانی دەرەوەی ئیدارەی حکوومەتی ھەرێم و دەنگەکانی کورد لە کەرکووک و نەینەوا و خانەقین گۆڕانکاریان پەیداکردوە. 

عەدالەت عومەر، راوێژکار لە دەستەی ناوچە کوردستانییەکان بە ماڵپەڕی فەرمیی پارتی دیموکراتی کوردستانی راگەیاند" تا مادەی ١٤٠ی دەستووری عێراق بەتەواوەتی بەھەر سێ قۆناغەکەوە جێ بەجێنەکرێت کێشەکانی ئەو ناوچانەی کوردستانین و لەدەرەوەی ئیدارەی حکوومەتی ھەرێمی کوردستانن ھەر دەمێنن، ناوە ناوەش کێشەی نوێ سەرھەڵدەدات وەک ئەوەی لە رۆژانی کێشەی زەوی و زار لە سنووری زوممار پەیدابوو، ئینجا لە کەرکووک و نەینەوا و ناوچەکانی دیکە چەندین کێشە ھەن لە دامەزراندن بگرە تا کێشەی زەوی.

راوێژکاری دەستەی ناوچە کوردستانییەکان گوتی"  پێشتر ئیدارەی ھاوبەش ھەبوو لەناوچە کوردستانییەکان و بەداخەوە دوای رووداوەکانی ١٦ی ئۆکتۆبەر ئیدارەی ھاوبەش نەماوە، بەڵام ئێستا رەوشەکە ھەندێک باشترە و  دانوستان ھەیە لەنێوان ھەرێم و بەغدا، بەتایبەتی دوای ھەڵبژاردنی ئەنجوومەنی پارێزگاکانی عێراق .

عەدالەت عومەر جەختی کردەوە" گۆڕانکاری پەیدابووە لە دوای پرۆسەی ھەڵبژاردن، چونکە کورد رێژەیەکی زۆری دەنگەکانی لە نەینەوا و کەرکووک و خانەقین بەدەست ھێناوە و ھەبوونی ئەنجوومەنی پارێزگاکان و ئامادەبوونی کورد لەو ئەنجوومەنانە کاریگەری دەبێت لەسەر زۆر پرسە ناوچە کوردستانییەکان، ئەگەر پارێزگاری کەرکووک یەکلا بکرێتەوە کێشەکانی ئەو پارێزگایە تا رادەیەک چارەسەر دەکرێن.
قائید میرۆ




دوایین هەواڵەکان

بەرپرسی لقی یەکی پارتی بۆ KDP: بووینەتە ڕایەڵەیەکی گرنگی نێوان خەڵک و حکوومەت

SATURDAY, 25 MAY 2024 12:05:02

دھۆک-KDP.info- بەرپرسی لقی یەکی پارتی دیموکراتی کوردستان رایگەیاند، کابینەی نۆیەمی حکوومەتی ھەرێمی کوردستان بە سەرۆکایەتیی مەسروور بارزانی، خزمەتێکی گەورەی پارێزگای دھۆکی کردووە و دەشڵێ؛ ئێمە بووینەتە ڕایەڵەیەکی گرنگی پەیوەندیی نێوان خەڵک و حکوومەت بۆ گەیاندنی داواکارییەکانیان و حکوومەتیش داواکارییەکانی ئێمە زۆر بە باشی لەبەر چاو دەگرێت.

 
سەرۆک بارزانی پێشوازی لە شاندێکی وەزارەتی دەرەوەی قەتەر دەکات

SATURDAY, 25 MAY 2024 11:05:54

هەولێر-KDP.info- ڕۆژی شەممە 25ی ئایاری 2024 لە سەلاحەددین سەرۆک مەسعود بارزانی پێشوازی لە شاندێکی وەزارەتی دەرەوەی قەتەر کرد کە پێکهاتبوو لە بەڕێز ئەحمەد بن حەسەن ئەلحمادی ئەمینداری گشتیی وەزارەتی دەرەوەی قەتەر و بەڕێز سوڵتان بن موبارەک ئەلکوبەیسی باڵیۆزی قەتەر لە عێراق و بەڕێز حوسێن بن علی ئەلفەزالە کونسوڵی گشتیی قەتەر لە هەولێر.

 
ئەمڕۆ فوئاد حوسێن سێ پارچەی گرانبەهای شوێنەواری عێراقی وەرگرتەوە

FRIDAY, 24 MAY 2024 22:05:09

سویسرا-KDP.info- وەزیری ناوخۆی سویسرا سێ پارچەی شوێنەواری عێراقی رادەستی وەزیری دەرەوەی عێراق کردەوە. وەزارەتەکە دەڵێت: "گومان دەکەین بە رێگەیەکی نایاسایی لە عێراق برابێتنە دەرەوە." 

 
سه‌رۆکی هه‌رێمی کوردستان گه‌ڕایه‌وه‌ هه‌رێمی کوردستان

FRIDAY, 24 MAY 2024 22:05:18

هه‌ولێر-KDP.info- ئێواره‌ی ئه‌مڕۆ هه‌ینی ٢٠٢٤/٥/٢٤ به‌ڕێز نێچیرڤان بارزانی، سه‌رۆکی هه‌رێمی کوردستان، دوای ته‌واوبوونی به‌رنامه‌ی سه‌ردانه‌ فه‌رمییه‌که‌ی بۆ ئیمارات و کۆبوونه‌وه‌ی له‌گه‌ڵ سه‌رۆکی ئیمارات به‌ڕێز شێخ محه‌مه‌د بن زاید ئال نه‌هیان له‌ ئه‌بو زه‌بی، گه‌ڕایه‌وه‌ هه‌ولێر.

 

لیوا عەبدولخالق بۆ KDP: بازگەکانی کەرکووک ڕادەستی ھێزەکانی پۆلیس کران

FRIDAY, 24 MAY 2024 22:05:14

کەرکووک-KDP.info- نوێنەری حکوومەتی ھەرێمی کوردستان لە فەرماندەی ئۆپەراسیۆنی ھاوبەشی عێراق  گوتی، بەبڕیاری سەرۆکوەزیرانی عێراق دەست بە جێبەجێکردنی پلانی ڕادەستکردنی ئەمنیەتی بازگەکان بە ھێزەکانی پۆلیس کرا و لە دەست سوپا نەماوە.

 


 
© 2023 Kurdistan Democratic Party, KDP

Contact